الي في معهد ممتاز و مدينه ممتازه و ما فيها سعوديين كثير يدخل (:

لله درك يالمطيري هذا واحد يدور المحارش بس......و معهدي في مدينة wheeling و إسم الجامعه التابع له wheeling jesuit university

كلامك يمثلني و بعدين أنا قلت السعوديين فيه محدود بس ما أدري كيف قرأ الموضوع و بعدين سنة اللغه سنه حساسه جداً ينبغي إن الواحد ما يجامل في هالسنه لأن المجامله على حساب مصلحتك ما تصلح و الله يفوق الجميع

"كذب"؟
عادي نقول للناس كذابين علشان ما عرفنا كيف نرقعها.

إيه كذبت علي و قولتني كلام أنا ما قلته و بعدين وش أرقع ما غلطت بشي عشان أرقعه..... الله يهديك بس و تراك مدين لي بالإعتذار

هذا موضوع طال فيه النقاش هل العرب يؤثرون على لغة ام لا ؟ احترم جميع الآراء وفي وجهة نظري ان اللغه لا تعتمد على السعوديين من عدمه ووجهة نظري بنيتها من واقع . صديق لي مقرب حتى جواز سفر ماعنده ويتكلم الانجليزيه بطلاقه جداً جداً ويجيد الاكسنت البريطاني وقبل شهر اختبر ايلس وحصل ع 7 ونصف وهو لم يحضر للاختبار حتى ساعه فقط لأني باختبر قالي باختبر معاك . اللغه تعتمد عليك أولا والتعلم ليس بذالك الصعوبة ولكن الأصعب طريقة التعلم .. كيف نتعلم اللغه ..

احترم ألفاظك؛ لأني ما زلت محترم ألفاظي، وإلا فأوسخ الكلام ليس فيه من الرجولة شيء حين نوجهه للآخرين.
إذا لغة "كذب" وأخواتها هي ما تعلمتها في رعاية والديك الكريمة، فهي مشكلتك أنت، وإذا كنت لا تعرف الطريقة الصحيحة للتعبير عما في ذهنك، فسوف تواجه كثيرا من المشكلات في تعلم اللغة؛ لأن اللغة تحتاج إلى حس لغوي إذا كنت تفتقده في لغتك الأم، فمن باب أولى أن تفتقده في اللغة الثانية، التي تعتقد أنك لن تستطيع تعلمها إلا بالتهرب من إخوانك السعوديين.

شكلك إنسان فاضي أعتذر عن الرد على مشاركاتك لموضوعي

يا أخوااان الي يعرف معهد ممتاز و في مدينه ممتازه و السعوديين فيها (محدودين) يعطيني بس إسم المدينه و الله يوفق الجميع

بالعكس، مشغولين دراسياً لكن نفرغ من وقتنا اللي نقدر عليه علشان نساعد الأعضاء هنا، ما نتهرب من السعوديين.
ولا ندخل لمصلحة نسأل ونأخذ المعلومة ولا نفيد بعدها الآخرين، شف تاريخ تسجيلك لك سبعة أشهر ومشاركاتك 13، بمعدل مشاركتين في الشهر، وكلها استفسارات، ما عمرك فكرت تكتب رد تساعد أحد يعني؟

بعدين ممكن شرح لمعنى: "الرد على مشاركتك لموضوعي"؟ قصدك تقول: "مشاركاتك في موضوعي"؟

لا تفرد ( عضلاتك ) الهشه على صاحب الموضوع وتحاول تغيير مساره , والفكره التي طرحها الأستاذ صاحب الموضوع واضحه جدآ ولا تحتمل أي تفسير أخر , عموما لا تبحث عن صغائر الأمور وكذلك محاولة اللعب بالكلمات وانت ( من جنبها ) .

نرجع لصاحب الموضوع ( المحترم ) , من حقك ومن حق أي طالب لغه ان يبحث عن المعهد الأفضل والذي لا يوجد فيه الكثير من المتحدثين اللغة العربيه , وأعتقد أنك حدد السعوديين لان السعوديين ماشاء الله في كل مكان .

عموما من الصعب إيجاد معهد لا يتواجد فيه طلاب عرب وإن وجدت سوف تجد المعهد غير مناسب لتطوير اللغه .

بالتوفيق لك