استفسار استفسار عن تغيير الجامعه في حالة ايقاف الصرف!

ايه سيعاد الصرف بعد حصولك على المعدل المطلوب .. حتى من الجامعه الجديدة ..

اما إذا كنت تريد بداية جديدة .. فلا مشكله .. ولكنها ستحسب من بعثتك .. أي لن يكون هنالك تمديد لك أكثر من سنة واحدة ..
لذلك لابد أن تحسب حساب مدة بعثتك ومتى ستتخرج .. وتحاول أن تتخرج قبل إنتهاء مدة البعثه ..

اخوي محمد أنا الى الحين مانقلت للجامعه الجديده باقي بجامعتي هذي.. اذا نقلت للجامعه الجديده راح ابدا من جديد.. هل هذا يعني انه لن يعاد الصرف حتى ادرس السمستر الجديد على حسابي واجيب المعدل المطلوب !؟


( تمت المشاركة باستخدام تطبيق مبتعث )

صحيح...... لن يعاد الصرف حتى تدرس السميستر الجديد وتجيب المعدل المطلوب .. مو على حسابك لا على حساب الملحقيه .. لكن ايقاف الصرف فقط على الراتب ..

والله مشكلة .. توقعت اقدر اسوي طلب اعادة صرف بما اني راح اغير الجامعه وابدا من جديد ماراح يكون فيه معدل، ومعدلي اللي فات خلاص بجامعتي الأولى وهذي جامعه جديده ومعدلك يبدأ من جديد عشانك فرشمن

لكن الله يعين وييسر الأمور.. والله يجزاك الف خير ع المساعده ..


( تمت المشاركة باستخدام تطبيق مبتعث )

لو كملت بالجامعه السابقه ولا سويت تحويل .. كأن يمديك ترفع خطاب للمشرف تطلب منه أنه يعطيك هولد مؤجل ..
وبالتالي يحط لك الهولد بعد الفصل الجديد ويمشي لك الراتب .. بس لابد انك تنهي الفصل وترفع المعدل ..

لكن بما أنك في جامعه جديده .. حاول ترفع خطاب للمشرف بهولد مؤجل .. واشرح الاوضاع ..
إذا مانفع .. ارفع خطابك الى مدير الاقليم .. وان شاء الله الامور تتيسر ..