مساعدة شوركم وهـداية الله = شوي من وقتك اقراني وتوكل على الله

والله انا انصحك من واقع تجربة لا تترك وظيفتك خصوصاً ان راتبك ما شالله طيب
ترى اغلب المبتعثين الحاصلين على دكتوراة وما جستير احتمال يرجعون ما يحصلون وظائف
الان بعض الى رجعوا حصلوا على 6000 ريال وهو ماجستير
ممكن تقدر تسجل في الجامعة الالكترونية وتكمل فية عندك فرص اخرى
لكن اهم شي وظيفتك ما تتركها هذا رزقك ورزق عيالك
وعسا الله يوفقك

وعليكم السلام ورحمة الله وبركاته
اولا اخوي ،، شي طيب انك حاب تتعلم وتزود عقلك بالعلوم النافعة ،،، وانا اشجعك علئ الدراسة ولكن اون لاين او داخل مدينتك ،، لان بصراحه تترك وظيفتك هذا انا اشوفه تضحية قوية !

اذا طبيعة عملك ورئيسك في سابك يسمح لك تبتعث علئ حسابهم وتصير ضامن الوظيفة وبنفس الوقت راح تتعلم وتفيد وتستفيد ، هذا شي حلو
لآن بصراحه قبلك ناس تخرجو بكالوريوس وتعذبو وماجاتهم وظايفهم وما حدهم علئ البعثة الآ اللي امر منه انهم ماحصلو وظائف!
عموما المبتعثون نهايتهم مجهولة لان مو مضمون لهم الوظايف .
نصيحة امسك وظيفتك افضل لك وطور من نفسك باللي تقدر عليه .

ملاحظة:
يفضل تكتب هداية الله ثم شوركم ، مع ان كلامك صحيح ،لكن هذا من حسن الادب مع الله سبحانه .
بالتوفيق

الرئيس العام

lilo


اشكركم والله يعافيكم على هذي النصائح والارشادات

انتم الادرى ورايكم هو الاساس

جزاكم الله الف خير

فقط احتاج من يقنعني ويدلني لان في هذي الاوقات نحتاج من لهم الخبره ان يرشدوننا