استفسار استفسار يالغالين

وعليكم السلام

جميع اجراءت الدخول الى امريكا تكون عبر اول نفطة تدخل اليها وهي مطار نييورك ، التفتيش واجراءت الدخول كلها في نييورك ورحلتك الى شيكاغو رحلة داخلية .

المطلوب
جوازك طبعا مع الفيزا
الورقة الاصلية لل i-20
وتعبئة استمارة الجمارك والتي ستوزع قبل الوصول على الطائرة .

الفحص الطبي غير مطلوب

عيد مع اهلك احسن لك قبل متجي ...

بالضبط هذي هي الاجراءات الصحيحة.

وعليكم السلام ورحمة الله وبركاته
الفحص الطبي ممكن يطلبونه منك الجامعه علشان كذا خله معك

الله يعطيكم العافيه ياشباب

مانقدر نعيد مع الاهل الدراسه بعد العيد مباشره

طيب بالنسبه للفحص الطبي من وين اجيبه عشان اسويه من الحين

السلام عليكم ورحمه الله وبركاته

انا عندي سوال ثاني واتمني تتحملوني شوي

الحين افتح ملف في الملحقيه عن طريق الانترنت مو لازم اروح لهم في نيويورك ؟

وكيف اعرف المشرف حقي وفي نفس اللحظه كيف اخذ او متي اخذ الضمان المالي للمعهد

وشكرا

عادي اسأل قد ماتبي حنا هنا اخوان نفيد ونستفيد ونعاون باللي نقدر عليه
انت مبتعث او جاي على حسابك الخاص؟
الملحقيه في واشنطن مو نيويورك
مب لازم تروح للملحقيه تفتح الملف عن طريق الانترنت اذا دخلت البوابه الطلب المبتعثين "سفير" تقدر تشوف المتطلبات وفيه مواضيع للطلبه الجدد بالمنتدى عن فتح الملف

الله يعطيك العافيه اخوي هايوي

انا مبتعث من جهه عملي لكني اتعامل معامله المبتعث علي البرنامج

الله يجزاك بالخير فعلا دخلت الموقع وشفت المتطلبات

الله يوفقكم ياشباب ماقصرتوا معاي في تجاوبكم وشكرا للجميع