طالب طب في السعودية وأرغب بترك دراستي لأكملها في أمريكا .. لدي عدة إستفسارات !

السلام عليكم
عندي ربع متخرجين طب اسنان من السعوديه ماشاء الله عليهم لغتهم افضل من لغتي
فاذا كان ذهابك للخارج علشان اللغه وانت بتدرس في نفس التخصص ما انصحك
دراسة طب الاسنان في امريكا يبغا لك بكالوريوس علوم او تحضيري طب اسنان وبعدها تدور لك جامعة تقبلك طب اسنان المجموع من دون اللغه 8 سنوات اذا ما كانت اكثر ومع اللغه تطلع عليك تقريباً 9 سنوات ونص
ويمكن تزيد حسب همتك في الدراسه
اذا انت تقدر تدخل جامعة الملك سعود في احد التخصصات الصحيه من وجهة نظري انها افضل
انا كنت طالب في السعوديه وسافرت بعثه واللي كانوا معي بنفس الدفعه بعضهم تخرج وبعضهم بيتخرج وانا باقي لي مشوار
تقديمك للمعهد وبحثك للمعهد بياخذ منك تقريباً والفيزا بياخذ منك من ثلاث الى ست اشهر واذا سافرت لامريكا بتدرس لغة وحسب همتك ومعرفتك للغه اذا انت شاطر بتخلصها بسرعه اذا انت بتدرس كامل فترة اللغه راح تقعد سنه وست اشهر يعني الحين راحت عليك سنتين فقط لغه
خلال مرحلة اللغه تكون تبحث لك عن الجامعه واذا لقيتها وجبت اللغه احتمال فوق خمسين في المية راح ترجع للسعوديه لان قبولك ماراح يكون فوري فلازم تنتظر ثلاث او اربع اشهر لحد مايبدا السمستر الجاي او ترمين لان التخصصات الطبيه صعبه شوي
وبعد ما تدخل الجامعه راح يختبرونك تحديد مستوى رياضيات وانقليزي واذا جبت درجة نص ونص راح تدرس رياضيات وانقليش ولا تقدر تاخذ مواد التخصص الا اذا خلصت البدائيات للرياضيات علشانها مرتبطه في المواد العلميه
يعني حالياً تكون خسرت سنتين ونص تقريباً وبعدها اربع سنوات لمواد التخصص علشان تتخرج بكالوريوس اي تخصص صحي وبعدها تدور لك جامعة تقبلك طب اسنان بعد اختبارات كثيره ومفاضله كبيره للامريكان والاذكياء

انا ما اقول لك لا تطلع بعثه هذا قرارك لكن اقول لك عن نفسي متحسف اني طلعت لامريكا لو ان مخلص البكالوريوس في السعوديه وبعدها سافرت تبع وزارة الصحه او اي شي ثاني افضل لي بكثيير لاني خسرت كثير من وقتي اللي مفروض اني متخرج الحين بالسعوديه او على مشارف التخرج

جامعة الملك سعود تقدم تخصصات ممتازه وفي الجامعات الجديده مثل شقرا والخرج والمجمعه كلها فيها تخصصات صحيه وسهل الدخول فيها
لو اني بمكانك اقدم على منحة داخليه او انقل لجامعه من الجامعات اللي ذكرتها لك وبنفس الوقت ادخل معهد انقليزي بدوام جزئي اللي هو يومين او ثلاث ايام في الاسبوع
الله يوفقك ان شاء الله ويكتب لك اللي فيه الخير

هاي واي


اسمح لي .. فلم استطع ان ابلغ منتهى الشكر لردك ومرورك وتوضيح الامر .. ف شكرا لك واسأل الله عزوجل ان يسهل امرك وان يجعل افضل الايام واحسنها امامك في مستقبلك ..

وارجو من لدية رد او تعليق ان لا يبخل علي برأي .. والله الموفق والله المستعان


( تمت المشاركة باستخدام تطبيق مبتعث )

جزاك الله خير hayway
ياليت الرد اللي كتبته ي hayway يقرأه كل من يريد دراسة الطب في الخارج
لازم الواحد يفرض أسوأ الاحتمالات عشان ماينصدم بالواقع , وزي ماوضحت المشوار طويل وتنافسي , ودولتنا حاليا افتتحت بكل مكان كليات طبية حكومية وأهلية ماشاء الله والله يزيد
الله يوفقك لما فيه خير ياأخ سلمان

ما انصح احد يدرس طب في امريكا ابد ابد ابد لان مشوااااار طويييل ..

تدرس اول شى لغة سنه ونص لان الطب يبيله لغه قويه

بعدين تدرس بكالريوس علوم

بعدين تبدا تدرس طب عام وبعدين طب تخصص

نصيحتي اما تكمل في السعودية او دولة غير امريكا

وانا انصح تكمل في السعودية ،، الطب دراسته طويله والغربة صعبه

السلام عليكم
بالنسبه لي انصح الطب في امريكا
لكن اخوي سلمان بن نايف راح عليه اكثر من السنه بالسعوديه فحرام يضيع وقت زيااده خارج السعوديه اذا كان يقدر يكمل بالسعوديه
بالنسبه للطب اللي في امريكا ممتاز مره ولا يعلا عليه الفرق سنه وحده عن السعوديه اذا كان الواحد مقدم من اول ماتخرج الثانويه لكن المشكله اللي فات عليه وقت ويبي يطلع مره ثانيه

الف تحية شكر لمن افاد بمعلومة او اضاف رايه وابدى فكرته ..

لكن اخي هاي واي .. طيب (وش) رايك بدول غير امريكا غير ناطقة بالانقليزي .. بعض دول اوروبا ..

والشكر المعطر للجميع ..


( تمت المشاركة باستخدام تطبيق مبتعث )

الصراحه ماعندي معرفه بالدول الثانيه اللي اعرفه امريكا وكندا وبريطانيا بحكم ان نظام التدريس واحد تقريباً والاختلاف بسيط
الله يوفقك وييسر امورك