ما عاد فيني

لالاااااااااااا انتبه حرام عليك ياخي ظلمت الناس هنا مافي زيهم يبتسمون ويساعدون طول بالك هذي كذا الغربة كلنا صار معنا كذا في بداية بس ثلاث الشهور الاولى فاصبر وطول باللك وأكيد ابوك بيزعل منك هذي مستقبل واتركك من الحامعات السعودية تعليمهم لا يضاهى بشهادة هنا وعراقتها وبالإضافة للغة فاصبر وانشالله تهون

حاول تطلع سينما تروح محلات ترفيه حدائق وانشالله تعدي هذا الظرف عليك


🇺🇸🇬🇧🇺🇸الهاشمية ليمتد ليمتد 🇺🇸🇬🇧🇺🇸

انا ادري انهم طيبين ما قلت عنهم شيء بس قلت نظام حياتهم ما عجبني وانا ما في مكان ما رحته ولا خليت شيء بس برضه ما اقدر ادرس قانون هنا ان شاء الله بس بشوف وشلون اقنع الوالد


( تمت المشاركة باستخدام تطبيق مبتعث )

يابن حلال اركد واقعد والله فرصة تذكرها بعدين تعليم وخبرة في حياة واعتماد على نفس وتطوير نفس وتعرف على ثقافات والتعلم لغة جديدة بالله الله يستر عليك ايش فيه وناسه بالسعودية غير انك مع اهلك لكن مافي غير سهر طوال الليالي بالاستراحات وقهاوي كورة وطلعت بر عطني غيره فأجلس واصبر نقولك هذي فترة كلنا مرينا فيها وخل ابوك يفرح فيك ويرفع راسه والله لو وافق انك ترجع بيكون خاطره مكسور وزعلان فاصبر وتعوذ من ابليس


🇺🇸🇬🇧🇺🇸الهاشمية ليمتد ليمتد 🇺🇸🇬🇧🇺🇸

اشكرك اخوي على ردك السريع ... بس انت كانك تقول لو رجعت السعودية بيضيع مستقبلك .. انا قلتلك سبب رجعتي اني ما اقدر ادرس قانون هنا .. وبعد حياتهم ما ناسبتني يعني ما اتوقع فيها انصاف لنفسي اني اقعد هنا .. وابوي يعرفني مهتم بمستقبلي .. ادري بتقول ذا ليش يكتب موضوع وهو معزم ع الرجعة بس قلت بشوف ردودكم لاني تعودت على حياتهم وعادي اقعد بس ماني مبسوط فيها


( تمت المشاركة باستخدام تطبيق مبتعث )

أمانة عليك بينك وبين نفسك جامعات هنا والمدرسين فيها مثل السعودية مباني وجو الدراسة مثل السعودية الخبرة والإلمام الكامل بالتخصص مثل جامعاتنا عموما أنا أعطيتك مثل شي مر علي ونفس المعاناة لكن صبرت والآن لو مليون ريال يعطوني يقولون ارجعي بأخذ مليون وبرجع وأول طيارة اخذها وارجع هنا ثاني
فلا تتسرع والله لا نريد لك الا الخير والتوفيق
ستلاحظ مع الوقت كيف طريقة التفكير والهدوء وأسلوب التعامل وكثير من الأشياء التي ستغير. في شخصيتك وتفكيرك الى الأفضل وانت عاد براحتك انا نصحتك وانت حر


🇺🇸🇬🇧🇺🇸الهاشمية ليمتد ليمتد 🇺🇸🇬🇧🇺🇸

طيب اخوي اقدر ادرس قانون هنا ( بكالريوس ) ؟؟


( تمت المشاركة باستخدام تطبيق مبتعث )

لا يختلف اثنان أن دراسة القانون مختلفة بالكامل بين السعودية وأمريكا، ولكن السؤال هنا. هل تود بأن تكون مبادئك القانونية مبنية على الدراسة بالسعودية أم هنا ?

( تمت المشاركة باستخدام تطبيق مبتعث )

لا اختلف معك ان مبادىء القانون هنا غير عندنا ومطبقة حتى على التافه منها لكن لا ادري هل المرحلة التاسعة سمحت بدراسة القانون في مرحلة البكالريوس ام لا


( تمت المشاركة باستخدام تطبيق مبتعث )

قانون ايش في سعودية الي يحتاج لدراسة كلها مزاج الشيخ وعقليات اقرا كتب حق القانون المرافعات وقت الجلسة وخلاص وتقدم لائحة الدعوى عليها وبس


🇺🇸🇬🇧🇺🇸الهاشمية ليمتد ليمتد 🇺🇸🇬🇧🇺🇸