ماصار لي اسبوع في امريكا وملييت ابي اهلي

أسأل الله أن يهون غربتك أخوي

لكن الي تمر فيه طبيعي جداً .. أذكر إني يوم وصلت جتني حالة إكتئاب أعوذ بالله منها .. على الرغم معي أهلي لكن الغربة كربة

فترة يبيلها شهرين ثلاث شهور وبتتأقلم على وضعك الجديد إن شاء الله وبتنشغل بالدراسة والاختبارات وغيرها

وبتتعلق بأمل زيارتهم حال استحقاقك للتذكرة .. مالك الا تصبر

الله يوفقك

اصبر شوي وبتجيك غربة عكسية
بمعنى: راح تصير تشتاق للعيش هنا، وإذا رجعت السعودية تحس أنك خلاص مال وما تبي تجلس.

الله يعينك ياخوي وييسر امورك
طبيعي الشيء هذا يمكن علشانك مابديت دراسة لكن اذا بدأت الدراسة راح تنشغل فيها وتتأقلم على الوضع
نصيحتي لك ان تشغل وقت قدر الامكان بتقوية اللغة والتعرف على الناس وطبيعة الحياة هنا
حاول لا تحط راسك على المخدة الا انت منهد حيلك من التعب وخل عنك الهواجيس والتفكير السلبي
نقطة اخيرة اخوي اجعل الله دائما امام عينيك ولاتنسى صلاتك مهما كان العذر وخل لك دقائق بسيطة في اليوم لقراءة القران لو تكون دقيقتين ترى لها مفعول عظيم بحياتك

اتعوذ من ابليس واقعد مكانك...ناس كثير تتمنى الفرصه هذي...
وبعدين لسه لك فتره بسيطه وما اندمجت مع البلد..نصيحه مجرب قاوم الحنين الى الوطن واعمل لنفس جو..
قبل كل شي لاتترك صلاتك ودعائك لربك.

( تمت المشاركة باستخدام تطبيق مبتعث )

طيب أرجعع وبأخذ مكانك

ههههههههههههههههههههههههههههههه

ترى عادي الطفش حتى وانت عند اهلك تطفش االوضضع بسيط

بس انت أصبر كم يوم لحد ما تبدى الدراسه وموقق

اعجبتني الـ "غربة عكسية"..


الصبر وانا اخوك الصبر ...
داوم على صلاتك في اوقاتها واذكارك وقرائة القران ..

وإذا بدت دراستك .. راح يتغير وضعك ان شاء الله .. وراح تجتمع مع باقي الشباب ..
وبتطلعون وتستانسون وتغيرون جو ..

كلها مسألة وقت وانا اخوك .. فعليك بالصبر .. .,

الأعضاء ماقصروا بنصايحهم ماشاء الله ... كل شي حيتغير وحتصير مبسوووووط جدا جدا ان شاء الله ...

بس والله عجبتني كلمة قرنبع هذي ..متعووووووب عليها

كل المدينة على قولتك مافيها لا مباني ولا طبيعه ولافيها إلا القرنبع ...
لا صرت طفشان ... روح الورشه اللي جنبك وتلقالك أي بنقالي تسولف معاه .....

^_^ عسى ربي يوفقك وييسرلك ان شاء الله .... وحتجي بعد شهر تكتب هنا وانت مبسوط ونذكرك ان شاء الله ..

الله يعطيكم العافية جميعاا ..

شكرراااا شكرا شكراااا

لكن والله مادري ليش شعور الرجعة في بالي كل مره !! .. مع اني والله ما ودي ارجع لاني ادري اذا رجعت بيتكلموون عني كلااااااام اني ما استحمل ومن هذا الكلام

و ما ودي اقعد هنا لان الوضع متعب و ماني قادر مدري وين المشكلة ،، صحيح ان الكل مر في هالتجربة ،، لكن كل ما اتخيل ال٥ سنوات في الغربة ،، يزيد الهوم سيك و يضيق خلقي اكثر واتذكر ديرتي و الاهل و الروتين ..

الحمدلله الحين خف الهوم سيك عن قبل بسسس لازال موجود ، امس كلمت امي الله يحفظها بالجوال لاول مره هنا في امريكا لان ال١٠ ايام الي فاتت كنت اكلم الاهل واتس اب فقط ،، المهم ماعرفت اتكلم والله ،، هي تسولف وانا بس " ايه " " صح " " تمام" "بخير" و بعد المكالمة جتني بكيه و مسكتهاااا


والحين كل شوي اتذكر يوم سفرتي الي كان كئيب ،، طول الليل مانامت هي ،، تجيني تقول حطيت سجاده ؟ اغراضك كامله ؟ تحتاج شي ؟ .. الخ

و طيارتي كانت ٨ الصبح ،، اذكر الوداع كان بسيط لاني ادري اني راح اصيح ،، بسس حبيت راسها ومشيت بسرعه

وياااه يا طريق المطااار كان اصعب طريق ،، ابوي يسوق وانا على يمينه ،كنت اصيح بس بيني وبين نفسي

الله يفك الهم ويفرجهاااا

انت حالتك صعبه ..
شد حيلك و وركز بدراستك وحاول تكلم اهلك كل يوم فايبر والا تانغو .. عشان يخف الهومسك تبعك

سهلااااااااات

كلنا فقدنا الروتين وزعلنا على ديارنا لكن بعد شهر تنسى ذا كله وتفلها في المعهد مع اخوياك وديرتك الرووووووووعه لووووس انجلوس

لا طقيت موتر ولفلفت فيها تنسى كل اللي كتبته انت فوق