مساعدة استفسار يا اخوان عن شحن الشنط للسفر للسعودية

ايه طريقة الشحن عن طريق البريد الامريكي. وهو مرتبط بالبريد السعودي وأرخص من هذا السعر كثير زور اقرب مكتب للبريد الامريكي.


وطبعا فيه شركات شحن لكن ما انصحك فيها تضيع أغراضك عندهم.


( تمت المشاركة باستخدام تطبيق مبتعث )

وعليكم السلام ورحمة الله وبركاته

اذا بتشحن شناطك بيطلع نفس سعر الطيران اللي بتروح فيه او اكثر بكثير

اذا عدد الشناط الزايده اربع شناط "اذا قلنا ان معك 10 شناط وانتم ثلاث اشخاص كل واحد معه شنطتين" بيطلع لك ارخص من الشحن واسرع

شخصياً شحنت مره وحده شنطه وطلع علي فوق 400 دولار ودرت جميع شركات الشحن
البريد الامريكي مايعطونك رقم تتبع اذا بغيت ارخص شي

اذا عفشك كثير كثير فاشحن اغراضك بكونتينر لكن باين انك بس تبي تشحن متعلقات شخصيه علشان كذا خذها معك بالطياره

مبروك التخرج وان شاء الله تحصل وظيفه اقرب وقت

اشحن عن طريق مكاتب الشحن في منطقتك ابحث في yellowpage.com وليس شركات الشحن الكبيرة مثل الفدكس والدي اش ال .. الخ لانها غالية ..

خلني أصحح لك بعد اذنك البريد الامريكي يعطي رقم تتبع للشحنة اذا دفعت ١٠ دولار زياده على قيمة الشحنة. وهذي عن طريق تجربه شخصيه.


والله يوفق الجميع لما يحب ويرضى.


( تمت المشاركة باستخدام تطبيق مبتعث )

اهلاً اخي
لك الحق الكامل في تصحيح معلوماتي
الكمال لله وحده فانا انسان قد اصيب او اخطئ

شحني للشنطه ماكان قريب جداً فما اتذكر زين كل شي
لكن القيمه اللي تضيفها علشان تاخذ رقم التتبع تعتمد على وجهة الشحنه ونوع الشحنه
على سبيل المثال اذا عندي جوال ابي اشحنه لك وانت من سكان امريكا مثلي فاتوقع ادفع العشره دولار علشان اخذ رقم شحنه
لكن اذا ابرسل الجوال لك وانت بالسعوديه راح يكلفني 40 دولار
وهلما جرا "يمكن مالها دخل بس عاجبتني هالكلمتين"

الله يعطيك العافيه. ولكن انا متاكد من معلوماتي جيدا. والله يسعدك ويوفقك والجميع باذن الله.


( تمت المشاركة باستخدام تطبيق مبتعث )

جزاكم الله خير كلكم

الظاهر والله اعلم مالي الا اشحن الشنط معي وانا مسافر لانها بتكون افضل حل سيئ من بين الحلول الاخرى, شيكت سريعاً في جووجل لقيت ان يو بي اس يشحن عفش بس اعتقد واكاد اكون جازم انه بيكون اغلى من شحنها معك وانت مسافر
لانستغني عن تجارب الاخوان الذين سبقونا
شكراص