استفسار تأخير الحوالات الخارجية

الله يعينك انا كلمتك عن كويك باي بس شكلها ما عجيتك الفكره

( تمت المشاركة باستخدام تطبيق مبتعث )

كويك باي يوفرها الأهلي بس مابي اغامر صراحه خلاص طفحت منهم كل يوم طاقه العبايه ورايحتلهم واطلع من عندهم واخش فرع الرجال بس ماش

--------------

حروف

اول مارحت اصدر البطاقة عن طريق الفرع طلبو ٢٠٠ ريال حقت رسوم البطاقة وخدمه التوصيل وخدمه الرقم السري ! زين ؟

رحت للشباك ادفع هال٢٠٠
سألتني الموظفه مابي ادعي عليها وقالت كيف تبين طريقه الدفع ؟ كاش ولا نسحب من رصيدك ؟ قلت مامعي كاش واسحبو من الرصيد

راحت غلطت غلطتها وسوت سحب نقدي !!! وقالت وقعي عليه !! انا على بالي الحرمه فاهمه ووقعت

وسبب الرفض كان اني مادفعت الرسوم الي هو ٢٠٠ !
قلت للهاتف المصرفي انا داااااافعه ومعي الوصل !!! كيف يجي الرفض بسبب اني مادفعت ؟ قالو ماندري راجعي الفرع !
راجعت الفرع وكلمت مديره الفرع ووريتها الإيصال

قالت هذا إيصال سحب نقدي ! مب إيصال انك دفعتي ٢٠٠
قلت انا مايهمني ، انا الي يهمني اني وقفت على الشباك وهي تعرف اني هازه طولي قدامها عشان ادفع حق البطاقة ! والدليل انها بنفسها سألتني كيف تبين طريقه الدفع كاش ولا خصم من الحساب ؟؟؟

قالت المديره معليش ومادري ايش حصل سوء فهم يمكن مافهمت عليك ومادري ايش
لكن الحين عبي بياناتك وبنسوي لك إصدار بطاقه ثانيه

عبيت وهالمره طريقه الدفع كانت خصم من الحساب لكن لليوم ماخصمو شي ! هالكلام الأسبوع الي فات

جيتهم هالاسبوع استفسر عن البطاقة لان الهاتف المصرفي كل ما اكلمهم يقولون مافيه بيانات طلب إصدار بطاقه
قالت الموظفه يحتاج وقت ! قلت كم ؟ قالت كلميهم الثلاثاء بيكون التقارير وصلت

كلمت اليوم الهاتف المصرفي قالو مافيه شي


انا الحين ربطوني بعامل الوقت !!!
ماتحمل حواله تقعد لها فوق ٣ ايام

لاني مارح اطب مطار الملك خالد الا والفلوس بحسابي الامريكي

والشي الثاني ماقدر أتعامل مع الويسترن يونيون لان مدينتي صغيره ومافيها فرع ويسترن يونيون هذا واحد
وبعد مافيه فرع تشيس بنك

انا بفتح حساب ببنك أمريكي جديد بس لما استقر
ابي امشي أمور الشقه والأثاث من ثاني يوم وصول

بالنسبه للحين ٤٠٠ لما راجعت فرع الرجال وكلمت مدير العمليات البنكية مسك راااسه
ورجع لي ال٤٠٠ وانا جالسه عنده

الي قاعد يصير معي شي مب طبيعي أبدا

بعض آلموظفيـــن مو فآهميـــن إيش يسوون ..!!
مع إحترآمي لأي إدآرة فيهآ نســآء, آلشغل دآئمآ في تعطل خصوصآ إني إشتغلت ببنكـ وكنت مسؤول نوعآ مآ على آلعمليآت من آلفرع آلنسآئي ..!!
إن شفت إتصآل من آلفرع آلنسآئي عرفت إنه فيه مشكلة ..!!
دآيمآ جآيبآت آلعيد .. آلله يهديهن ..!

عمومآ ..
لو إنسحبت من آلحسآب .. معنآته أٌصدرت آلبطآقة وتنتظري آلتوصيل من أرآميكس ..
طيب عندي لكـ حل مآدري ينآسبكـ أو لآ ..؟!

إنكـ تخلينهآ بحسآبكـ آلعآدي .. وَ إذآ رحتي لأمريكآ تسحبيهآ من آلصرآف آلعآدي وعلى كٌل سحبه بيآخذ آلبنكـ آلسعودي 30 ريآل تقريبآ ..
وَ آلبنكـ آلأمريكي يآخذ 2 دولآر وَ نص ..
بس إنتي حولي عآلحسآب آلسعودي فقط .. ألفين دولآر أو أقل .. وَ آلبآقـــي يكون معكـ كآش بمجرد تفتحي حسآبكـ آلجديد أودعيهآ فيه ..
وَ ترتآحـــي من دوشة آلبطآقآت وغيرهـ ..!!

بحيث إتكـ تضمني فيه شيء معكـ بيدكـ وقت آلأزمة من غير آلفلوس أللي بحسآبكـ آلأمريكي من آلمكآفئة ..
فكري بهآلحل ..
بـــس لآزم تتأكـــدي بطآقتكـ آلسعودية آلعآدية تسحب بأمريكآ أو لآ ..!! وَ لعلمكـ أنآ مرهـ حآسبت ببطآقة آلبنكـ آلعآدية بكذآ محل ..

