استفسار اقدر اغير الجامعه اثناء دراسة اللغه ولا صعبه

تبي (قبول غير مشروط سريع سريع)؟؟
ترى الأمر أصعب مما تتوقع. شلون تبي قيول نهائي وأنت ماجبت درجة الايلتس؟
اللي أعرفه أنك ماتقدر تأخذ قبول غير مشروط الا اذا استوفيت جميع الشروط بما فيها اللغة لأنه خلاص قبول نهائي تقدر تباشر فيه ع طول بدون دراسة لغة أو اي اختبار آخر، فما فيه أمل راح يعطونك قبول زي هذا وأنت ماجبت حتى 6 بالايلتس.

تم تعديل المشاركه اخي الكريم واللحين انا اقولك انك صادق
تلخبطت بين القبول الغير مشروط والمشروط كل واحد يتفلسف من راسه لكن بالاخير تبين لي:
القبول الغير مشروط : ان تكون مقبول قبول تام وذلك باحضار درجة الايلتس من بلدك
القبول المشــــــروط: اما ان تدرس بمعهدهم او معهد برى الجامعه ومايدخلونك لين تجيب درجة ايلتس او ان كنت بمعهدهم بس تخلص اللفلات وتدخل
وبعض الجامعات مثل اوريقون تعطيك مشروط لكن فقط انك تدرس بمعهدهم

وانا لقيت جامعه تعطي قبول مشروط خلال اسبوع وعادي ادرس برى جامعتهم وبعد ما اجيب ايلتس ابروح لاوريقون

يا اخوان احد يفيدنا تكفون احد متئكد او مجرب ماهو سمع او يعتقد مالها داعي اننكب هناك تكفون

أنا شخصياً شفت هذا السؤال، وتوقفت عن الرد؛ لأني ما تصورت كيف يمكن تلاقي جامعة تعطيك غير مشروط سريع سريع!
ترى مهما كانت الجامعة في ذيل القائمة، لا بد في الأخير تطلب منك درجة معينة في الآيلتس يعني "سريع سريع" ما فيه إلا بدرجة معينة قد تكون فعلاً منخفضة لكن تبقى متطلب على أية حال.

اللحين وبعد البحث تبين لي ان اللي اقصده قبول مشروط والاخ رويال صادق وتم تعديل المشاركه في ردي له , لاني كل ماسئلت احد يلخبطني يصير مشكك باجابته ويلخبط بين الاثنين وانا بعد لخبطت بين القبولين وعكستهم

ع العموم انا اللي اعانيه لقيت جامعه في ملواكي تعطي قبول مشروط خلال اسبوع سريع سريع وعادي عندهم ادرس برى معهدهم مهب زي اوريقون شرط قبول المشروط حقهم اني ادرس بمعهدهم طبعا بعد ما اجيب درجه في الايلتس راح ارجع واقدم على جامعة اوريقون من جديد ويكون معي درجة ايلتس ويكون قبولي في جامعة ملواكي مجرد تسليك الامور للسفاره

بمجرد انهاء اللغة و الحصول على قبول جامعي مهائي من جامعة موصى بها و غير متكدسة ان الملحقية راح توافق
انا و الكثير من الزملاء كنا ندرس لغة في معهد في ولاية ساوث كارولاينا و بمجرد حصولنا على درجة التوفل راسلنا الجامعات في مختلف الولايات و تم قبولها من الملحقية

بيض الله وجهك اخوي باسم ما قصرت والله ييسر اموركم جميعا انت والزملاء ,
طيب ياخوي بالنسبه للايلتس انا المطلوب مني 6 مع العلم ان لغتي الحمد لله ممتازه ريدنق رايتنق ليسنينق سبيكنق كلها ماشي الحال عندي يالله لك الحمد (بس اكيد احتاج تكثييف وتدريب)ولكن كثير من الاشخاص قالوا لي ان الايلتس سهل جدا ولغتك ممتازه فماراح تعاني منه الا واحد قاللي انتبه وحذرني بشكل كبير وقاللي سو مثلي رح لمعهد الجامعه نفسها عشان تضمن نفسك وانا احس اني ماني مرتاح لمعهد الجامعه طبعاا هو ماجرب الايلتس فهذا اللي يشجعني اني ما اسمع كلامه فوش رايك هل هو صحيح صعب وانت كيف كان وضعك مع اللغه وكم استغرق منك حتى انتهيت منها

ماشاء الله عليك قبول جامعةمشروط بااسبوع ، أنا قبول اللغة طلبو مني Essay وقعدت اسبوعين الين قبلوني
عموماً أعتقد أنه كلام الأخ باسم هو الصحيح بما يخص الحصول على القبول والنهائي والتحويل
أما بالنسبة لإختبار الايلتس، أنا أشوف بعض الأخوة معطينه أكبر من حجمه (أنا مااختبرت ايلتس بس سبق واختبرت توفل والكثير من الشباب كانو يقولون التوفل أصعب من الايلتس، بس للأمانة اذا كان مستواك مثل ماتقول ماأتوقع يشكل لك هالاختبار عائق (بالنسبة لي معهد الجامعة اللي أدرس فيه أصعب من التوفل ^ز^)، بس كم المدة بالضبط ماأدري صراحة يعتمد على تعريفك لل(ممتازه) بس أتوقع إذا كان قصدك بممتازة أنك تقدر تتكلم وتقرأوتستسمع وتفهم بطلاقة مع القليل من الصعوبة فماراح تحتاج اكثر من ترم (يعني تقريبا 3 شهور).
بالتوفيق

مافي شئ اسمه صعب او سهل. كل شئ يعتمد على مستواك و فهمك انا كان معايا في المعهد طلبة متخرجين من الجامعة بكالوريس لغة انجلزية و صيدلة من السعودية و يشتغلوا معيدين و ما جاوبوا درجة التوفل اللي جابها خريج الثانوي. و نصيحة من مجرب........ الشعب السعودي كتير وراح تلاقي ناس لهم اكثر من سنة و نص في اللغة و يقول لغتي كويس و تسالوا كم جيت ايلتس يقول 4.5 او 5 و الادهى و الامر يقول ان المعهد مستقصدني و يرسبني !!!!!! الزبدة...... اللي ضميرك يريحك سويه