مساعدة لسكان و طلاب أستن ..

وقليل من الجرأه ؟ رايحين جهاد حنا ؟ هههه

اختي اذا تبين مساعده أكتبي اللي تحتاجينه من معلومات عن الجامعه .. وإن شاء الله الاخوان ماراح يقصرون ..

سؤالي هو التالي :

في موقع الجامعة مكتوب بقسم الهندسة المعمارية التالي :
Undergraduate Programs - Department of Civil, Architectural and Environmental Engineering

In addition, a six-year dual degree in Architecture and Architectural Engineering is offered jointly by the School of Architecture and the Cockrell School of Engineering. This degree combines the mutual interests of both architecture and architectural engineering. Not sure what the difference is between Architectural Engineering and Architecture? Read more …
و افهم من هالكلام إن تخصص الهندسة المعمارية تجمع بين العمارة و الهندسة لكن لما فتحت هذه النافذة :
Architectural Engineering vs. Architecture - Department of Civil, Architectural and Environmental Engineering
مكتوب فيه ان العمارة هي لتصميم المباني و الهندسة المعمارية هي فقط تنسيق انظمة المبنى مع بعضها و ما الى ذلك ..

فتحيرت و حسيت فيه تناقض بتعريف التخصصين في موقع الجامعة نفسه

حسب ماقرأته من الموقع .. فإن القصد من الجمع .. أن الطالب سيكون بإمكانه دراسة التخصصين (هندسه معماريه و الإعمار) ..
بمعنى أن هذا التخصص سيجمع تخصصين في تخصص واحد !

وأن عليك الأختيار مابين أنك تدرسينهم كلهم أو أنك تدرسين أحدهما ..
فكلها تأتي تحت تخصص architectural engineering

اتمنى أنها اتضحت الفكره !

كنت مفكرة في البدايه بهالشكل لكن اللينك الثاني يوضح بالتحديد الاختلاف فقال ان المعماري يصمم الشكل و المهندس المعماري يصمم انظمة البناء وفق تصميم المعماري .. فيعني ان المهندس وظيفته ما تجمع بين تصميم الشكل و تصميم الانظمة فهو فقط يصمم الانظمة ..

التخصص مثل ماوضحت لك .. انه جامع بين الاثنين .. بإمكانك دراسة الاثنين معا او دراسة احداهما !
والصفحه الثانيه اللي قريتي فيها الاختلافات .. ماهي الا شرح لمعنى الاثنين .. وراح تلاقين باخر قطعه الملخص بالاختيار بين الاثنين وايش يناسبك كطالب !

كيف ادرس احدهما ؟ قصدك اما تخصص العمارة الي هو التصميم فقط و اما هندسه معماريه الي تجمع بين التصميم تحت مبادئ هندسيه ؟

صحيح ..
بإمكانك دراسة الإعمار لحاله وراح تلاقينه تحت اسم Architecture ..!

أو بإمكانك تتخصصين Architectural Engineering .. وعن طريقه تقدرين تحددين أما انك تاخذين فقط "هندسه معماريه" .. او تتعمقين بالـ إلاعمار و الهندسة المعمارية جميعا تحت مسمى Architectural Engineering ..
على حسب اختيارك ..

هذا حسب الموجود بصفحة الجامعه والديقري بلان .. وحسب ماشفت عندهم هذا نظامهم ..

اتمنى أني افدتك اختي ..

عندي نقطة ذكرتها و ما فهمتها و ان ثقلت شوي لكن ضروري تكتمل الصورة عندي و هي نقطة ان تخصص الهندسه المعماريه اقدر احدد ان اما اتخصص اعمار و هندسه او هندسه معماريه فقط .. كيف يعني حاولت اقلبها و افهم هالجمله و لا فيه نتيجه .
الهندسه المعماريه هي عمارة تحت مبادئ هندسيه وين الخلل بفهمي *
يعطيك العافيه و يعينك على ما ابتلاك اخي الكريم

شوفي هم موفرين ثلاث خطط دراسيه لهالمجال ..

فيه الـ B.S. Architectural Engineering
واللي هو بكالريوس هندسه المعماريه فقط !

وفيه Architecture + Architectural Engineering
واللي هي تخصصين ... الهندسه المعماريه والإعمار ..

وطريقة كيف هذي .. هذي من عند الجامعه نفسها .. يعني راح يسألونك اذا قلتي لهم ابي هندسه معمارية .. قالولك تبين هندسه معماريه بس ؟ والا تبين تاخذين هندسه معماريه وإعمار .. ويصير عندك دبل ميجور .. بحيث تكونين دارسه التخصصين مع بعض !
يصير تدرسين مواد الهندسه المعماريه ومواد الإعمار مع بعض عادي .. لان كل المواد المطلوبه بين التخصصين متشابهه .. ومافيه الا بعض المواد المختلفه .. فيضمون هذه المواد المختلفه ويحطونها مع الدقري بلان حقك !

يعني لنفترض ان الهندسه المعماريه فيها 128 ماده .. والإعمار فيها بعد 128 ...
قولي ان الهندسه المعماريه .. والإعمار .. يشتركون في 80 ماده .. !
ويختلفون فقط في 48 ماده !

انتي تدرسين تخصص هندسه معماريه بـ 128 ماده .. واذا خلصتيها .. قالولك لو تدرسين بعد 48 ماده زياده .. تتخرجين بتخصصين مو تخصص واحد ! يعني يصير مجموع المواد 176 ماده ! ويصير عندك تخصص مزودج ..
يعني بدال ماتدرسين اربع سنوات في الهندسه المعماريه واربع سنوات في الاعمار .. علشان بس يصير عندك شهادتين .. لكل تخصص ...
يصير تدرسين بس 176 ماده .. 128 ماده (تخصص هندسه معماريه) + 48 ماده من تخصص الإعمار .. ويصير تتخرجين بدبل ميجور ! (تخصص مزدوج) .. وتوفرين جهد وتعب !

أو .. تكتفين بالـ 128 ماده .. وتتخرجين هندسه معماريه فقط !

يعني التخصص المزدوج .. بيختصر عليك المسافه لو كنتي تبين تدرسين التخصصين .. فبدل ماتدرسين اربع سنوات في الهندسه المعماريه واربع سنوات في الإعمار .. ويصير مجموعها ثمان سنوات !
يصير بس تدرسين هندسه معماريه + إعمار .. وتتخرجين بشهادة بكالريوس بتخصص مزدوج !


اتمنى أني وصلت الفكره !