استفسار الوزن أثناء السفر (خطوط الإتحاد-الخطوط الأمريكية)؟ وبعض الخطوط الأخرى !!

[QUOTE=حروف .. متناثره ..;1062474150]

أنآ بصرآحــــة كنت أوزع آلنعنآع وآلبن وكٌل آلأغرآض فــي كٌل آلشنآط .. واخليهآ بين آلملآبس ..
على فكرهـ وأنآ جآي قبل إسبوع لقيتهم فآتحين شنطة ..
طبعآ إكتشفت هـــذآ يوم وصلت للمدينة .. وإيـــش أللي خلآني أعرفه ..؟!
لقيتهم حآطين ورقــــه رسميـــــة عليهآ شعــآر رسمي منهم وعليهآ ختم إنهم فتشوآ بآلتآريخ آلفلآني ويعتذروآ ..
وإنه كٌل شـــي بآلشنطة بمكآنه ..

[/QUOTE
شكرا لهم رجعوها تنحسب لهم حسنه والله انا ماحب احد يخرب ترتيبي <<<على اساس ترتب

( تمت المشاركة باستخدام تطبيق مبتعث )

طيب العلب حقتي بتنكسر لو رمو الشنطه يعني جد قهر لو تكسرت جديده مشتريتها 😢 اكتب على الشنطه انه فيها اشياء قابله للكسر

( تمت المشاركة باستخدام تطبيق مبتعث )

مي2 احب انا الا اخرب ترتيب شنطاتي
وش دخلهم يخربوها

( تمت المشاركة باستخدام تطبيق مبتعث )

مابيصير فيها الا كل خير
اهم شي اشياء قابله للكسر كثري منها ههههه

( تمت المشاركة باستخدام تطبيق مبتعث )

يوم فتشوآ شنطتي .. لقيتهآ زي مآرتبتهـــآ ..
مآتغير شي فيهآ ..

بخصوص آلعلب ..
أمرهــآ بسيط .. زي يوم أجيب هدآيى تكون بعلب ..
إيش كنت أســوي عشآن مآتتكسر أو تطعج ..!!

كــنت ألفهــآ بآلملآبس .. عآدي لو مثلآ تمسكي بنطلون جينــز وتلفيهآ حول آلصندوق ..
لآ تحطيهآ لآ فوق ولآ تحت .. يعني تحتهآ ملآبس وفوقهآ ملآبس ..
وبكـــذآ كنت أحآفظ عليهآ ..

بحطها على كل الشنطط ههههههههههههههههه

( تمت المشاركة باستخدام تطبيق مبتعث )

بجرب اجل شكرا حرووووف بصراحه افكارك حلوه الله يسعدك يارب هههههههههههههه كنت برصها كلها بشنطه وحده واخلص وضعي 😆 بس بجرب احط كل علبه بشنطه والفها بالملابس واعبيها هي لجل ماتتطعج

( تمت المشاركة باستخدام تطبيق مبتعث )

يارب لك الحمد.. اليوم وصلت نيويورك بالسلامة ولله الحمد، طبعاً بحكي لكم اللي صار معاي بسالفة الشنط،


بمطار الرياض انا جاي ومعاي 3 شنط.. وحده وزنها 27 تقريباً والثانيه 18 والثالثة 46.5 هههههه ولمن جيت عند الموضف قال لي الاولى والثانيه يدخلون مجاني. اما الثالث اصلاً دفعت ولا مادفعت ماراح تدخل ووزنها 46 هههه قلت يارجل قال والله لو تدفع 10000 ما دخلت لان امريكا ما بتسمح بها ابداً، عموما قلت والحل قال قسمها حط نصها بكرتون و جبهم يصير عندك شنطتين زايدات.. سويت اللي قال لي عليه ثم جيته و زبطني ودفعت حق شنطة وحده 560 ريال سعودي..

وصلت امريكا و بحكم ان مقعدي اول واحد بالدرجة السياحيه، اول ماوصلت لمنطقة الجوازات حصلته فاضي مافيه احد .. وقفت عند واحد وانتظرته يخلص اللي عنده وجيته.. خلص اوراقي ثم قال لي الحقني .. دخلوني غرفة التدقيق اعتقد، و كان فيه تشابه اسماء لواحد اعتقد انه ( مبزوط بالدراسه ) هههههههههههههه فهمتهم انه موب انا و زبطني وطلعت،

اتجهت الى الشنط ، اخذت شنطي ولله الحمد بفضله ومنته و بكرمة ثم بفضل الدعاء ( اللهم اني استودعك اغراضي ... الخ) حصلتهم جميعهم كاملين ولم يتعرضو لاتلافات ولله الحمد، اخذت الاغراض . و بورقة الجمارك صرحت انه معاي اكل ونوع الاكل ( فاكهه ) و بالصفحة اللي ورا كتبت الفاكهه هي تمر ومعاي بهارات ومعاي كليجا و لمن وصلت عند حق الجمارك اخذ ورقتي وختمها ومشيت على طول..



هذا اللي صار معي بالتفصيل الممل، بالتوفيق للجميع ان شاء الله

اضافه بسيطة / بحكم اني ماراح اطول في نيويورك وبروح على مدينتي ( كليفلاند، اوهايو) الشنطة الكبيرة 46 كيلو بشحنها بفيدكس توصل خلال ثلاث ايام بمبلغ اتوقع 70 دولار حسب مهو باين بموقعهم.. وبشوف والاغراض الثانية بقسمها وبطلع فيها

آلحمـــد لله علــى سلآمتكـ ..
آلمهم .. آلكليجــــآ نصهآ محجــوزهـ ورح يوصلكـ عنوآني إذآ وصلت لمدينتكـ