هل احد جرب يسوي تقويم اسنان في السعوديه ويربط في امريكا? وش تنصح

التقويم داخل من ضمن التأمين ولا لا ؟؟

وعليـــكم آلســـلآم ورحمــــة الله وبـــركـآتة ..

لــو عمــرك أقـل من 18 بقـولك سوي تقــويم وتعـآل لأمريكآ ..
لأن آلتــأمين بيغطي جلسآت آلشــد ..
لكــن إذآ عمرك مآيـــغطيه آلتقــويم ،، نصيحة مُجــرب .. لآ تتــوهق !!
تــدري ليه ..؟!
لأنــه بيطفــشك وغـــآلي !!
أنـــآ ركبت تقـويم بآلسعــودية .. وجيت لأمريكــآ وعجزت أشــد آلتقـويم ..
جــداً غــآلي فوق مآ تتخيل ..
يآ حــليل آلسعــودية كُـل مآ جيــت بشد آلتقــويم رميت عليهـم 200 ريـآل ..
هنــآ يوم جـــيت أحسبهآ ،، يــآرجــل قيمــة سيآرة مو قيمــة أسنآن ..

صــدقني رحت لكــذآ عيآدة، كــذآب أللــي يقولك يلعبــون بآلتأمين ويخلونــه أي شي !!
آلدكتــور أللي يســوي كـذآ .. أصلاً هــذآ مو أمين ولآ عنـدهـ ضمير ..

شــوفنــي برجع إن شــآء آلله وبفكــه ..
توهــقت فيه .. كُل طبيب أغلــى من آلثآنــي ..
هـذهـ نصيحتي لـك ..
موفـــق ،،

السلام عليكم
انا مركب تقويم علشان عمليه بالفك
ادفع الجلسات من حسابي التأمين مايشمل التقويم الا اذا كنت تحت 18 و2000 دولار بس

اللي بيلف ويدور علشان يخلي لك التقويم على حساب التأمين انتبه منه واحد من ربعي داخل محاكم علشان كذا

الباكج حق التقويم هو الغالي
اذا ركبت التقويم وجيت لامريكا بيكون ارخص من انك تركب في امريكا
واذا هي علاجي جيب معك الملف حق الخطه العلاجيه
الشد يفرق من عيادة لعياده بعضهم يعطونك خصم اذا دفعت المبلغ كامل والوقت بعد يختلف

انا ادفع لهم شهري لنهاية العلاج لان ما اسوي شد الا كل ست شهور
لكن اغير الواير كل شهر وكل شهر يفرق معي المبلغ حسب قيمة الواير بعض المرات ما ادفع الا 40 دولار

اهلاً اخوي حروف
انا مركب تقويم علاجي طبعاً ما اعرف كيف تقييمهم للعلاجي
لكن سالفتي ان صار علي حادث وصار في مشاكل بالفك مع الاسنان وسويت عملية وخيروني بين تقويم او يركبون جسر صناعي واخترت التقويم لفتره علاجيه طويله وبعض المرات اقول ليتي مختار الجسر
لكن التأمين مايشملها سمعت فيه ناس غطاهم التأمين لكن الصراحه ماشفت احد وطبعاً بعد شد واخذ وعطا مع الملحقيه وشركة التأمين لكن ماطلعت بنتيجه
اخرتها صفت اني ادفع من حسابي وبعد فتره ابركب التقويم المتحرك لان عظام الفك ثابته وكل هذا على حسابي ماعدا العمليه على حساب التآمين

أنا مركب تقويم هنا في السعودية و أفكر أكمل جلسات الشد سؤالي هنا

كم متوسط سعر جلسة الشد تقريباً عند دكتور شاطر ؟

اوميقاد .. عز الله رحنا فيها ..
طيب دام الدوله دافعه دافعه ياخي اعطونا تامين مثل الناس
عاد نكاده بقلع ضروس العقل كلها 


( تمت المشاركة باستخدام تطبيق مبتعث )

هههههههههههههههههههههههه حلوه اوميقاد ,
والله الحين جاي من المستشفى خالع العقل و ضحقتين والبنج ماراح, نص برطمي نازل ولكي أن تتخيلي الشكل المرعب وانا اضحك
, نصيحه اخلعيه اذا فيه مشكله وارتاحي