ماصار لي اسبوع في امريكا وملييت ابي اهلي

انا أفضل السفر مع احد من الاهل اخت , اخ , زوجة او صديق مقرب جدا

بس الله ييسر لك اخوي

وشيل كلام الناس من مخك اذا ناوي ترجع ترى كلامهم لا يودي ولايجيب ورضاهم غاية ما بتهمنا اصلا

استخير ربك انت

موفق اخوي

نصيحتي لك حاليا اقلبها سياحة اعتبر نفسك جاي لوس انجلوس تبي تتمشى وفلها على الآخر وصدقني راح تتغير طريقة تفكيرك وبالتالي نفسيتك كليا وبتبدأ تحب البلد وخاصة انه LA فيها اماكن سياحية كثيرة عكس اللي عايش في مدن صغيرة أو قرى.

تذكر بعد سنوات من التخرج لمن ترجع السعودية ستشتاق لأمريكا وستتمنى الرجوع لها وستعيش الصدمة العكسية في الوطن وتتمنى الرجوع للغربة مثل مايعيشها الكثير حاليا في اجازة نهاية السنة او بعد التخرج.

أدعي لك بالتوفيق والثبات.

حبيبي تحمل الفرصة الي انت به الف طالب و طالبة يحلمون به و فكر لبعدين وش راح يقولوا عنك

واشغل روحك بأي شيء و كون اصحاب و لو ما قدرت تتحمل شوف لك احد تجلس عنده من العرب اسبوع او عشر ايام لين ما تتعود عادي لا تستحي بس ما تتضايق اهم شيء و تكلم لا تخلي بقلبك شيء

انا صح ما رحت توي وانتضر الفرصة التاريخيه ان شاء الله تجي و اقوي نفسي يوم بعد يوم والله يكتب الي به الخير

برسلك رسالة بالخاص شيك عليه اوك

انت اصبر شهر اسبوعين بس والله يا اتك تبي تضحك على نفسك عشان كتبت هالموضوع


كل المبتعثين مروا بهالمرحله الا انا الحمد لله ماجتني الا بعد فتره طويله ,, نصيحتي لك لا تجلس بلحالك .. ترا الجلسه هي اللي تخليك تفكر

انت لغه اطلع اتمشى واذا حسيت انها قفلت معك استاجر سياره وغير جو .. او شوف لك ويكند سافر فيه واستطلع المدن القريبه منك ,, اهم شئ متع نفسك


بالتوفيق

ليكون انت الطالب الجديد بعمارة fig lights اللي جنب نوكيا لايف بالداون تاون ههههههه

فترة وتعدي لحد ماتبدا دراسة المعهد وتصير يا دوب تحك راسك

اطلع استآنس شوف امريكآ .. حرام عليك ي شيخ ب لوس انجلس وتطفش ب هالسرعه !!؟ لو مر عليك 6 شهور قلت يمكن امآ ... اول اسبوع ولوس انجلس

اطلع وتمشى لأتخآف ولا تستحي.. اهم شيء لا تتاخر عن المغرب اذا لسى ماتعرف المنطقه كويس ..

لإ تحرم نفسك من الونآسه والطلعه وتقول بحبس نفسي واذاكر .. عط كل شيء حقه .. خصوصآ اللغه العامل الاساسي انك تتعلم بسرعه تكون سوشل وتتعرف على اجانب وتختلط

حآول تختلط ب الناس جارك / جارتك ... ابتسم لـ الناس وحاول تتعرف ..

وفك عمرك من اي شيء يذكرك ب السعوديه حاليآ .. لين تتعود .... ~ اغآني ، صور .. الخ

ليتني مكانك ، انا احسب الدولار سنت سنت / على حسابي وانتظر الانضمام من مده طويــــــلة
قل الحمدلله وشوف مصايب غيرك ،

كل اللي ردوا عليك شرحوا لك اللي عندهم لأنهم يعانون اكثر منك ،
كل ما ضاقت عليك ارفع يديك وطالع في السماء ، وقل " يالله انك تسهل علي " ، وخل ذكر الله على لسانك

والله اني ادعي الله ليل ونهار انه يكفيني الحرام ويرزقني الحلال ، والله اني انتظر الانضمام عشان اسوي اشياء كثيره " احلام " اكرر عليك قال احد الاخوان في الردود " خذها تمشيه " والله صدق.

تحيــــــــــــآتي ،

مراحب .. اخوي كلها فترة شهر وتعدي ان شاء الله ، بس بنصحك نصيحه صغنونه : انت حاط ببالك ان الرجال مايبكي؟ بالعكس فرغ مشاعرك ولا تكتمها يعني لا جتك ضيقه وتبي تصيح صيح ! راح ترتاح والله وكل البشر كذا مو لانك رجال ماتبكي وتضغط ع نفسك . اهلك لما تكلمهم حاول تبين لهم انك مرتااااح ع الاخر ومبسوط .بعد المكالمه فرغ مشاعرك براحتك اهم شي الراحه النفسيه ولما تضغط ع نفسك وتكتم كل شي بداخلها مابترتاح ابداا ..الله يفرج عليك يارب

( تمت المشاركة باستخدام تطبيق مبتعث )

السلام عليكم ورحمة الله وبركاته...

ترددت كثير حتى اطرح مشكلتي لكن مالي بعد الله الا انتم بحكم انكم مبتعثين وعارفين الوضع اكيد.. انا لي اسبوع هنا ببلد الابتعاث و حاسه بندم وكآآآبه شديدة و ضعف ووحدة مايعلم بها الا ربي.. حاولت اكون علاقات لكن للاسف مالقيت جيران عرب عندي بنفس العمارة والمدينة صغيرة و مافيها اي شي ترفيهي. تعبت تعبت افكر من جد أسوي تأجيل وارجع لاهلي ويمكن ماعاد ارجع لامريكا. انتو وضعكم كان نفس وضعي؟؟؟ بالله بجد لحد يقول الوضع طبيعي وهو مامر فيه . انتو وش صار لكم ببداية الابتعاث؟؟؟ احساس يقتلني و ابغى اهلي