الي في معهد ممتاز و مدينه ممتازه و ما فيها سعوديين كثير يدخل (:

وعليكم السلام

كان ودي اخدمك لكن للاسف ماعندي خبره
لكن ياليت تقولي انت وينك فيه وفي اي معهد عشان ما نقرب حولك ^_^

الله يوفقنا وياك

هلا حبيبي محمد ابي أنصحك
اذا انت جاي ماجستير
أرسل لي رقمي خاص




( تمت المشاركة باستخدام تطبيق مبتعث )

معهد جامعه اريزونا ستيت يونيفيرستي اعتبره قوي جداً وماترفع راسك من كثر الواجبات والاختبارات

لكن عيبه كثرة الخليجين فيه ،

بالتوفيق ❤

أنا في ولاية ويست فرجينيا مدينة wheeling طبعاً المدينه صغيره و رخيصه للي جاي على حسابه و بنفس الوقت ما فيها شي يعني تبي تطلع تشوف الناس ما تقدر و المعهد الي أنا فيه ميزته قلت السعوديين لكنه مو منظم و الواجبات يعطونا شي بسيط أخلصه في 5 دقايق و السبب الرئيسي الي يخليني أفكر أدور لي معهد ثاني هي المدينه لأنها تجيب الكأبه و ما فيه مواصلات أبداً.....بالتوفيق (:

هلا رماد الحروف لا و الله جاي أدرس بكلريوس و الله يجزاك خير و يفوق الجميع...(:

- - - مشاركة محدثة - - -

أهلاً أخ سلطان الله يعطيك ألف عافيه راح أبحث عنه و أشوفه ما قصرت.... بالتوفيق للجميع (:

وعليكم السلام

أنا أستغرب هذا التناقض
نبي فزعة السعوديين، بس ما نبي نشوفهم في المعهد، طيب إذا أنت مستغني عن السعوديين وما تبيهم في المعهد، ظنك أن اللي هنا في المنتدى أثيوبيين مثلا؟

لا تتحسس من الموضوع
هذا شي طبيعي
انت لما يجي وقت الاختبارات وانت في البيت
ما تجلس لحالك وبجو هادي عشان تذاكر ؟؟؟؟؟؟؟
هل هذا معناته ان اخواننا واهلنا اثيوبيين على قولتك؟؟؟

الحكايه ان الواحد يبي يروح مكان قليل اللي يتحدثون عربي عشان يضطر انه يتكلم انقلش مع الاجانب
اما من ناحية الغلا,,,,,يالبى كل السعوديين وكل مسلم على وجه الارض (حتى الاثيوبيين )

........

صاحب الموضوع
ماقلت لنا انت في اي معهد واي مدينه

أعتقد مالهـا علاقـة،،،صاحب الموضوع يطلب من الطلاب الدارسين في معاهد لا يوجد فيها سعوديين وإن وجد قلة ولا يمنع أن يسألهم ..
لعل أحد يفيده أو سمع بمعهد يفي غرض السائل ..

وأعتقد نصيحة أقدمها له ولغيره, ابحث عن معهد جيد ويكون العرب فيه قليل جداً !
لا أقول لا تحتك بالسعوديين, سدد وقاارب !
والبعد عن التوسع في العلاقات التي ليس لها فائدة مع العرب, وكل هذا يؤثر في اللغة ..
مثال واقعي:
اعرف طلاب يدرسون اللغة, وقتهم يضيع في الجلسات والوناسة وكله طبعا عربي ناهيك إذا كان مو ساكن مع روميت سعودي !
وإذا كان ساكن مع عائلة, طلعاته كثيرة والويكند يقضية بالبالوت والشيشة ..
والمحصلة في النهاية انتهاء فترة اللغة, ولم يحصل على الدرجة المطلوبة, والتوسل الى المكاتب والعرب لاحضار قبول بدرجة ايلتس 4.5 أو 5 !

برأيي هذا لو جلس في السعودية ودخل له جامعة أفضل, لانه الفارق الاساسي في تعليم اللغة هو ممارستها !
لا أن تجلس للعب البالوت والشيشة والحش في خلق الله ..

أمامك سنة واحدة قد تمدد الى ستة أشهر،،،مع الجهد والتنظيم, وممارسة اللغة والابتعاد عن الاختلاط بالعرب في فترة اللغة ..عوامل مساعدة للحصول على الدرجة وإتقان اللغة ..

بالتوفيق عزيزي ..

و أنا أستغرب من كذبك علي بالرغم من إن موضوعي مكتوب فوق و الكل يشوفه سؤال: وين كتبت ما أبي أشوف السعوديين بالمعهد؟؟!