بسبب العواصف الثلجية في واشنطن العاصمة تم إلغاء رحلتي لأكثر من مره ما الحل ؟

خذيلك فندق وقري فيه ليما تجي رحلتك الثانيه ..
بس ايش الموضوع بالضبط اللي متوهقه فيه وتبين مساعده فيه ؟

الله يهديك يامحمد ، انا وين والولايات الغربيه وين ، انا بواشنطن دي سي ورحلاتي انلغت بسبب الجو وذي ثالث مره أحجز رحله جديده وتنلغي بسبب سوء الأحوال الجويه في الولايات الشماليه ، وشناطي ضاااااااااااااااااااااااااعت مع التأخير والتاجيل والبرد ذبحننننننني
كنسلو تقريبا 176 رحله



( تمت المشاركة باستخدام تطبيق مبتعث )

أتصلي على الملحقية ربما تقدم لكِ مايساعدك
أعانك الله.

طيب اسف عدلنا المسار ..

توكلي على الله وان شاء الله الامور تتيسر بإذن الله ..

في الوقت الحالي ماراح تلاقين رحلات على هالاجواء ..

خصوصاً انتي رايحه لشمال يعني الله يعينك وشلون بتلاقين رحله في هالاجواء ..

اعملي اللي قالت لك عليه اخت هدايه وان شاء الله تتيسر الامور !

المرأة في حياة المحرم ..
تشريع عادل ..
وتكريم فاضل ..
وحياة هانئة مستقرة ..

سبحانك ربي .. فلم تشرع شيئاً عبث !!


كان الله في عونك ..
واسأل الله ان يسخر لك الطيبين لتسهيل امورك ..


اذا لم يعجبك كلامي ..
فخذي من المشاركة دعواتي لك فقط ..
فهي والله صادقة ايضاً ..

كلمت الملحقيه ماوفرو لي الا سواق!!
وانا اصلا اروح للمطار بالشتل حق الاوتيل المخيس ذا
ثاني شي الطاسه ضايعه بالمطار وكل العالم شايشه علي رحلاتهم

والجامعه بدو اورنتيشن من دوني ، ارسلت إيميل شرحت وضعي وان الحاله الي انا فيها خارج سيطرتي ، عاد يازينهم لو يقولون مالنا دخل وشوفيلك جامعه ثانيه

( تمت المشاركة باستخدام تطبيق مبتعث )

لا ماعليك , راح ان شاء الله يقبلون عذرك .. طالما انتي ارسلتي لهم ايميل ..
الامور تتيسر بإذن الله ..
شوفي لك رحله بكره الظهر يمكن تتعدل الاجواء ..

رحلتي الصبح الساعه 9 اليوم

بس والله والله خايفه يتكنسل
وضعي النفسي مايسمح لاي خبر شين زين زياده أحس خلاص اكتفيت لي يومين ولا اعرف مخلوق بالمدينه

كل المبتعثين الي جو بنفس رحلتي دبرو أمورهم ومشو
الشباب مسكو خط بالسياره والي راح بالترين الا انا جالسه احجز وتتكنسل احجز وتتكنسل احجز وتتكنسل والله تعبت
قمت اصيح بالمطار جتني حاله نفسيه حتى رحمني واحد قالي انا مستعد اوديك بس رفضت خفت يسويلي شي



( تمت المشاركة باستخدام تطبيق مبتعث )

توكلي على الله وان شاء الله مايصير الا كل خير ..
مابقا شي على رحلتك الجايه .. كلها كم ساعه ان شاء الله وتكونين بالطياره متوجهه لمقر دراستك ..

الامور بسيطه بإذن الله وماتستحق كل هالخوف والتعب النفسي اللي انتي حاطه نفسك فيه ..
تصبري وان شاء الله رب العالمين بيفرجها عليك ..