استفسار أفضل شركة انترنت في امريكا ؟؟؟؟؟

شركات الإنترنت كثيره .., وتعتمد على حسب المنطقه اللي انت ساكن فيها ..

انا منطقتي تدعمها كومكاست .. ومشترك معهم بالتلفزيون والانترنت .. وصارلي معهم اكثر من سنتين ونص تقريبا من يوم اشتركت معهم ..
ولله الحمد .. ماشي معي زي اللوز ..

وكومكاست تعتبر من اكبر شركات الموزعه لخدمات الكيبل .. وهي شركه لايستهان بجودة خدماتها ..

بس اقولك شغله .. اهم مافي الموضوع هو المنطقه اللي انت فيها .. اذا كان التسليك فيها كويس .. فمعناته امورك تمام التمام ..
وحط في بالك .. وقت الثلوج والامطار والاعاصير .. هذي لابد يكون فيها تقطيع وضعف بخدمات الكيبل بشكل عام ..
مو على كومكاست وبس .. الا على كل الشركات .. لان الاعطال تكون بالموزعات الخارجيه ..
عاد هنا .. سرعة الإصلاح هي اللي تحكم على الشركه !

نفس الكلام ينطبق على الانترنت البرودباند .. اذا عندك تغطيه كويسه .. يجيك نت كويس .. !

على كل حال ..,
افضل شركات الانترنت في امريكا هي :
- Comcast
- Cox
- Verizon

وكومكاست تعتبر افضلهم في نقطتين .. الاولى اسعار السرعات جدا ممتازه مقارنة بالشركات الاخرى ..
الثانيه .. الانترنت عندهم ممتاز جدا .. وقليل المشاكل ..

اما كوكس .. فهي ايضا الانترنت عندها ممتاز .. ولكن اسعار السرعات مبالغ فيها مقارنة بكومكاست !

وفيورايزن .. هي الافضل بخدمة الانترنت FIOS حتى الان .. ولكن عيبها اسعارها نار .. بس انا اقولك قيمتها فيها !
يعني ماغلوا اسعارهم عبث هههه

يعطيك العافيه ما قصرت اخوي على الشرح الوافي

طيب ايش وضع شركه شارتر ؟؟؟؟

وبعدين معليش سؤال غبي شوي ،، الان النت في امريكا نفس نظام السعوديه خدمه دي اس ال ولا كيف؟؟

يعني انا مره شفت واحد عنده زي مودم شركة موبايلي حق واي ماكس( برودباند ) اللي بالسعوديه ،،،،

يعني خدمه الدي اس ال احسها قروشه لازم خط تلفون + تشبيك اسلاك

اما خدمه الواي ماكس برودباند( مثل حقت موبايلي) ،، مجرد الواحد يشبك المودم وخلاص

طيب امريكا كيف النظام فيها؟؟؟؟

ترا انا لي سنتين في امريكا ،، بس نظامي اسكن مع عوائل والنت دائما يكون جاهز ومتضمن قيمه الاجار اللي ادفعها للعائله،، بس حاليا سكنت مع عائله النت حقهم مخييييييييييس ،،، فحاب انا اشترك بنفسي وافتك من هالغثا

بالنسبه لشركة شارتر .. فما عندي معرفه فيها .. ولا سبق وسمعت فيها ..
واتوقع انها شركه خاصه موجوده في منطقه او مناطق معينه .. لذلك ماهي مشهوره ..

ونعم امريكا عندها خدمة الانترنت DSL Cable (لايحتاج الى تلفون - بل يستخدم الكيبل اللي يستخدم للتلفزيون ).
وايضا عندهم خدمة البرودباند مثل موبايلي وغيره ..

فإذا كنت تبي خدمة DSL راح تلاقي في شركة Cox او Comcast (حسب الموزع اللي في منطقتك) .. هذي تفي بالغرض ..
اما اذا كنت تبي بروباند .. واللي تستخدم نظام LTE (اسرع من 4G ) ..
فبإمكانك الإشتراك مع احد شركات الاتصالات مثل AT&T, T-mobile, Verizon .. !
وراح تلاقيها اذا ماكنت غلطان في BestBuy يبيعونها هناك لهم قسم خاص .. (اذكر اني شفتها عندهم ..) ..

فأنت بما انك عند عائله .. فافضل حل لك هو خدمة البروبدباند .... لكن راح تكون اغلى شوي من الـ DSL ..
إذا كان عندك ايفون .. بإمكانك ايضا تفعيل خدمة Tethering .. وتربط اللابتوب بالايفون وبالتالي تستخدم خدمة الانترنت اللي بالايفون !

راجع روابط مواقعهم :
America's Most Reliable Network | Verizon Wireless - Verizon Wireless
AT&T U-verse High Speed Internet