مساعدة متى أستلم الضمان المالي من الوزارة؟

الله يرضى عليكم ساعدوني أحس إني من جد تورطت. كل يستغرق إصدار الضمان المالي؟؟؟؟ لأن الوزارة كل مرة اروح لها يقولون تعال لنا بعدين، والترم بيبدء بعد ٤ أسابيع!!!!!!

جاوبوني تكفون


( تمت المشاركة باستخدام تطبيق مبتعث )

وعليكم السلام
انت تروح لأي فرع للوزاره؟

اذا اوراقك كامله مع المستشفى يطلع الضمان بسرعه واذا ماطلعوه لك الوزاره تقدر تكلم المستشفى علشان يمشون امورك

اوراقي سلمتها للوزارة قبل شهرين، البعثة المفروض تكون على الوزاره. سؤالي عن (مدة) إصدار الضمان المالي. يعني قد أيش مفروض استنى عشان تخلص الإجراءات؟ شهرين طبيعي؟؟ لان الدراسة قربت.


( تمت المشاركة باستخدام تطبيق مبتعث )

انا مبتعث عن طريق مستشفى وزارة التعليم العالي هي المشرفه علي اذا كان عندي مشاكل ما انحلت عن طريق الوزاره اراجع المستشفى علشان يحلونها لي

بالنسبه للضمان المالي اي ضمان تقصد؟
فيه ضمان تجيب فيه القبول وفيه ضمان تعطيه الجامعه
الضمان اللي تعطيه الجامعه اذا وصلت لامريكا تستلمه بعد ماتفتح ملف طالب اذا وصلت لامريكا

انا سألتك عن اي فرع للوزاره انت تروح لان فرع الغدير عندهم معلومات كامله عنك وعن طريقهم تخلص كل امورك
فرع التخصصي كنت اروح له من قبل ولا كنت اعرف ان الغدير هو اللي مسؤل عن كل شي

انا احتاج الضمان المالي للجامعة. عندي الI-20 والفيزا جاهزة، بس الوزارة لسى يماطلون معي بخصوص الضمان المالي. بدونه ما اقدر اطلب أمر إركاب، وصعبة اجازف وادفع واغرّب عائلتي وفالأخير ما تتكفل الوزارة بمصاريف الدراسة.
الفرع اللي دايم اروحه هو فرع الغدير.


( تمت المشاركة باستخدام تطبيق مبتعث )

اخوي انا طلعت امر الاركاب من دون الضمان المالي بالنظام القديم
وبالنظام الجديد خلصت البرنامج اللي كنت ادرسه وطلعت لجامعه جديده وبين هالفترتين رجعت للسعوديه واستلمت الضمان المالي بعد ماسافرت لامريكا مره ثانيه يعني بعد امر الاركاب

أهلين أخوي،
أشكر لك ردودك على إستفساراتي،،
أيش تنصحني أسوي الحين؟
وهل إستخراج أمر إركاب سهل؟ لأن ما عندي وقت.

شكرًا


( تمت المشاركة باستخدام تطبيق مبتعث )

بنفس اليوم يطلع لك امر الاركاب
اطلع لهم ومعك اوراقك كامله ويطبعون لك امر الاركاب وتطلع تذكرتك من نفس فرع الغدير

أهلين أخوي،

زيما انت عارف أنا موظف، وطلبت أنظم للبعثة. بعد عناء طويل قرروا الوزارة (فرع الغدير) انهم يأخذون أوراقي. من ٣ شهور وانا استنى الضمان المالي.
يوم قرب الوقت، قررت أرسل للجامعة كشف حسابي فالبنك، ولله الحمد أعطوني الI-20.
والفيزا وافقوا عليها والحين استنى يرسلونها لي بالبريد.

سؤالي هو:
هل لي حق في طلب أمر الإركاب وقرار الإبتعاث؟ مع العلم أني ما استلمت ولا شي من وزارة التعليم تثبت أنهم ضموني للبعثة.
والشي الثاني، ما هي الأوراق اللي اجيبها معي؟


شاكر ومقدر لك مساعدتك،، الله يجزاك الجنة على مساعدتك لي،،،




( تمت المشاركة باستخدام تطبيق مبتعث )