استفسار في حيره من امري

وعليكم السلام
اذا فترة الديد لاين مابعد جت لحذف المواد بإرجاع المبلغ كامل
خل يحذف المواد ويسحب ملفه من الجامعه وارجعوا للسعوديه بتأجيل لين ما تبدا الدراسه

بالنسبه لأخوك ..
غالبية الجامعات ماتعادل ساعات الطالب المحول من جامعه اخرى اذا كانت اقل من 30 ساعه !

فلابد يخلص 30 ساعه على الاقل في الجامعه الحاليه .. حتى اذا نقل الى الجامعه الاخرى .. يقبلون به كطالب منقول !
اما اذا نقل من الجامعه الحاليه الى الجامعه الاخرى وهو لم يتمم 30 ساعه .. راح يقبلونه الجامعه الاخرى كطالب مستجد! فبالتالي لن يتم معادلة اي عدد ساعات له ! لانه لم يستوفي شرط الـ Transfer Student .
هذا هو نظام النقل بين الجامعات الامريكية !

بالنسبه للملحقيه .. لا اعتقد أنه راح يواجهه مشكله معها من الناحيه المالية .. لان الترمين اللي راح يدفعونها له .. راح تحسب من بعثته !
بمعنى ..
لو نقل الى الجامعه الاخرى .. ودرس من الصفر من جديد ! الملحقيه ماراح تحسبها له من الصفر .. راح تحسبها له الترم الثالث !
فبالتالي لو كانت مثلا بعثته تنتهي في 2018 .. والجامعه الاخرى متوقعين تخرجه في 2019 ..
الملحقيه ماراح تغير في تاريخ بعثته وتزيدها الى 2019 .. بل على العكس راح تبقى على 2018 ..
وإن بقي له سنه على التخرج .. راح يضطر الى طلب تمديد للبعثه من الملحقيه .. حتى يكمل السنه المتبقيه في الجامعه للتخرج !

هنالك حلآن للموضوع !
الحل الأول/ إما انه يكمل 30 ساعه في الجامعه الحاليه .. وبعدها ينقل للجامعه الاخرى !
(يعني لو مثلا نزل الترم الحالي 15 ساعه .. ينزل الترم اللي بعده 15 ساعه .. وبالتالي يكمل 30 ساعه ) .
وبالتالي يعادلون عدد الساعات ويبدا من حيث انتهى !

الحل الثاني/ يحول للجامعه الثانيه بدون معادلة ساعات ..
ويعوض الفصلين اللي درسها بالجامعه الاولى .. بالفصول الصيفيه !
علما بانه لابد له أن ياخذ على الاقل 30 ساعه .. ويوزعها على الفصول الصيفية!
وبكذا راح يخلص عدد ساعات اكثر .. وبالتالي يقلص من مدة التخرج !
فلو فرضنا ان تاريخ التخرج المتوقع هو 2019 .. راح يتقلص ويصير 2018 !
ويصبح تخرجه قبل انتهاء مدة بعثته !
فلابد أن يعرف متى تاريخ انتهاء بعثته .. وتاريخ تخرجه .. ومن ثم يقوم بتقليص مدة التخرج عن طريق إنهاء عدد من الساعات في الفصول الصيفيه !

أتمنى أن هذا يساعدك في موضوعك ..,

هذا والله اعلم ..,