استفسار استقبال الملحقية للطلاب في مطار واشنطن

هلا فيك أخوي

ذهابك للملحقية بيكون مضيعة للجهد والوقت والمال
لو رحت لهم بيخلوك تروح لغرفة كلها كمبيوترات ويقولوا لك سو سكان لأوراقك وافتح الملف
وهالشئ تسوية من مدينتك ..

بالنسبة للأستقبال
اذكر فيه مندوب من الملحقية يطلع على وصول رحلات الخطوط السعودية
ويأخذ الطلبة السعوديين الى فندق ولهم خصم في الفندق ..
بس مدري الى الآن يطلع المندوب أو لا ..

بالتوفيق

حياك اخوي
والله الهدف زي ما قلت سياحي بحكم اني بروح قبل الدراسة باسبوعين
فقلت فرصة الواحد يلقى مواصلات وخصم سكن ومنها يمر الملحقية يشوفها
والا انا مجهز كل اوراقي بفلاش

بس ابي اتاكد هل هالشي مستمر حتى الان او لا

نقطه مهمه لابد تعرفها !

لابد يكون مسار الرحله الى مقر دراستك مباشرة !
والا سيرفضون الرحله !

وهذا الامر صار عليه تشديد في الاونه الاخيره ! وكثير من الطلبه كانوا حاجزين على واشنطن ومقر دراستهم في ولايات اخرى .. وتم رفض رحلاتهم !
واضطروا انهم يحجزون من جديد على رحله اخرى على مقر الدراسه ...

لذلك لابد تكون المسار الاخير للرحله هو بلد الدراسه !

تقدر تسافر لمقر الدراسه وبعدها اذا وصلت وضطبت امورك هناك .. تحجز على اقرب رحله لواشنطن وتتمشى على مزاجك فيها كم يوم وترجع لبلد الدراسه من جديد (يعني تكون الرحله داخليه) .!

نفس مكتب الطيار هو اللي اقترح علي الفكرة لانه افضل خط سير الرياض واشنطن عالسعودية - بعدها واشنطن سانديقو عاليونايتد وقالي لو تبي تجلس بواشنطن ما فيه مشكله
وخوفني من سالفة الايمقريشن وقال ممكن تاخذ وقت ويبي لك ترانزيت ٤ ساعات عالاقل
فقلت خليني اجلس لي كم يوم بواشنطن اريح واشوفها


( تمت المشاركة باستخدام تطبيق مبتعث )

انت ماعليك من مكاتب الطيران .. عليك من الانظمة الأمريكية المطبقه بالمطارات !

مكاتب الطيران ماراح تخسر شي .. الفلوس وياخذونها على الحجز .. وانت اللي بتواجهه هذا كله !
ولو جيتهم قالولك حنا مجرد مكتب حجوزات لا اكثر ومابيدنا شي !


لذلك حبيت انبهك وانبه القراء لهالنقطه !

طيب من صار له تأخير بالامقريشن
وبغض النظر عن المكتب
انا في بالي اجلس لي يومين بواشنطن