طريقة الحصول علي ضمان مالي

الأمر بسيط ياغالي ,

كل اللي عليك انك تسويه تروح للبوابة الالكترونية الخاصه فيك "سفير" ..
وترفع " طلب ضمان مالي " .. من خلال قائمة "الخدمات المالية" ...
وترفق مع الطلب المستندات المطلوبة .. وراح يتم إصدار الضمان المالي ويرسلونه لك على الايميل ..

وترفع مع طلب الضمان المالي , ترفع طلب إعادة صرف .. حتى يمشون لك المكافأه ..
وذلك عن طريق الخدمات الدراسية , ثم إختيار طلب إعادة صرف ..
وترفق معها القبول (الجدول الدراسي للفصل الجديد) ..

(يعني راح ترفع طلبين بنفس الوقت) ...

واذا كانت معلومات المعهد في البوابة الالكترونية تختلف عن معلومات المعهد الحالي اللي تدرس فيه ..
لابد قبل تطلب ضمان مالي .. إنك تغير اسم المعهد , وذلك عن طريق رفع طلب "تغيير معهد" من خلال قائمة "الخدمات الدراسية" ..
من ثم ترفق المستندات المطلوبه مع الطلب ..
بعد مايوافقون على الطلب .. ترفع طلب ضمان مالي بنفس الطريقة السابقة ..

ممكن يطلبون منك ترفق الجدول الدراسي .. والتقارير الدراسية ...

اذا طلبوا منك هالشي فتقدر تسويها عن طريق هالخطوات :

- طريقة إضافة التقارير الدراسية لمرحلة اللغة :
من قائمة الخدمات الدراسية , تختار " طلب إضافة تقرير اللغة " ..
وترفق المستندات المطلوبة مع الطلب ..

- طريقة إضافة المواد الدراسية :
من قائمة الخدمات الدراسية , تختار " طلب تسجيل المواد الفصلية " ...
وترفق المستندات المطلوبة مع الطلب ..


بس حبيت أنبهه على شغلة , اذا طلبت ضمان مالي .. بعد مايقبلون الضمان المالي ويجيك على الايميل ..
لابد لك ترفع طلب إعادة صرف .. حتى يمشون لك المكافأه ..
وذلك عن طريق الخدمات الدراسية , ثم إختيار طلب إعادة صرف ..
وترفق معها القبول (الجدول الدراسي للفصل الجديد) ..

بعدها امورك راح تكون تمام ..
وكل اللي ناقصك بس تطلب "صرف فروقات" .. حتى يصرفون لك الفروقات اللي تستحقها من مكافأة شهر صفر 1435 .

خلص الضمان المالي اول واعمل اعادة صرف .. وبعد ماتضبط امورك بالمعهد .. ارجع وعلمنا باللي صار .. علشان تكسب أجر اخوانك اللي يمرون بنفس حالتك بفايدتهم ..
ايضاً راح نتناقش بمسألة صرف الفروقات وقتها .. حتى اعلمك ايش التواريخ اللي تحطها بالضبط ..

بارك الله فيك
وعلي طول تم رفع الطلب من قبل الملحقيه
بطلب ضمان مالي وانتظر وصوله
وان شالله راح اطلب الصرف والفروقات


( تمت المشاركة باستخدام تطبيق مبتعث )

اهلاً ..

اخواني الحمدلله انضميت للبعثه بس فيه مشكلة بسيطة مو فاهمها .. انهم رفعوا طلب ايقاف صرف الين اسوي المطلوب مني ..

اللي هو : طلب ضمان مالي .. بس في بوابة السفير موجود شيئين اللي هو : طلب ضمان مالي و طلب ضمان مالي بغرض القبول

اي واحد فيهم ؟ واذا قدمت الطلب ايش احط السبب ؟

بصراحة مو فاهم شي .. الضمان المالي حق ايش بالضبط ؟ يعني بس ارفع طلب الضمان المالي من الموقع وانتظر القبول ؟

اسف عالاسئلة الكثيره بس صار لي كم يوم ماسويت اي شي لأني ماعرفت

هلا فيك اخوي


اذا توك لسى انضميت المشرف بيسوي لك طلبين
طلب ايقاف صرف وطلب ضمان المالي
بالنسبة لـ ايقاف الصرف لاتخاف هذا بتوقيت مستقبلي اللي هو بعد سنه من تاريخ انضمامك
اما الضمان المالي اذا ماسوا لك طلب المشرف .. روح للخدمات المالية واطلب ضمان مالي
وبعد مايرسلوه لك ودة للمعهد عشان يشيلون الرسوم الدراسية عندك … اكرر ضمان مالي فقط وليس اللي بغرض القبول

بالتوفيق

الله يعطيك الف عافية اخوي ..
بس اذا جيت احط طلب ضمان مالي يطلب مني السبب وش السبب اللي اكتبه ?
ويطلب مني ارفع صورة لـالتسجيل الفصلي للمواد الدراسية ؟ مو فاهم وش قصدهم بالتسجيل الفصلي

شوف اول شئ تأكد ان المشرف ماسوى لك طلب ضمان
تقدر تشوفها عن طريق متابعة الطلبات ..
بالنسبة للسبب اكتب اي شئ مثلاً .. عدم وجود ضمان مالي
بالنسبة للتسجيل ارفق صورة الجدول الدراسي للفصل الحالي

وصل الضمان المالي بالايميل بنفس اليوم

والحمدالله


( تمت المشاركة باستخدام تطبيق مبتعث )

جزاك الله خير والله يوفقك

وصلني الضمان المالي في اقل من يوم لكن بالنسبة لطلب اعادة الصرف .. فيه 3 فراغات احط فيها تواريخ اعادة الصرف .. ماني فاهمها كويس ولا ودي اتفلسف واجيب العيد
هل احطها كلها تاريخ اي يوم ارغب فيه اعادة الصرف والا كيف

طلب أعادة الصرف مايحتاج تسوية
لأن ايقاف الصرف راح يبداء بعد سنة وليس الآن ..