تناقض اللغه الانجليزية

صاحب الموضوع ما يسأل عن القاعدة
فهو يستطيع معرفة القاعدة من أقرب موقع يشرح Grammar
لكنه يبحث عن تفسير.

ومن الطبيعي أن مدرسه ما يعرف هذا

ايه ماقلنا شي بالعكس كلامك صحيح وانا استفدت منه بصراحه على اني ماعندي فلسفه في مجال اللغويات لانه ماهو تخصصي لكن عندي حب استطلاع لمثل هالامور ...
وبعدين هالكلام تعطيه لمن هم متمكنين في اللغه .. !

يعني لو تبي تعلم ولدك السواقه .. بتروح تعطيه دروس في صيانة السياره قبل السواقه؟
وتقوله السياره فيها مكينه والمكينه داخلها كذا وكذا ولازم فيها كذا والبواجي شغلتها كذا وكذا ..
والمكينه تشتغل ولازم فيها زيت والزيت اذا نقص لازم تزيده وعلشان تعرف الزيت ناقص لازم تشيك .... الخ
وتقعد تشرح له كل قطعه بالسياره قبل يسوق ؟
او بتعلمه السواقه .. بعدين مع الوقت تعلمه بكل تجربه يمر فيها عن الامور اللي بالسياره ؟

لابد تكون واقعي شوي

لو كان صاحب السؤال يسأل عن القاعدة، نعم أقول لك أن كلامك صحيح.
أما هذي المعلومات التي أنا وضعتها فيمكن أن يفهمها حتى من لا يعرف الإنجليزية مطلقاً
ففي دراستي مثلا تمر عليها كل اللغات بلا استثناء، وأكون مسؤولا عن التفسير لظاهرة كذا في لغة كذا وأنا لا أتكلمها.

صاحب السؤال يسأل لماذا لا تكون جملة does has صحيحة
لا يمكن أن تجد لها تفسير عند متخصصي اللغة الإنجليزية الذين يعطون قواعد فقط

كلهم سيقولون لك:
Has تأتي مع كذا وكذا
و Does تأتي مع كذا وكذا

هؤلاء الذين يعطون معلومات بهذا الشكل هم من يسمونون Prescriptivists
أي من يعطون وصفة معينة لقاعدة معينة في اللغة

مثل الطبيب الذي يعطي وصفة معينة لعلاج معين
لكن لا يعرف كيف يعمل هذا العلاج على حل المشكلة إلا المتخصص في العقاقير والصيدلانيات.


نفس الحكاية
صاحب الموضوع لو كان يسأل عن القاعدة
أنا لن أرد أصلاً؛ لأني أعرف أنه ما شاء الله الشعب عندنا يوصل الواحد مستوى 2
ويبدأ يفتي فيما يصح وما لا يصح في اللغة الإنجليزية وراح يلاقي صاحب الموضوع مية رد ورد

لكن

لأني رأيت صاحب الموضوع يسأل لماذا؟
فكرت بالرد ثم قلت بنفسي أني سأتعب ولن يفهم كلامي الكثير من الأعضاء

ولما قال الأخ حروف اكتب ردك، قلت خلاص راح أكتبه وأحاول أوضحه بشكل بدائي


المختصر:
من يسأل لأجل تعلم قاعدة يكون الجواب عليه بتوضيح القاعدة وشرحها
من يسأل عن ظاهرة معينة لماذا يحصل كذا في لغة كذا؟
هذا يسأل عن ظاهرة تحتاج تفسير لساني.

