مساعدة Need Help

مافيه شئ فات بدام الروح موجوده الله يبارك فيها , أهني فيك طموحك ماشاء الله
وش الفرق بينك وبين اللي تخرج من 6 سنين ومالقى وضيفه أو ماسك وضيفه ماتغير شغله فيها؟ أنت تملكين النضج والخبره الحياتيه فتوكلي على الله مانت خسرانه شيء
ويكون بعلمك الجيل القديم من المعلمات , كثير منهم كانوا معهد معلمات ثم كملو بكالوريوس وهن متزوجات وعندهم عيال , والله اعرف وحده أخذت الدكتوراه في الاربعين وماشاء الله ماتزال في مناصب
نصيحتي لك ادسري بالسعوديه لو حصل التخصص المرغوب ,
واستخيري ربك وقدمي على الابتعاث من باب فعل السبب ولوكان فيه رزق ومكتوب لك , الله يسهله لك
الله يرزقك الزوج الصالح ويوفقك دنيا واخره

انا اقولك حاجة وحدة هي ان الدراسة برى افضل لان انتي جلستي بدون شهادة طول الفترة فا اكيد راح يكون عندك هدف لي التكملة لي الدراسة في الخارج وتحقيق الهدف

عموما السكن مع العائلة افضل بكثير للي مقل حالتك بخصوص الأمان وكذا يعني والله يوفقك

وعليكم السلام ورحمة الله وبركاته

-اذا ناوية تطلعين على حساب التعليم العالي لازم يكون معك مرافق

-شخصياً اعتبر الدراسه في الخارج او الداخل متقاربين
فيه اوقات اقول لو مكمل بالسعوديه افضل واوقات اقول الحمد لله اني درست في الخارج

-السكن يفرق بالمدينه اللي بتروحين لها
فيه بعض المدن يكون فيه مجمعات سكنيه تكون اغلبها كبار السن وهي بالعاده اكثر الاماكن امان

اولاً اشكركم جميعاً على ردودكم الطيبه..

ابو زينب مشكور على التشجيع الله يوفقك ويبلغك بزينب .. الصراحه كلامك مقنع ومشجع في نفس الوقت.. لكن انا حابه ادرس برا من زمان والحمدلله مثل مايقولون كل تاخيره فيها خير والخيرة فيما اختاره الله

مبتعث مزدهر اشكرك مره ثانيه والله يوفقك.. نعم كلامك صحيح لكن من ناحية السكن هذا يحتاج مني جهد بحث اكثر.

hayway.. مشكور على ردك والله يوفقك.. راح اطلع على حسابي الخاص بإذن الله.. وبخصوص الدراسه افضلها تكون برا احسن فيها تجارب ونوعية الدراسة مختلفه كلياً.. احس هنا يعقدون الدراسه من كثر ما اسمع شكاوى الطلاب وبالعكس الي باين ان قليل من الي راحوا امريكا ما تخرجوا ولكن الاغلبيه تخرجوا بفضل من الله سبحانه ثم جهودهم..

التعقيد موجود في كل مكان
صحيح ان نظام الدراسه غالباً يكون افضل في الخارج
لكن بوجهة نظري اللي يخلينا نعدي ونمشي ان المبتعث يكون مثل الموظف يستلم راتب يعيش عليه
لو نزل المعدل راح يوقف الراتب وهذا شيء اساسي
بالسعوديه الطالب بالعاده يكون ساكن مع اهله وياكل ويشرب من البيت لين يتخرج ويتزوج
مايحتاج مصاريف كثيره واذا توقفت مكافأة الجامعه فهو شي ثانوي
وخروج المبتعث يحسسه بالمسؤليه من شقه لفواتير الجوال ومصاريف الجامعه والاكل كلها تخلي الشخص مسؤل عن نفسه الا البعض

وشي ثاني امريكا كبيره وفيها جامعات كثيره وتقدرين تروحين لأي جامعه سواء سهله او صعبه
اما السعوديه فأنتي ملزومه غالباً بالجامعه المتوفره في المدينه اللي عايشين فيها اهلك
بغض النظر عن قلة الجامعات مقارنتة في امريكا راح تنحصر خياراتك على جامعه او جامعتين

ممكن اني ما احس بفضل الابتعاث بعد فضل الله حالياً
لانه مفتوح للجميع واي شخص يسافر يحصل على البعثه
لكن بعد التخرج ان شاء الله ابحس فيه