مساعدة ياشباااب بالله ابي مساعدتكم انا صار لي ايقاف صرف

ابوفهد وش تقصد في انتظر ليما تبتدى دراسه؟؟
لا انا ابي اكمل معهد. والمعهد الي انا فيه مسجل عند الملحقيه و التخصص ابيه نفسه ومسجل عند الملحقيه. طيب ليه يابو فهد ارفع طلب عوده من التأجيل. المشرفه تبيني اسوي تاجيل للفتره الي ماترست فيها بس. وبعدين ارفع طلب تمديد لدراسه؟ هذا الي انا فهمته منها وعلمتك انا فيه

طيب تمام ..

ايوه صح , انت فترة التأجيل حقتك تعتبر انتهت في تاريخ 22/12/2013 ..
العتب علي نسيت هالتاريخ اضطريت ارجع اتاكد من التاريخ .. لان الموضوع ماهو متواصل كان فيه انقطاعات بالردود ونسيت التواريخ واللي قلته بعد هههههه

طيب اللحين اللي عليك .. ترفع طلب إستمرار في دراسة اللغة .. واذا جاك القبول عليه ..

ترفع طلب ضمان مالي .. واذا جاك القبول عليه ..

ترفع طلب إعادة صرف ...وان شاء الله امورك تكون تمام وقتها !

ايه يابوفهد خوفتني ياشيخ
اوك راح اسويها الان. طيب اللحين ماراح يعوضوني على الفتره الي اجلتهااا
اوك ابوفهد اذا رفعت طلب استمرار في اللغه
ابحط 6 شهور. بس فيه تواريخ من و الى
وش احط فيهااا

ايه مايعوضونك عنها ...

التواريخ تحط من بداية تاريخ الدراسه الى تاريخ نهاية الفصل الحالي ..
وترفق في الطلب كامل التقارير الدراسية وشهادة الايلتس اذا عندك ..
وان شاء الله يمددونها لك ..

وتسوي نفس الكلام لو تبي تدرس الفصل اللي عقبه .. تمدد ثلاث اشهر ثانيه قبل نهاية هالفصل !

مرحبا ابوفهد كيفك وش مسوى
ياخوك والله ماندري وش الخيره فيه
ارسلت للمشرفه طلب استمرار الدراسه يوم الجمعه
وجاني اعاده لطالب وفي الكلام هذا( ATTACH AN ADMISSION LETTER FROM YOUR NEW ESL SCHOOL OR YOUR OLD ONE WITH AN EXACT START DATE ON THE ADMISSION LETTER SO WE KNOW WHEN YOU PLAN ON STARTING YOUR STUDIES AGAIN- THEN SUBMIT A FINANCIAL GUARANTEE REQUEST AND ATTACH A COPY OF THE ADMISSION LETTER AND YOUR SCHOLARSHIP LETTER. One you do so resend this request. Scholarship Postponement Request
6692757 from 10/01/2013 - 02/01/2014 approved) ولافهمت وش تبي مني ياخوي انا والله تقروشت مع المشرفه هذي تكفى ياخوك يابوفهد مافهمت هي وش تبي مني ساعدني وش اسوي معهااا

تسلفني مشرفتك وتدور وحده ثانيه ؟ ههههههه
والله انها ممتازه هالمشرفه ..

تدري انها شارحه لك وش تسوي بالضبط ؟
غالبية المشرفين مايكتبون مثلها او مايشرحون للطلبه وش يبون بالتفصيل .. اما هي شارحه لك التفاصيل اللي تبيها !

كلام المشرفه تقولك :
ارفق رسالة القبول من المعهد الجديد , او المعهد القديم , واللي توضح فيها تاريخ بداية الدراسة , حتى نعرف متى راح تبتدي دراستك من جديد , بعدها ترفع طلب ضمان مالي وترفق معه صوره من القبول وقرار الابتعاث .. اذا جبت الاوراق المطلوبه , تعيد رفع طلب التأجيل وترفق معها المستندات السابقه + الاوراق المطلوبه .. وراح يتم قبول الطلب "..


اللي تسويه ,
تروح للمعهد وتطلب من عندهم Enrollment Letter .. أو .. تجيب من الادفايزر اللي في الانترناشونال اوفيس .. تقولهم ابي Verification Letter حتى يعطونك ورقه تبين فيها تاريخ تسجيلك ومتى موعد الدراسه ..

وترفقها بالطلب وتعيد ترسله من جديد .

السلام عليكم
تم ايقاف الصرف لأني خلصت اللغه وماحصلت قبول ( هذا الكلام قبل اسبوع ) ماسويت تاجيل للبعثه لأني انتظر قبول منً جامعه وما ووصلني الا بعد ايقاف الصرف بخمس ايام
هل هنالك مشكله ؟ من جهه الملحقيه ؟
(. يعني م اغلقو ملفي وخلاص انتهى )
تندمت اني م سويت تاجيل لأني كنت احسب اذا اجلت وجاني قبول يبي لها شغله لين يفكون التأجيل

السلام عليكم
في نظري كويس انك ما سويت تاجيل لانه مرمطه
اتواصل مع المشرف بخصوص القبول وهوا راح يقولك ايش تسوي بالضبط

لا ماعندك مشكله وملفك ما يغلق الا بعد سنه من إيقاف الصرف بحسب ماشفت ..
المهم اللي عليك انك ترفع بس تقارير انهاءك لفترة اللغة .. (شهادة اللغة) ..
وترفع برضوه طلب ثاني تغيير مرحلة من طالب لغة الى طالب اكاديمي ..
وترفق معه القبول الجامعي ..
وتضبط امورك وان شاء الله امورك ترجع طبيعيه ..

والحمدلله انك ماسويت تأجيل .. لان التأجيل ياخذ وقت وتتلعوز فيه ..

مرحبا ابوفهد انشاء الله مبسوط
رجعنا بعد غياب طويل
ياعمي تبيهاااا خذهاااا والله ماعندي مشكله بس خليهاا تمشي معملتي
ايه ابوفهد جبت قبول من معهد يبين تاريخ بداء الدراسه مثل ماطلبت مني وحطيت مده الدراسه 6 شهورر وبدايت الدراسه 17/2/2014 وارفقته مع الطلب اليوم وجاني الرد معاد الى الطالب وهذا موجود في الطلب (select the correct start date of extension (contradicting with admission letter) - Scholarship Postponement Request 6692757 approved from 10/1/13-02/1/14 - completed 1 year of esl and has 6 months left) وش تقصد المشرفه؟؟ وش تبيني اسوي بعد ؟؟؟؟
ومشكوووووررر يابوفهد وبيض الله وجهك