مساعدة محتاجه مساعدتكم

السلام عليكم
هو راح تتعبون لكن مو من الاجراءات من طول الرحله فقط ان شاء الله
اتوقع انتم على الخطوط السعوديه راح يكون معكم سعوديين كثير واكيد من طول المسافه راح تتعرفون على احد

قبل لا تنزلون من الطياره تعبون نماذج يعطونكم اياها قبل الهبوط واذا ماعرفتم تعبونها بيكون فيه احد يعلمكم سواء من الركاب او المضيفين

اذا نزلتم بتشوفون الناس تصف بطابور طويل صفوا معاهم وخلوكم مع بعض علشان اذا جاء دوركم يحطونكم عند موظف واحد

الموظف بيسألكم اسأله خفيفه مثلاً يقول ايش اسم المدينه او الجامعه او ليش جيتم لامريكا او اذا معكم اكل او مبالغ ماليه

بعد ماتخلصون من الموظف تستلمون الشناط وتلقونها مع شناط باقي الركاب اللي معكم واحتمال يفتشون الشناط او مايفتشونها

قبل لا تعدون نقطة الامقريشن بيكون فيه موظف بيسألكم عن نموذج عبيتوه في الطياره اتوقع انه نموذج الجمارك

بعد الموظف هذا شوفوا لكم اي موظف واعطوه التذاكر للرحله االلي بعدها وبيأشر لكم على مكان او بوابه تروحون لها
او تشوفون احد سعودي يساعدكم والسعوديين متعاونين جداً
وراح يعلمونكم عن الخطوط اللي فيها رحلتكم وتقصون البوردنق وتسلمون الشناط

حاولي ماتطلعون مع بوابة الخروج علشان ماتمرون بالتفتيش لدخول المطار لان بالعاده يكون زحمه

وانتظروا الرحله عند البوابه اللي مكتوبه بالبوردنق تحت كلمة "Gate" عند البوابه فيه مطاعم ودورات مياه الله يكرم الجميع

مشكور اخوي ماقصرت ...
ربي يهون عالجميع ويسهل امورهم