أمي تبي تروح لأمريكا عشان ولادة بنتها المبتعثه

أنا أستغرب من بعض الأمهات اللي يظلون ينظرون لبناتهم كالأطفال وهم في العقد الثاني والثالث ويمكن الرابع من أعمارهم، البنت في هذا العمر هي اللي مفروض تقوم على رعاية أمها ورد الجميل بدل ما تكمل مشوار إثقال كاهل والديها، ومثله بالضبط الشباب اللي يتدلعون على آبائهم وهم بأشنابهم، والله أعلم عن معاملتهم لهم إذا صاروا ردهم الله إلى أرذل العمر.

كثير من المبتعثات يولدون في الغربة، ما عليهم إلا العافية، أمهاتنا جابونا وجابوا إخواننا أيام الله أعلم بحالهم فيها، والحين نشغلهم يسافرون من قارة لقارة علشان بناتهم يبون الراحة في وقت مفترض أنهم هم اللي يرتاحون ويحطون من على أكتافهم حمل شايلينه سنين.

المهم:
أمك - الله يحفظها لكم- تقدم على فيزا سياحية.

الله يطول لكم بعمرها ويجعلكم ذخر وسند لها ان شاء الله ..

انت سآلت سؤال ، والسطر الي بعده جاوبت عليه !!

ع العموم.. كلها سهالات ان شاءالله
موفقين. .

السلام عليكم ورحمة الله ..
الله يهون على أختك ويقومها بالسلامة
نوع الفيزا سياحية

لكن كلام الأخ ابن بيت ال هليلة في مكانه وعين العقل
يعني حرام الأم تتمرمط وتقطع شوط طويل وتمر أكثر من قارة معلقة بين السماء والأرض عشان بنتها الصغيرة الي في ريعان شبابها زادها مولود وهي بصحتها وعافيتها وقادرة تدبر نفسها .. بدل ما الأبناء يسعون لراحة الآباء صار العكس

كلامي والله مو عتب ولا هو حسد بس مجرد نصيحة

في أمان الله ..

الاخوان ما قصروا في الاجابه على سؤالك اخوي


بس فيه سؤال يدور في راسي المستدير !!

شوف الكلمات اللي باللون الاحمر !!

ليه ما تقول امي بتروح لأختي بدل ما تقول عندها بنت !! وبتروح لبنتها !!

اعتقد انه من قلة الوفاء ان لاتفتخر بأختك وهي من شاركت نفس الرحم واذا افترضنا انها اختك من الرضاعه فهي شاركت في امك !!


يعلم الله ان عندي اخوات ارفع فيهم راسي واتشرف بخدمتهم برموش عيوني


الله يحفظ لنا امهاتنا واخواتنا ويجعلهم تاج على رؤؤسنا

يا اخوان الرجال حاط سوال

جاوبو بحدود السوال

وشدخلكم في خصوصياته ؟ امه تروح ولا ما تروح هو كيفه!!!!! وحتى من ناحيه اذا قال بنت امي او قال اختي ! ياخي هو حرر !!!!

المنتدى هذا نفيد و نستفيد في اطار الدراسة والبعثات وليس منتدى علاقات اسرية !!!!!! خلو الرجال بحالة


ثالثا الرجال يقول ان الحرمة تدرس ماجستير , كيف بتعابل في الولد والدراسة والزوج والبيت ؟



وبالنسبة لصاحب الموضوع الوالدة تقدر تقدم على السياحية افضل و ايضا اعتقد في فيزا زيارة

اسئل السفارة فيها

بالتوفيق

مثلما له حق يطرح السؤال اللي يبي = لنا الحق نرد باللي نبي

^
^
والله بديت اخاف منكم هههه
ياكثر التنتيف اللي صاير ههه

صح ليش ما تقول اختي