مساعدة الأم المرافقة ، كيف عمل تامين صحي لها

وعليـــكم آلسلآم ورحمـــة آلله وبركآته ..

أولآ : أســأل آلله آلعلي آلعظيـــم بأن يشفـــي وآلدتكـ ويكتب لهــآ آلصحة وآلعآفيــة وآلشفآء آلعآجل بإذنه آلكريم ..
ثآنيآ : بخصوص آلتأمين آلطبي .. كــل آلمعلومآت أللي أعرفهــآ بأن آلتأمين يشمـل فقط آلمرآفق ( زوج, أب, أخ, أطفآل آلزوجين ) ..
عليــه فإن آلنظــآم لآ يشمل مرآفقة آلمرآفق ..
يعني في حآل أن آلمرآفــق أخ ويكون مع الأخ زوجتـــه فآلتأمين آلطبي لآ يشمــل آلزوجــه ونفس آلشيء ينطبق على وضعكـ آلحــآلي ..

رآسلـــي آلملحقية آلثقآفية بإستفسآر عن طريق آلبوآبة آلإلكترونيـــة ..
لأني جآوبتكـ حســـب معلومآت بسيطــة أعرفهآ وآلملحقية قســـم آلتأمينآت آلطبية عندهــآ آلخبر الأكيـــد ..
في حآل عــد آلإستجــآبة رآسلي آلسفــآرة بخطآب عآجــل .. وفــي نفس آلوقت حآولي ترآسلـــي آلديوآن آلملكــــي ..

وإنتـــي أدرى بموضوع وآلدتكـ آلله يشفيهــآ لأن أحيآن آلتأمين آلطبــي يكون محدود ولكــن إذآ كآن بأمر ملكــي مثلآ آلتكلفــة رح تشمل أمور كثير ومنهآ سنوآت آلعلآج وإن طآلت
و آلمسكن وآلمرآفقين وكل شي ..
هــذآ تقريبآ مآ أملكه من إجآبآت .. ولعل غيري قــد يكون مر بنفس آلتجربة ويفيدكـ بشكل أفضــل ..

بآلتوفيق ..

يعطيك العافيه اخوي حروف متناثره لردك على الاخت الباحثه

ردي مو متأكد منه لكن ممكن يفيد من ناحية المرافقه

فيه بعض الحالات الاستثنائيه في المرافقين مثل اللي مبتعث ومعه امه مرافقه
بالقانون انه الام ماتكون مرافقه الا اذا كان زوجها متوفي والمبتعث هو ولي الامر
لكن في حالة الاعاله يضمونها مع المرافقين

شرح الاعاله في هذي الحاله:
الابن مقتدر مادياً والاب غير مقتدر مادياً او مريض فيجيبون صك اعاله للابن علشان يضمونها مرافقه خلال بعثة الابن
او حتى الوالدين كلهم يكونون مرافقين



صك الاعالة تقدر تستخرجه المرأه لابنائها متأكد من هذا

لكن هل تقدر تستخرجه لوالديها مثل الرجل ما ادري عن هذا الشيء


حبيت اقول هالمعلومه ممكن تقدرين تضمين والدتك بطريقة مقاربه لهالطريقه
او تسألين احد المسؤلين عنها

آلله يعطيكـ آلعــآفيه أخـــوي وفعلآ يعتبــر حل ..
لكــن هي بيكـون معهآ وآلدهــآ ووآلدتهــآ بنفـــس آلوقت ..
بس آلملحقيــة عندنآ أحيآن فيهـــم تعنت غريب وآلسبب هــو وجود الأجآنب بجميع أقســآمهآ وهذآ ليس بتقليل ببآقــي آلجنسيآت ..
ولكـــن تخيل سفآرة أردنية وبهــآ مجموعة سعوديين يديرونهآ !!
من بآب أولـــى أن تكون آلملحقيـــة على الأقــل بنسبة 90% سعوديين وليــس آلعكس ..

