بالنسبه للطالب المحول انا ما افضله لسبب بسيط ..
أنتي لما تحولين من جامعه سعوديه الى جامعه أمريكيه ... راح يتطلب اجرائات زياده وايضا راح تشوف الجامعه المواد اللي خلصتيها ويعادلون لك المواد اللي يشوفونها تناسبهم !
فمو كل المواد راح تعادل .. واحتمال يعادلون اقل من المتوقع .. والسبب أن فيه ضوابط لكل جامعه للمعادله .. والجامعات عموما ماديه .. يعني يحاولون يقللون اكبر عدد ساعات لاجل الطالب يطول عندهم !
ايضا لو كان عدد الساعات اقل من 30 ساعه .. هذي ماراح تدخل باسم طالب محول .. يعني لابد يكون عدد الساعات اعلى من 30 ساعه حتى يمكن للطالب ان يطلب تحويل ..
الطريقه اللي انا ذكرت هي الطريقه اللي ناسبتني ووجدتها افضل من ان الطالب يطلب نقل من جامعه سعوديه الى امريكيه اذا كان عدد ساعاته من 30 الى 40 ساعه ..
والافضل انه يقدم كطالب مستجد .. وعند بدء الدراسه .. يكلم مشرف التخصص وينسق معه ... ومشرف التخصص بدوره راح يشوف السجل الاكاديمي الخاص بالطالب ..
وبيسأل الطالب عدة اساله في المواد اللي اخذها .. خصوصا لو كانت مواد تخصص .. واذا شاف الطالب فاهم للماده .. اعفاه عنها .. والاعفاء بيكون بعدد مواد اكثر من لو عادلها من الجامعه دايركت !
حتى من الممكن أنه يعفيه من مواد مو موجوده بالترانسكربت لكن تكون مرتبطه ببعض المواد اللي بالترانسكربت !
على بيل المثال .. انا بطريقتي هذي تم اعفائي من كورسات كثيره .. وبحكم أن تخصصي بالكمبيوتر .. كان احد الكورسات اللي اخذتها بالسعوديه هي لغة برمجة الجافا !
وانا تخصصي الحالي بالجامعه مطلوب مني كورسين جافا بدائيه .. فلما مشرف تخصصي شاف كورس الجافا .. سألني قال انت اخذت برمجة جافا ؟ قلت نعم .. قال تعرف اساسياتها ؟
قلت نعم .. سكت شوي .. قال خلاص انا باعفيك من الكورس الاول للجافا .. واما الكورس الثاني فعندك خيارين .. اما إني اطلب منك برنامج تصممه عندي .. تثبت معرفتك للجافا .. اعفيك ايضا عن الكورس المتقدم !
او اني اخليك تاخذ الكورس كامل .. فقلت له عطني الاختبار واخلصه لك الان .. وفعلا عطاني الاختبار وخلصته واعفاني منه بعد وقال كيف خبرتك بالكمبيوتر قلت ممتازه .. وسألني عدة اسأله عن الكمبيوتر ..
وبرضوه اعفاني عن اغلب الكورسات البدائيه وصار ماعندي الا خمس كورسات متقدمه واللي لازم اخذها .. والكورسات اللي اعفاني عنها مايقارب ثمان كورسات ! (مايعادل 24 ساعه) .. (الترانسكربت فيه 30 ساعه بالتمام ! )
بينما الجامعات الاخرى اللي قدمت عليهم كطالب ناقل .. اشترطوا علي ان تكون الاوراق من الجامعه السعوديه .. وايضا ماعادلوا لي اكثر من 18 ساعه ؟! وقالولي برضوه ان الدرجات بتكون هي هي !
يعني يعادلونها مع الدرجات .. اللي اخذت فيه B يبقى B .. ! وهذا الامر راح ينزل في المعدل .. بينما لما خليت المشرف يشطبها لي عمل لها Waived بالتالي اقدر اللعب بالمعدل على راحتي .. وارفعه مثل ما ابي !
لاني بهالطريقه ابتديت بمعدل 0 .. لكن بعدد كورسات اقل ! من الكورسات الاساسيه .. ويكون عندي الكورسات العامه ..
والان انا مخلص مواد التخصص ... وصارلي كم سميستر على المواد العامه وبعض المواد الاداريه المشروطه علي !
وغير هذا حتى لو معك شهادة خبره في مجال تخصصك .. ايضا هذي تساعدك في الاعفاء من الكورسات ! وتقليل مدة الدراسه ..!
فالقصد هو تقليل عدد الكورسات والتخرج بأسرع وقت ممكن .. وليس معادلة الشهاده بالدرجات ذاتها !
لان احيانا يعادلون لك حتى اللي ماخذ فيها C .. فبالتالي انت هنا تضيع نقاط من المعدل التراكمي !
فليش تضيعه اذا انت تقدر تشيل هذي المواد .. دون أن يؤثر على معدلك !؟
لان ممكن أنت تكون انظلمت في الدرجه .. ولما جيت للجامعه تبي تتخرج بمعدل مرتفع !
فحرام تجعل هذي تخرب معدلك ! لان بالاخير راح تضطر انك تعيدها بالجامعه الامريكيه ! علشان ترفع معدلك !
هذي هي الفكره كلها !
محمد فهد .. September 9th, 2013, 09:37 PM
LinkBack URL
About LinkBacks
September 8th, 2013, 01:24 AM
لو سمحتوا انا عندي السجل الأكاديمي كنت ادرس بالسعوديه لكن بكمل بأمريكا، سؤالي وش الخطوه اللي اسويها الحين بالسجل؟اخذه مكتبه يترجمون وارسله للجامعه او اخذه الوزاره او اوديه للجامعه والله مدري احترت