اساسا لما طلعت من عندهم ودخلت فرع الرجاااال

قابلني موظف وقال كيف اقدر أخدمك ؟
قلت عندي مشكله مع الفرع النسائي في بطاقه مسبقه الدفع !

تخيل وش سوا ؟
ابتسم وقال اسمك الكريم ؟ قلت هيفاء
ضحك زياده وقال مارجعولك لك ال ٤٠٠ ؟؟؟ يعني عارف وضعي وقصتي معهم

وبالنسبه للبطاقه العاديه ، مره اخذتها معي دبي ووقفت علي فجاه ماعد تصرف !! كلمت وكلمت وكلمت والله ان كان الجدار يستوعب فهم يستوعبون

انا بسوي وحده من ثنتين
بكره بإذن الله بروح للأهلي واسحب رصيدي منهم وأخذ الي احتاج منه وأحول لتشيس بنك عن طريق سبيد كاش
بس ابي أتأكد هل سبيد كاش يؤصلون المبلغ لحسابي ولا لازم من فرد لفرد ؟؟

ان كان من فرد لفرد ، أودعت المبلغ في حساب الوالده وأخليها تحوله لتشيس بنك عن طريق الاون لاين او الفرع لانها قد حولت لي منه من قبل

وبس
عيب بنك الأهلي التناقض في كلام الهاتف المصرفي وموظفي الفرع
أكلم الهاتف يقولون شي ، اروح للفرع يقولون شي اخر
تعبت بينهم مادري مين فيهم صح

ههههههههه قآيل لكـ متصله عليهم وقآيله إنهآ جآبت آلعيد ..
وشكله آلمبلغ كآن معلق .. آلمفروض تتصل عليكـ وَ تبلغكـ ..!! وَ بنفس آلوقت تسوي عكس للعملية وَ ترجع بحسآبكـ على طولـ ..!!
آلله يهديهن بـــس ..

وآلله سبيــد كآش مآعمري تعآملت معه بصرآحة ..
بس يمدحونــــه ..
أنآ يوم كنت ببريطآنيآ .. إحتجت مبآلغ مآلية بصرآحة وحولتهآ عن طريق آلعربي " تيلي موني " وإتصلت على شخص أعرفه بآلإدآرة ..
ومشى آلحوآلة بســـرعه ..

آلمهم .. خٌذي جــزء من آلمبلغ كـــآش .. أفضل ,,
مآتدري وش يصير .. وَ جــزء بسيط حوليه ..

إذآ عني قبل فترة بسيطه .. وَ صلتني حوآله عن طريق إنجآز " ويسترن يونيون " على بنكـ أوف أمريكآ ..
ووصلت لحسآبي بوقت قيآسي آلحمد لله ..

لأن آلوسترن يونيون يطلب منكـ .. إمآ تحوليهآ لشخص معين..!!
أو ..
على حسآبه آلخآص ..

احاكيك وانا فيني الصياح
ماحب أموري تتعثر وتخرب بسبب غباء غيري

بإذن الواحد الأحد بكره ساحبه الرصيد واخلص أموري ابي انام كويس بدون كوابيس
أزيدك من الشعر بيت

ترا من عام ٢٠١٢ وانا أطالبهم بطاقه مسبقه الدفع !!!
وبعد
ماعمري في حياتي راجعت فرع النساء ولقيت نفس الموظفات !! كل كم شهر يغيرونهم ماعدا مديره الفرع نفسها

الله يعدي بكره على خير

آلله يسهل أمركـ ..

على طآري آلموظفآت .. إنتي تروحي تلآقي مديرة آلفرع ..
عندنآ .. أيآم آلأمر آلملكي بتعيين آلخريجآت كـ معلمآت ..
مرهـ فـــرع آلسيدآت سوى أزمه بآلبنكـ .. كلهن تعينوآ وسحبوآ دفعه وحدهـ مع مديرتهم ههههههههه
وَ آلله مآبقى إلآ موظفه وَ متدربه وَ من سوء آلحظ كآنت توهآ متعينه جديدهـ تحت آلتدريب مآلحقت تآخذ نفس آلمسيكينه ..

الحين انتي افتحي حساب الاهلي اون لاين وفي خيار تحويل دولي وخيار تحويل كويك باي وتقدري تحولي منه لحسابك الامريكي تضيفي بيانات حسابك وتتحول وانا سألت كذا واحد مجرب ومشت معاه جربي اكيد راح تمشس معاك
في فرق بين غلطة موظفة وبين غلطة السستم
بالتوفيق


( تمت المشاركة باستخدام تطبيق مبتعث )

لا لا الأهلي طلع مع خشمي كارهه حتى شعارهم الي مدري وش يبي

قررت قرار لا رجعه فيه ، بسكر الحساب وأشتري راحتي في بنك ثاني بس لسى ما قررت ايش

خذيهآ قآعدهـ ..
لآ تغلقي حسآبآتكـ آلبنكية .. عآدي خليهم يجمدون حسآبكـ ولآ تسكريه ..
لو تدري آلظآهر فآتح حسآب بكل آلبنوكـ ..
كنت أروح لمؤوسسة آلنقد زمآن بحكم عملي وألتقي بممثلين آلبنوكـ كلهم .. وَ كٌل شوي وآحد جآيب لي نموذج فتح حسآب ..
أعبيه وَ أوقعه ..
وَ هو يضبط الأمور من عندهـ .. وَ فعلآ بعضهآ فآدتني لأني كنت أحول بين آلحسآبآت كثير ..

بآلتوفيق ..