قبل كم يوم قرآت موضوع لمبتعثة معهــآ وآلدهآ وهو مريض آلله يشفيه ولكــن بسبب إن إجآزته كآنت عآدية وليست إستثنآئية لم يتم منحه تأمين طبي !!
وآلمبتعثة رجعت للوطــن خوفــآ على وآلدهــآ من آلمرض أو يصير فيه شي !!
أجيآن لآبـــد يكون في مرونه في آلقوآنين إذآ كآن آلأمــر يتعلق بآلنظرة آلإنســآنيه ..

صآحبة آلموضوع .. إذآ للآن مآلكـ أي ملف في آلبوآبة الإلكترونيـــه ومآتقدري ترســلي أي إستفســآر ..
خـــذي هذآ آلرآبط لأرقــآم آلملحقية آلثقآفيــــه وشوفي آلقسم آلمنآسب ودآم الأمر حسآس إذآ بترسلي إيميل في خآنة CC بآلإيميل أضيفي آلملحق آلثقآفي ..
تفضــلي :

ط¯ظ„ظٹظ„ ط§ظ„ظ…ظˆط¸ظپظٹظ†

بآلتوفيق ..

اضافة على كلام الاخوان ..,

اذا كنتي مبتعثه على برنامج الملك عبدالله .. ولازلتي بالسعوديه ..
خلي ابوك يدخل على وزارة التعليم العالي بالرياض .. ويكلم الوزير نفسه ويعلمه بوضعكم ..
ويطلب منهم اصدار تأمين طبي للوالده الله يحفظهم ..

وبإذن الله راح يصدرون التأمين الطبي لهم ..

الاعتماد على الملحقيه في غالب الاحيان مايمشي اوضاعكم !

هذا حل ..

الحل الثاني لو مانفع الاول .. أو مانفعت بقية الحلول اللي فوق !

اذا كان والدك بصحه جيده .. وامك هي من تحتاج الرعايه ..
فلابد تعكسين المرافق !
بمعنى أنك تخلين المرافق امك .. وابوك يكون معكم ..
المكافأه راح تمشي نفسها سواء امك او ابوك ..
لكن التأمين راح يكون بإسم امك .. وابوك بيكون بدون تأمين !

وبكل الاحوال لو احد الابوين ماعنده تأمين طبي . والملحقيه ماعطتكم التأمين ..
لابد انك تستخرجين تأمين طبي على حسابك الخاص ...


هذا والله اعلم ..,

اشكركم جميعا على ردودكم

و الله يجزاكم خير يارب

في الواقع الحمدلله نحن مقتدرين ماديا ماعندنا مشكلة من هذه الناحية كثير

لكن الإقامة بأمريكا خاصة لإنسان راح يقيم فيها لعدة سنوات بمشيئة الله

لابد له من تأمين طبي فيها حتى لو ماعنده مشاكل صحية تحسباً لأي طارئ صحي لا سمح الله

فكيف بمن لديه بعض الأمراض المزمنة ويحتاج متابعة طبية لعمل الفحوصات والتحليل الطبية بشكل دوري وشراء الأدوية بشكل مستمر لتناوله إياها يومياً .

العلاج بامريكا مايقارن بتكلفة العلاج بالسعودية حتى في اتفه الفحوصات ولو كان الشخص مقتدر مادياً خاصة لمن يحتاج متابعة طبية وادوية دائمة .

يعني لو بنعتمد على حسابنا في العلاج للوالدة بأمريكا راح يكلفنا العلاج ستويا أقل شيء ثمانين إلى تسعين ألف ريال !!

ومو معقول جل دخلنا المادي نستنفذه بأمريكا في مجرد كشف طبي و شراء أدوية فقط !!

و المكافئة اللي يعطونا هيه أساساً ماتكفي طبعا فمستحيل يكون الإعتماد عليها من غير مصدر دخل مادي آخر خاصة لمن معه عائلة..

