استفسار لا تدخل إلا و انت مروق :) .. كلام كثير :)

February 18th, 2014, 09:12 PM

السلام عليكم
يالله حيهم كلن باسمه
نخش بالموضوع

حبايبي أنا مبتعث في مرحلة اللغة في ولاية فرجينيا
معي 5 بـ الآيلتس يا ربي لك الحمد و الشكر هذا من فضل ربي
مقتنع فيها و عارف قدراتي يعني و كل واحد و قدراته .. المهم أنه للأسف جميع الأماكن الجيدة في فرجينيا أو واشنطن دي سي تطلب معدل 6 بـ الآيلتس أو أعلى
و أنا رجال ما معي إلا 5 و في فترة الـ6 شهور حقت اللغة يعني تقريباً خلصت اللغة .. قاعد أشتغل على طلب قبولات جامعية و هكا

أنا يا طويلين الأعمار خريج ثانوي يعني بـ أدرس بكالريوس تخصصي إدارة أعمال
و مابي جامعة .. أبي كلية متوسطة أو ما يسمى بـ community college
و مثل ما انتم عارفين ما يحق لـ المبتعث أنه يطلع برا ( الإقليم ) حقه إذا كان يدور كلية متوسطة .. إذا تبي تطلع لازم تجيب قبول جامعي " جامعة "

ودي أنقل لـ ولاية فلوريدا .. فيها ثلاث مدن زي العسل " أورلاندو - تامبا - ميامي " إذا تخبرون لي كلية متوسطة تقبل بـ 5 هناك أكون لكم من الشاكرين
و يا ليت بعد تعلموني .. وش الجامعات اللي مفتوحة فيها و الكليات و كذا :$ .. إذا تعرفون يعني إذا ما تعرفون عادي :d

السالفة الثانية ..
أنا أوقف علي الصرف بسبب إني ما رفعت التقرير الدراسي .. الزبدة أمس رفعته
هل لازم أسوي طلب إعادة صرف و لا وش الإجراءات ؟ يا ليت توضحون لي تكفون

السالفة الثالثة
أمس و انا احوس بـ موقع الملحقية لقيت معلومة تقول أن علي الفريحي هو مدير إقليم الجنوب
و بنفس الوقت علي الفريحي هو مدير إقليمي في فرجينيا حالياً .. فـ هل فرجينيا تعتبر ضمن ولايات إقليم الجنوب ؟ يعني عادي لو أنقل لـ كلية متوسطة في تكساس ؟

و آسف على الإطالة يا لبى العرب

• نشر عبر تويتر
• نشر عبر فيسبوك
• نشر عبر جوجل