نراقب نزول المخصصات الشهرية

لا مو معطيه شي
انا مسافر لولاية ثانية وجالس كم يوم فيها
وقال لي انا استلمت الشيك عنك وإذا تبيني أصرفه لك ... فقلت له اوك ... إذا تقدر تصرفه خذ المبلغ ... قال خلاص راح أصرفه كاش 😨 ... وبشوف اليوم اذا صرفه أو لأ
معقوله فيه تلاعبات وتسهيلات من تحت الطاولة في بنك أوف أمريكا ؟؟؟

مايمديه يصرفه خذها مني وريح اعصابك


( تمت المشاركة باستخدام تطبيق مبتعث )

بشوف الساعات القادمة
اللي شككني في الموضوع ثقته في كلامه وكأن الأمر عااااادي جدااااااا

اول شي اذا شيك مايقدر يصرفه

اذا اوردر مني لو بدون اسم يمديه

ايضا لاتنسى امام كل صراف كميرات


بس الغريب كيف عرف ان لك شيك اصلا



( تمت المشاركة باستخدام تطبيق مبتعث )

هو يعمل في نفس الشركة

وعارف شكواي 😁

الشي الوحيد اللي يقدر يصرف الشيك فيه ... هو ايداعه في حسابك فقط !
يعني يقدر يروح للبنك اللي فيه حسابك يقولهم انا ابي اودع هذا الشيك بحساب الشخص المستفيد ..
ويعطيهم اسمك او رقم حسابك .. ويوقع على الشيك ويدخلونها في حسابك ..
هذي الشغله الوحيده المسموحه له يسويها !

هذا لو كان الشيك بأسمك فعلياً يعني مكتوب في خانة الـ Pay to .. اسمك ..

اما لو كان شيك مدفوع Money Order .. فيقدر يصرفه في اي مكان .. الا في حالة اذا كان الموني اوردر مصدر بإسمك !

غيره مايمديه ..


واعتقد انه كان يقصد بصرفه لك انه يودعه بحسابك !
وهذا امر عادي ..

يحق لي الطالب المكافاة من تاريخ نهاية التاجيل حتى لو دخل امريكا قبل

كذا كذا سوي طلب صرف فروقات من يوم دخولك حتى نهاية الشهر الهجري



( تمت المشاركة باستخدام تطبيق مبتعث )

انا والله زيك وسفري بعد اسبوعين

من تعاميم الملحقية الاخيرة كان كلامهم عن تاريخ نهايو التاجيل والصرف يكون من نهاية تاريخ التاجيل حتى لو كان الطالب بدا الدراسة




( تمت المشاركة باستخدام تطبيق مبتعث )

لديك ايقاف صرف بلزوم ارفاق التسجيل الدراسي ولأعادة الصرف يلزم تقديم طلب اعادة صرف حسب نوع الحجز وبعد قبول الطلب ورفع الحجز يلزم تقديم طلب صرف فروقات في حال الاستحقاق . .


الله يعين بس ملحقيه مدري وش تبي هذا وانا توني مستجد وشاب راسي مدري بعدين وش بيصير الله يعين صاير كني طالع ع حسابي !!!! انواع الصرفيه والمكافاه مانزل الا 6 ايام !!!! والحين يقولك عليك ايفاف صرف يوم طلبت الفروقات

هذي هي الشروط والقوانين اللي ماشين عليها من زمان ..
مافيه شي جديد بالموضوع ..
بس ممكن علشانك جديد مابعد تعودت على الانظمة ..

خذها قاعدة .. لما يجيك ايقاف صرف لأي شيء كان .. ماتقدر تعيد الصرف الا لما ترفق معه ترانسكربت او تقرير المعهد اذا كنت تدرس لغه ..

يعني على كلام المشرف اللي جاك ..
اذا كنت في اللغة راح تحتاج الآتي :
- ترفع طلب إضافة تقرير اللغة
بعد مايقبلون الطلب .. ترفع طلب إعادة صرف .. وترفق معها تقرير اللغة (نفس التقرير اللي رفعته بالطلب السابق) ..
وبعد مايقبلون الطلب .. ترجع وترفع طلب صرف فروقات .. وتحدد الفتره اللي ماحسبوها لك في المكافأة ..

هذي هي الالية لو كنت في المعهد ..
اما الجامعه تقريباً نفسها لكن بدال طلب إضافة تقرير اللغة .. تختار طلب إضافة تقارير دراسية .. وترفق فيها الترانسكربت ...
وبعدها تروح وترفع طلب ثاني بطلب تسجيل المواد الفصلية وتحط جدول السميستر الجاي ..
واذا قبلوا الطلبات .. ترجع وترفع طلب إعادة صرف .. وتحط فيه الترانسكربت .. واذا قبلوا الطلب .. ترجع وتطلب صرف فروقات !

بغض النظر اذا كنت في عطله او مو في عطله .. المهم بالموضوع ان الاوراق تكون موجودة ..
لذلك لاابد انك تكون مجهز امورك اساساً قبل لاتعطل الجامعات ..