مساعدة اخوكم بومحمد من (قطر) ينشدكم المساعدة

March 15th, 2013, 12:52 PM

السلام عليكم ورحمة الله وبركاته

اخوكم بومحمد من قطر ومتواجد الان في امريكا وصارلي ٣ شهور لدراسة اللغه .. عندي بكالوريوس من عام ٢٠٠٣ ميلادي وخبرة عمل اكثر من ١٥ عام .. معدلي في البكالوريوس نازل جداً ( ٥٣ ٪ ) ..

النيه دراسة ماجستير MBA .. على حسابي الخاص والله يعين

الجامعات اللي اتواصل معاها بالتيلفون من يسمعون اني من دول الخليج والمعدل نازل ارفعو علي درجة الايلس والجيمات .. الايلس امره سهل وممكن جداً اجيب الدرجه .. لكن الجيمات طلباتهم تعجيزيه ( من ٦٠٠ وفوق ) ..

ليش ماكون مبتعث ؟

التعليم العالي عندنا يعترف بعدد بسيط ومحدود من الجامعات الامريكيه واغلبها مستواها مئه على العالم وهذولا يبون معدلات مرتفعه بالبكالريوس ..

فقط وجدت جامعتين من قائمتنا مستواها متوسط وهي ..

Claremont Graduate University

وموقعها في لوس انجلوس ، اتصلت عليهم وعلمتهم ان معدلي منخفض وقالولي لازم تجيب ٦٣٠ بالجيمات ..

Bentley University


وموقعها في بوسطن .. حاولت اتواصل معاهم لكن الموظف غير موجود اللي بيفيدني بالموضوع ..

باقي الجامعات المعترف بها صعبه جداً بالقبول ولا اعتقد راح يشوفون حتى اوراقي ..


لحد الان ما ارسلت اوراقي الى اي جهه فقط بالتيلفون او بالايميل

كل ما اتمناه من الله العلي القدير ثم من الاخوان والاخوات اللي يجزاهم خير انهم يساعدوني باني القى جامعه لو كان وين مكانها في امريكا ، موب مشكله لو تزيد فترة الدراسه بـ اعطائي كورسات زياده ، فقط تقبلني .. وتكون رسومها معقوله ، المهم القى قبول الله يجزاكم خير ..

شروط الاعتراف للدارس على حسابه الخاص في قطر .. ان تكون الجامعه معترف بها بدولتها .. برنامج الدراسه معترف به من AACBS .. مدة الدراسه لاتقل عن سنتين للماجستير ..

والله يجزاكم خير على ماتبذلونه من جهد لمساعدة اخوانكم ..

اخوكم بومحمد ..

• نشر عبر تويتر
• نشر عبر فيسبوك
• نشر عبر جوجل