مساعدة ماهو سبب تأخر وصول الآي توني ؟

وعليكم السلام ورحمة الله وبركاته
كلم معهدك الجديد علشان تحول رقم السيفس القديم
وراح يرسلون لك اي توني جديد برقم السيفس القديم
مايحتاج تغير الفيزا او اي شي ثاني

الله يريحك يالغالي ويطمنك
لكن المكتب اللي انا متعامل معه , يقول ماتقدر تغير رقم السيفس لازم تدرس شهر او شهرين في ( لاروش, اللي هو المعهد القديم ) بعدين تنقل الى ( كابلان, اللي هو المعهد الجديد )
بسألك هل صار لك نفس الحالة او احد صارت له نفس الحالة وغير رقم السيفس على قبول ثاني ؟؟؟؟
ساعدوني وماراح انساكم من الدعاء

ويريح الجميع ويطمنهم
ما عليك من المكتب

خلني اقول لك قصتي
اول مره جيت لامريكا طرحت هذا السؤال في الملتقى
كنت مسجل في معهد في ولاية اوريقون وطلعت عليه الفيزا
بعدين قبل لا اسافر قدمت على معهد في نيويورك وقبلوني وارسلوا لي اي توني برقم سيفس جديد

سألت في الملتقى وكثير قالوا لي لازم تطلع فيزا جديده واللي قالوا لي لازم تدرس بالمعهد اذا بتسافر بنفس الفيزا بعدين تحول على معهدك الجديد
وانا ما ابي اطلع فيزا جديده لاني خفت تطول وتنرفض ومن الاشياء اللي تخوف كنت اسمع عنها

سافرت لامريكا على معهدي الجديد وقلت لهم اني دخلت لامريكا بالفيزا والاي توني اللي على معهدي القديم
وابي ادرس في معهدهم
جاني واحد يتكلم عربي يشتغل في المعهد قال لي النظام القديم لازم فيزا جديده واي توني جديد اذا كانت هذي اول مره
والنظام الجديد انك تراسلنا وتعطينا معلومات الفيزا والاي توني القديم ونراسل المعهد القديم حقك ونحول السيفس حقك علينا اذا مابغيت تخسر فلوس
اما اذا ماعندك مانع تدفع رسوم السيفس مره ثانيه نرسل لك اي توني برقم سيفس جديد وتدفع رسومه وتدخل امريكا عليه

وبعد ما شرح لي الوضع قال لي
لا تطلع من امريكا بالوقت الحالي وراح نطلع لك اي توني جديد اول مايصدر بنكلمك تجي تستلمه

طبعاً هو قالي لا تطلع من امريكا لاني وصلت في نصف الفصل الدراسي وقعدت بدون دراسه فوق الشهرين
يعني الفتره طويله واقدر اسافر لأي مكان

سألته عادي اسافر حول مدن امريكا لاني خفت يقولون لي ليش مابديت دراسه وخرابيط ثانيه للامقريشن
قال لي خذ راحتك اهم شي لا تطلع خارج امريكا وسافر وين ماتبي داخل امريكا

زبدة الكلام لا تصدق اللي قاله لك المكتب
ما ابي احط بذمتي شي لكن
اما انه مايعرف الاجراءات لهذي الحاله
او انه متعاقد مع المعهد اللي انت كنت مقدم عليه
او انه عجزان يخدمك
او الله اعلم

ابضيف شي
معهد اللي طلعت عليه الفيزا مازرته ابداً ليومك
حتى يوم زرت ربعي اللي هناك ماقرب المعهد يعني لا يخوفونك العالم

الله يسعدك ويوفقكك , لكن بالمطار مايدققون على اسم الولاية اللي مكتوبة في الفيزا ؟؟؟؟
او بس يدققون في رقم السيفس ؟؟؟

ويوفقك يارب
معلوماتك بتكون كامله عندهم
اذا انت خلصت من المعهد وبتدخل الجامعه راح يتغير الاي توني لانه تحول على الجامعه واسم الجامعه مختلف عن اسم المعهد
لكن الفيزا تكون نفسها لين تنتهي وتجددها

والله وانا اخوك راجعت المكتب اليوم , لكن للاسف قال ماتقدر تنقل رقم السيفس للمعهد الجديد " ممنوع "
طبعا قلت مالي الا انتظر القبول او التمديد اللي بيجي على رقم السيفس القديم
وله الحين اسبوعين لاحس ولا خبر من لاروش
بديت أقلق شوي : (

المكتب ماعليك منه لان همه الاول والاخير مادي
نزل طلب مساعده بالملتقي اللي فيه معهدك الجديد علشان اذا فيه طلاب يدرسون بنفس المعهد يكلمون لك المعهد علشان يحولون لك
او اذا عندك احد تعرفه يتكلم انقليزي خله يراسل المعهد لو ايميلات وامورك بالسليم
وقل للمعهد سالفتك من اولها لاخرها وبيجيك الرد الكامل من عندهم

الله يعطيك العافية يابعد راسي ماقصرت , مآعندكك خلفية عن تاخر وصول الاي تونتي او رد الجامعة على القبول " مع ان موقع الجامعة في النت كاتبين بداية الدراسة في شهر 5 ميلادي , يعني باقي شهر كامل
والى الان ماردو علي ولا حتى وصل منهم أي رد وأ{سلت لهم صورة من الفيزا لكن ماردو ؟؟؟؟