وسلامتك،،،

يآ سلآم عليـــــكـ ومآشآء الله تبآركـ آلله ..
وآلله مآسألتكـ إلآ لأنــــي أعرف إن علــم آللغويآت علم بحــرهـ وآســــع ..
لأن لي وآحد من زملآئي يدرس حآليآ مآستر بجآمعة وآشنطن وكآن يكلمني عن آلتخصصآت آللغوية .. لأنه يقول طلبوآ منه تخصص عميق بحكم إنه
مبتعث من جآمعتة !!
وعلى كلآمة بيروح يكمل آلدكتورآهـ بروسيـــآ ..
وآلله نسيت آلتخصص أللي ذكرهـ لي .. عـــلى كلآمة آلروس مو بسيطين بعلم آللغويآت .. وكآن يتكلم عن امور كثير في آلتخصص ..

لجــل كذآ .. سألتكـ لأنـــي أعرف إن آلمعلومة عندكـ ..
بتكـــون عن عــلم لـــه سند أو بآلأصـــح من علـــم لأصل آلشيء ..

بآلتوفيــــق .. وآلله يتمم لكـ عــلى خير ..

ابن بيت آل هليله ..
الله يكتب لك الاجر في كل حرف كتبت ..
والله اني انا استفدت منك الكثير ..
ولازلت استفيد ..
ولعلمك رجعت وقريت الكلام مره ثانيه لان كان في بالي امر .. ووضح ولله الحمد !

أسمح لي أسميك "مكتبة مبتعث".. فعلاً انت مكتبه نادره وجودها ..

أسال الله أن يرفعنا بعلم نافع ويزيدنا به .. ويوفقنا ويجمعنا واياكم مع الاولياء والصالحين يوم الدين يارب العالمين ...

من وجهة نظري بالنسبة لطلاب اللغة ..
فيه اشياء ماراح يفهمونها الا في مستويات متقدمة
ونصيحتي لهم لايدوشون انفسهم بكلمة ليش او ابي تفسير للشئ هذا
صحيح بيستخدمها ولكن في مستويات متقدمة راح يعرف ليش استخدمت
ايضاً راح يكتشف ان بعض الاشياء اللي درسوها خطاء ..
بالعربي كل شئ بوقتة حلوو .. هو بناء انت قاعد تبنيه وراح يكتمل في المراحل المتقدمة
لذلك لايشوش على نفسة بـ اشياء بسيطة

هههه وشذا التحطيم !هههههههه

مو قصة تحطيم ههههههههههه
بس انا اشوفها افضل طريقة لتعلم اللغة اخذها حبه حبه
وهذا اللي يطبقونه في اغلب المعاهد في امريكا ..

شئ آخر لاننساه
ترى الامريكان مضروبين في القرامر لذلك لاتقيس اللي تسمعه في الشارع بكتب القرامر
لان في الحاله هذي راح تضيع هههههههههه

ايه بس شوي شوي على المبتدئين لاتحطمهم هم عقبها مايصدقون اي كلمه من الامريكان هههههه
خلهم يتعلمون عادي .. ومع الوقت يعدلون الاخطاء بانفسهم ..
افضل من انه نحطمهم من اولها هههههه هم عقبها يقولك ليش ادرس واتعب نفسي اذا اللي بيعلموني كله خطأ !؟

وانت رأيك على المعاهد المتوسطه او اللي ماعليها رقابه اكاديميه !
وهذي فعلاً اقول معك حق ..

لكن نسيت الجانب الاخر .. وهو ان فيه معاهد جداً ممتازه .. وتعلم بشكل ممتاز وتخرج ناس ماعندهم حتى اخطاء املائيه الا قليل جداً !

لذلك انا اعتقد ان الرأي لايفسد للود قضيه وفضلت أني ابين هالنقطه (اللي اكيد انك تعرفها مسبقاً ) للناس اللي ماعندهم معرفه في هالامر !
حتى يعرف الجهتين ولا يأخذ فكره سلبيه عن موضوع تعلم اللغه في امريكا !

^


اتفق معك تماماً اخوي محمد
في كل ماقلتة …

انا كان قصدي انهم مايستعجلون على الشئ عشان مايلخبطهم في البداية
الامور سهلة ان شاء الله وراح يتعلمون مع مرور الوقت ..