انا مرافق وابي فيزا f1 ,, عندي استفسار بسيط افيدوني جزاكم الله خير

مادام عندك F2 .. لابد لك طلب تغييرها الى F1 ...

وبإمكانك عمل ذلك ...

راجع هذا الموضوع :
http://www.mbt3th.us/vb/forum8/thread427787-2.html

لا يالغالي انت مافهمت علي

انا للحين ماطلعت ولا قدمت على فيزا لسى

سؤالي بختصار اذا جبت لسفاره كشف حساب بأسمي عشان يطلعولي فيزا f1

هل الملحاقيه تدفع عني المعهد ومصاريف الدراسه والا لازم تكون فيززتي f2
عشان يدفعو عني ، لين انظم للبعثه

اشكرك على الرد والله يوفقك دنيا ودين

اذا جبت فيزا F1 و قبول من المعهد ، الملحقيه تصرف عليك عادي ، ماراح تدفع شي من جيبك ان شاء الله ...

طيب اخوي انا لما اقدم على المعهد وانا مرافق لزوجتي اقدم من نفس الضمان المالي اللي يعطونه زوجتي الوزاره والا اجيب كشف حساب بأسمي من البنك واقدم على المعهد؟؟ لاني خوفي اذا ماقدمت بكشف حساب بأسمي للمعهد يذكرو بالi20
اني مرافق لزوجتي ولما اجي بطلع فيزا مايقبلو السفاره الامريكيه اني اطلع f1
لاني على الضمان المالي حق زوجتي واني مرافق لها ،، واذا قدمت على المعهد بكشف حساب بأسمي وطلعت فيزا f1
ورحت امريكا اخاف يقعدولي المعهد ويقولو هذا كشف حساب بأسمك انت وانت اللي لازم تدفع ،، شكلي ماعرفت اوصل المعلومه اللي انا ابي بالشكل المطلوب
بحاول اختصرها بين قوسين
( انا بقدم بكشف حساب بأسمي على المعهد
عشان بنفس كشف الحساب اللي قدمته على المعهد اقدمه لسفاره من شاف f1 ،، السؤال كيف انسق الوضع بيني وبين المعهد وبين الملحاقيه بحيث اللي يدفعون عني الملحاقيه ومايطالبوني المعهد بشي بحكم كشف الحساب اللي بأسمي)

ياليت تكون وضحت الصوره لاني عجزت اوصل المطلوب لكم

اعتذر عن ردي السابق .. لان شرحك لوضعك ماكان دقيق !

انت اساسا ماراح تقدر تطلع فيزا F1 الا لما تجيب قبول من المعهد .. وماراح تقدر تجيب قبول من المعهد الا لما تجيب لهم ضمان مالي .. والضمان المالي اللي بتستخدمه بيكون ضمان مالي على حسابك الخاص ..
علشان اسهل عليك الطريق ... كل امورك تعملها على اساس انك بتدرس على حسابك الخاص .. ! لحتى تطلع لك فيزا F1 ...!

بعدها بتكون فيزتك انت وزجتك F1 .. اذا طلعت انت وزوجتك لمقر الدراسه .. بتكون انت على حسابك الخاص .. وزوجتك بتكون على حساب الحكومه !
اول شي تسويه هو انك تطلب من زوجتك تطلب لك ضمان مالي (للمرافق) عبر البوابه الالكترونيه الخاصه بالمبتعثين ..
لما يصدر لك الضمان المالي .. تروح وتعطيه المعهد وتدرس على حساب الحكومه !

وتصير انت وزجتك تدرسون على حساب الحكومه ..

بعد ماتنتهي من اللغه .. لابد تجيب لك قبول جامعه (نهائي) .. وبعدها تخلي زوجتك ترفع طلب "إلحاق مرافق بالبعثه" ..
وتكمل شروط الطلب :
1- صورة بطاقة الأحوال المدنية للطالب أو صورة دفتر العائلة للطالبة.
2- صورة آخر مؤهل حصل عليه الطالب أو معادلتها إذا كانت صادرة من خارج السعودية .
3- ما يفيد بإنهاء مرحلة اللغة.
4- صورة من قبول أكاديمي صريح (غير مشروط) محدداً فيه الدرجة، التخصص و بدء الدراسة.(إذا درست الفصول السابقة يرجى إرسال الدرجات).
5- صورة جواز السفر+ فيزا سارية المفعول + آخر I-94 + ختم الدخول(واضح) +i-20 + صورة جواز المبثعت الأساسي .
6- صورة من قرار (الإيفاد / الإبتعاث) للمبتعث الأساسي .
7- قرار إجازة المرافقة للموظف.
8- المدة المتبقية على بعثة المبتعث الأساسي أكثر من 6 أشهر.
9- يجب أن تكون الدراسة بنفس المكان المتواجد به المبتعث الأساسي.
10- للموفدين : إفادة من جهة عمل الموفد بأنه على رأس العمل .

وتنتظر الالحاق : ) .., وان شاء الله يلحقونك .. وتصير مبتعث مع زوجتك !


أتمنى الفكره وضحت !

بيض الله وجهك كفيت ووفيت

الله يجزاك ويوفقك إن شاء الله وييسر امورك وين ماكنت

ولو اني كثرتها عليك شوي ، بس في نقطه بسيطه

كم ياخذ الضمان المالي عشان يصدر لي اذا طلبته زوجتي من الملحاقيه ،؟ لاني ودي تبدى دراسه سوا انا وهي،؟
اذا يتأخر علي وش الطريقه المناسبه برايك لهلوض،؟

شاكر ومقدر لك تعاونك

الف شكرررررر يالغالي

هو بالعاده مايطول يعني يضبطونها في نفس اليوم ..
لكن كل هذا يعتمد على المشرف اللي عليكم !

بإمكانه يخلصها لك في نفس اليوم .. وبإمكانه يطول السالفه !

ولكن بكل الاحوال .. حتى لو دفعت للمعهد من حسابك الخاص .. وجاك الضمان متأخر !
مجرد تعطي الضمان المعهد .. راح يدفعون لك المعهد الفلوس اللي انت دفعتها لهم ! وراح ياخذونها من الملحقيه !

ياحبيبي والله هالوجه
تسسسلم الله يسعدك ويوفقك ويكثر من أمثالك

الله يجزاك خير الجزء ,

شكرا شكرا شكرا

دمت بود وخير