استفسار استفسااار ضروري ساعدووني

محد رررد على موضوعي
تكفووووون احد يعطيني رد على الحوسه اللي انا فيها

وعليكم السلام ورحمة الله وبركاته
حياك الله اختي
الافضل تتاكدي قبل تعملي اجراءات الفيزا افضل
راسلي مشرف / مشرفة الاقليم التابع له المعهد اللي قدمتي عليه واشرحي موضوعك ان محرمك بجامعه معهدها متكدس وحاولي تاخذي موافقه منهم اذا وصلتك موافقه احتفظي بالايميل لاجل لو طلبت اصدار قرار ابتعاث رفضوا بحجة تكدس المعهد ترسلي صورة من الموافقه لهم
بخصوص استفسارك الثاني ممكن يطلبوا صورة الجواز والفيزا وختم الدخول لامريكا ماني متاكد للامانه لكن اذا ما خانتني الذاكره احدى الاخوات محرمها ببلد البعثه وطلبوا منها الطلبات هذي
اتمنى اكون افدتك
وفقك الله ويسر لك امرك
دعواتك لي الله يحفظك


( تمت المشاركة باستخدام تطبيق مبتعث )

الله يسلم قلبك اخوي ,, ماقصرت
بس ابي اسالك وش تقصد بمشرف الاقليم ؟؟
وعلى المعهد انا عندي قبول خلاص جاهز منه هذا كافي يعني او هذا اللي تقصده انت
والله يعطيك العافيه ويسرلك امورك مثل مايسرتها علي

يعني شوفي محرمك في مدينه والمدينه هذي تابعه لأي اقليم في امريكا. ( لان كل اقليم له شخص مسئول عنه في الملحقيه. ) تواصلي معه واذكري ان محرمك هناك والمعهد اللي عنده متكدس. راح تحصلين على استثناء باذن الله بحكم انك ماتقدرين تكونين بعيده عن محرمك. وربي يوفقنا ويوفقك لكل خير.


( تمت المشاركة باستخدام تطبيق مبتعث )

تواصلت مع الوزارة عن طريق الايميل والتليفون والخدمة الاكترونية اللي فتحوها ومافي اي رد اصلا لاحياة لمن تنادي
انا مو عارفه ليه كل هذا التقصير مع ان هذا دورهم يعطونا حلول لقوانين هم وضعوهاا
ولجأت بعدين للمحلقية من بعد ماطرحت الموضوع هنا وارسلت ايميل على الدكتورة حصة الفايز نها هي السؤلة عن اقليم الشمال الشرقي ونفس الحكاية مافي اي رد
والحل وش اسووووي يعني خلاص ماعاد في امل بالبعثه وانتهى كل شئ
احد يشوور علي تكفووووون وربي نفسيتي معدوومه ماصدقت ان تخصصي اترشح للبعثه هالسنه بعد اثارة موضوع المتضررين

محرمي يدرس حاليا الجامعة باامريكا واخذ لي قبول معهد بس طلع هذا المعهد بنظام الملحقية متكدس
المشكله هنا اانو ماعندي محرم غيره ومافي كمان معاهد متاحه في نفس المدينة اللي هو عايش فيها


بأخذ الحل لك بالأحمر .. اكتبي المدينة اللي فيها محرمك

المدينة اللي فيها محرميNew Haven ولاية Connecticut طبعا لما دخلت على نظام الملحقية مالقيت الا معهد واحد بهذي المدينه وتجاري
فااخذ لي قبول من معهد تابع للجامعة في اقرب مدينة له Fairfield وتقريبا تبعد ثلث او ربع ساعه بالنسبه لمقر سكنه يعني انا مجبوره على معهد متكدس
وياااااارب الاقي الحل عندك وتفرجها علي

والله فرحت لما قلت بتاخذ لي الحل
بس شكل موضوعي صعب ومحد عنده فكره
عالعموم كلكم مشكورين وماقصرتوا وبحاول اكمل باقي الاجراءات والله يستر لايردوني وينتهي كل طموحي