والوالدة من الضروي تكون معنا في البعثة وأرى هذا حق لها و طبيعي خاصة أنه والدي هو العائل الأساسي لها ولي أنا ، وهو زوجها وهي أمي ، وراح

يكون مرافقي بالبعثة فكيف يروح ويتركها بالسعودية وهو عائلها الأساسي رغم أنه لدي أخ موظف ومتزوج لكن هيه عايشة معانا مو مع أخي .. !

فالحلول التي تبدو لي هي ..

الإجتهاد وأنا بالسعودية قبل السفر بمخاطبة كلا من المحلقية و الوزاة بضم والداتي معنا في التامين الطبي لسبب أن والدي هو العائل الأساسي لها ، وهو سوف

يكون مرافقي بالبعثة ومحرمي .

وإن لم يستجيبو خاطبنا الديوان الملكي

وإن لم يستجيبو سجلنا والداتي على حسابنا الخاص بأحد شركات التأمين الطبي بأمريكا والله المستعان !

رغم أنه ماعندي فكرة كيف تسجيلها لكن ببحث وأشوف

أكرر شكري الجزيل لكم جميعا على حسن تجاوبكم وإفادتي

الإجتهاد في مخاطبة وزارة التعليم العالي تكفيك عن الملحقيه .. لانها هي المتحكمه في قرارات الملحقية ! واما الملحقيه ماهي الا وسيط لها في امريكا تطبق قراراتها وتتابع طلابها !
فلذلك لو أمكنك مخاطبة وزير التعليم العالي وإصدار تأمين لوالدتك ... فتأكدي أن هذا القرار سيكفيك .. وسيكون من السهل عليك طلب تأمين لها عن طريق الملحقية بموجب هذا القرار !

أما لو لم تكن هنالك اي سبيل لذلك .. ولم يمكنكم إصدار تأمين لها على حساب الدولة .. وسافرتوا إلى امريكا ..!

فيجب عليك أن تقومي بتغيير المرافق إلى والدتك .. وتجعلين والدك يخرج له تأمين صحي على نفقته الخاصه ..
وهذا سيكون افضل ..

لان التأمينات بأمريكا .. تأخذ مبلغ شهري على تأمينها .. وايضا مراجعة الطبيب تأخذ ايضا مبلغ في كل مراجعه حتى وإن كان يوجد تأمين .. فالتأمين فقط يخفض التكاليف ولكنه لايعني أن يشمل كل شيء !
ولكن هنالك تأمين يشمل كل شيء .. وغالب هذه التأمينات تكون باهضة الثمن !(مثل التأمين الذي توفره الملحقية)
بعكس التأمين العادي الذي يتكفل بالعلاج ويخفض من مبالغ زيارات الطبيب ..!

لذلك لو كان التأمين الخاص بوالدتك على نفقتكم الخاصه .. فستدفعون أكثر .. لانكم ستدفعون لزيارة الطبيب وتدفعون تكاليف الموعد والعلاج .. الخ .. ولكن ستكون مخفضه .. لان التأمين غالبا يكون ربعه على المؤمن والباقي على التأمين !

واما مسألة استخراج تأمين على النفقه الخاصه .. فهذا امره بسيط بإذن الله ولا يحتاج الى كل تلك التعقيدات ..
فإذا وصلتي لأمريكا .. فقط أعلمينا أين مقر سكنك .. وسنساعدك بإذن الله بجلب شركات التأمين المتوفره في منطقتكم ..

وإن شاء الله لن تحتاجون للتأمين على نفقتكم الخاصه .. وبإذن الله يتم إصدار قرار بإصدار تأمين لوالدتك مع والدك ..

تأملي خيرا .. وادعي الله بتيسير الأمور ..


أسال الله ان يشافيها ويعافيها ويرفع عنها كل ضر ويعطيها الصحة والعافيه يارب العالمين ..

أخوي الفاضل 1OK بالنسبة أن أجعل والدتي هي المرافقة لي وليس الوالد

حسب علمي من خلال قرأتي هنا بالمنتدى أنه هذا نظاماً غير مسموح إلا في حالة أنه أملك صك شرعي من المحكمة أنه أنا بنتها المبتعثة العائل الوحيد لها .

