العودة من التاجيل

للعلم لدي اي توني من الجامعه وسبب التاجيل اجازه مرضيه

وعليكم السلام
اذا انت كنت مقدم طلب تأجيل المفروض انك تعرف الاجراء لان لازم تراجع التعليم العالي بحي الغدير علشان يعطونك تذكره
اما اذا رجعت بعدين سويت طلب تأجيل يعني ماسويت طلب تأجيل وانت في امريكا فمايعطونك تذكره

صحيح لازم فيزا جديده

اخوي مسوي طلب التاجيل بامريكا ووافقو عليه

تحياتي

زين انك سويت التأجيل من امريكا علشان ماتتعقد امورك زياده
الحين تطلب ضمان مالي من البوابه وبيعطونك اياه علشان الفيزا وتحجز اقرب موعد مع السفاره اذا كان الاي توني والسيفس مدفوع
اذا كان الاي توني يحمل نفس رقم السيفس تدخل على الموقع اللي تسدد فيه السيفس وفيه رابط بنفس الصفحه check sevies status او شي مثل كذا
تدخل رقم السيفس وتطبع الصفحه علشان السفاره
تاخذ معك الاي توني والورقه اللي طبعتها والجواز والضمان المالي
اذا انت محظوظ والسفاره قدرت وضعك بيطلع جوازك بيوم او يومين
اول ماتستلم الجواز تروح للتعليم العالي بحي الغدير
الاوراق المطلوبه
-تدخل صفحة الطلبات وتدخل على رابط الموافقه على التأجيل وفيه خيار اسمه متابعة الطلب تسوي له طباعه
-نسخه من الاي توني
-نسخه من الفيزا
-نسخه من القبول
-نسخه من الجواز
-نسخه من بطاقة الاحوال
مع الاصول وتاخذ لك رقم عند قسم امر الاركاب
الموظف بعد مايشوف اوراقك بيعطيك امر اركاب وتقص التذكره بنفس اليوم بمكتب الطيار الموجود بالسفاره ولا تقدر تروح للفروع الثانيه حسب كلامهم
اذا ناقصك اي اوراق فيه كمبيوترات وطابعات بالوزاره
بالتوفيق ان شاء الله
نسيت اقول لك بالرد الاول الحمد لله على السلامه وان شاء الله انها تكفير ذنوب