وحسب وضعي غير مسموح لأن والدي موجود وهو العائل لها ولي ..ولدي اخوان موظفين .

الأمر الثاني حسب اطلاعي هنا ايضا بالمنتدى أنه الأم إذا كانت مرافقة مع ابنتها المبتعثة كونها هي العائل الوحيد لها

أو مرافقة مع ابنها المبتعث كونها هو العائل الوحيد لها .

لا تتكلف الملحقية للأم إلا بالتأمين الطبي وتذاكر السفر فقط ، ولا يصرف لها مكافأة مرافق !

عكس المرافق المحرم الأب أو الأخ أو الزوج ...يصرف له مكافأة شهربة و تذاكر سفر ، وتأمين طبي ، وله مواصلة دراسته .

....

وعذراً مافهمت قصدك بالنسبة للتأمين الطبي للوالدة في حال استخرجناه لها من أمريكا على حساب والدي الخاص إن لم تستجب الوزارة بإعطائي تأمين طبي لوالدتي

هل تقصد الأفضل أنه نسجل الوالدة بأحدى شركات التأمين الطبي الأمريكية التي لا تكون شاملة لكل شيء في العلاج ،

وتكون شركة تأمين فقط تعطي تخفيض للأدوية، وتخفيض للفحص الطبي وزيارة الطبيب ..

يكون هذا أوفر لنا وأفضل في العلاج والتأمين الطبي ، وأفضل من أنه تتعالج من غير تأمين طبي ؟؟


وجزاك الله خير ماقصرت ، شكرا لحسن تجاوبك

صحيح كلامك اختي .. لكن انا قلت لك هالنقطه .. حتى لو ماقدرتوا تضيفونها الا على الاقل ممكن ابوك يكلم الوزاره ويضبطون وضعها على انها المرافقه ..
وبالتالي حتى لو نقصت المكافأه .. إلا ان اموركم الماديه بتساعدكم ان شاء الله ..

يعني اما ان امك تضاف بالتأمين .. أو يقدر ابوك يكلمهم بحيث تدخل مرافقه .. وانتي عارفه نظام ربعنا بالوزاره الواسطه تمشي فوق القانون !
وممكن الفكره الاولى يرفضونها لكن تبقى الفكره الثانيه حل اخر ممكن ياخذونه ويتساهلون بالموضوع !

لان لو اعتمدتي على التأمينات في امريكا .. راح تصرفون مبلغ لايستهان به خلال السنين .. لان امك تحتاج الى رعايه ومراجعة الطبيب كل فتره ..
وهذا الامر سيزيد المصاريف ..

لذلك انا رجحت انها تاخذ تأمين طبي يكون شامل العلاج .. ويخفض من التكاليف الاخرى .. لانه بيكون ارخص لكم ..
والنوع هذا من التأمينات .. راح يغطي التأمين في الحالات الجراحيه او المرضيه اللي لاسمح الله لو احتاجتها قدرت تغطيها دون ان تدفعون شي ..
ولو كانت زيارة طبيب او ادويه .. راح تدفعون فيها ربع القيمه الاصليه .. والباقي تتكفل فيه التأمينات ...
لان مشكلة امريكا كل ولايه لها تامينات خاصه ! وبعضها ماهي منتشره بامريكا ..
ولكن !
لو وجدتي تأمين طبي شامل .. برسم شهري جيد .. فأنا اقولك لا تتردي فيه ..
لان فيه بعض التأمينات تكون عندها تأمين طبي شامل والرسوم الشهريه فيه معقوله نوعا ما .. بس مو كثيره !

لذا اختي .. اذا وصلتي لامريكا ان شاء الله بالسلامه .. وعرفنا وضعك .. ومنطقتك .. وقتها نقدر نفيدك بافضل تأمين بمنطقتك واللي راح باذن الله يساعد بموضوع والدتك الله يحفظها ..

جزاك الله خير أخوي الفاضل

بسوي كل اللي أقدر عليه

وإن شاءه تتيسر الأمور

وأرجع ابشركم بكل خير