اعادة المواد والملحقية ؟؟

وعليكم السلام ورحمة الله وبركاته

والله انا زيي زيك ودي اعرف لان صار لي نفس الحركة .... في حركة اعرف كم واحد سواها ومشت معاه بس يعني حظوظ ... نزل موادك اللي تبيها + مادة زيادة مالها علاقة وارفعها للبوابه .. بعد ما ترفعها سويي لها دروب وحط مادتك اللي تبغاها .. وروح كلم دكتور المادة ان اذا جبت درجة غير ال دي يغير لك اياها ( بدون ما يضيف شي جديد) بس هذه لازم في تعاون من الدكتور حق المادة وان الملحقية ما تشييك

بس لو في طريقة رسمية بدون لف ودوران يكون افضل

انا شكلي بكمة اخلية يعطيني اف لا بارك الله فيه .. عشان اقدر اعيدها ع حساب الملحقية..

وليش ماتكلمه علشان يرفعها لك الى B او C ..!؟

انا سبق وحصلت معي واخذت D واللي سويته رحت للدكتور على بداية الفصل الجديد وكلمته ورفعها لي الى B!
عاد انت واسلوبك وطريقة اقناعك له ..

والله ياخوي انا من المفترض اني اخذ A فيها لكن انشالله احاول اقنعه بسلوبي يعطيني F لأن C اخو D و ال B معتقد في دكتور يرفع الطالب من D الى B

ومشكور مشرفنا على المرور

لا بالعكس ياغالي , اذا كان الدكتور متفهم .. يقدر يعدلها لك ..
بالنسبه لي , الدكتور تساعد معي لاني مجتهد في مادته ولا اغيب .. واللي خلاه يرفعها هو انه عطاني فرصه اني ارجع اعدل كل الواجبات اللي اخذتها في مادته وايضاً الاكسترا كريدت ..
رحت عدلتها كلها ورديتها له (لان الواجبات درجاتها مش ولابد .. ) فلما سلمتها له اخذها وقالي خلاص راح اعدلها لك الى B .. حتى ماشاف الاوراق !

كثير تصير هالامور .. والمسأله ماهي على الجامعه الا المسأله على الدكاتره وطريقة تعامل الطلبه معهم وطريقة تعاملهم مع الطلبه !
صدقني لو شافك الدكتور حاضر بشكل دائم وتحاول باقصى جهدك .. راح يتعاون معك .. اما ان الواحد يغيب ولايجي الا بالاختبارات او يجي بالشهر مره وفي النهايه يبي يتعاون معه الدكتور مستحيل !

الدكاتره اشكال والوان.. منهم من يعطيك فوق حقك ومنهم من يعطيك حقك ومنهم من يبخسك او عنصري او او الخ.. والحمد لله الفئة الاخيره قليله جدا تكاد تنعدم لكن مازالو موجودين.. واصابيع يدك ماهي بسوا.. ارجوا عدم الخروج عن صلب الموضوع واجابة سؤالي لمن لديه علم بشأنه ولا يشرفنا مروره وشكرا للجميع..

انا ماعندي علم صراحه اذا الملحقيه بتدفعها مره ثانيه او لا ... لان عندي ماده ماخذ فيها D في اول سنه لي .. وتاركها على اساس اخر سميستر لي اكلم المشرفه واشوف اذا اقدر اعيدها بحكم انها تضبط المعدل ! ولو اني عارف ان ماده وحده ماراح تعدل الشي الكثير !
لكن على الاقل تغطي عن ماده ثانيه لو اخذت فيها A ! ..

ولو اني انصحك بأنك تكلم الدكتور وتحاول انه يغيرها على الاقل لو سي .. واذا رفض ترجع للمشرف وتسأله اذا فيه امكانيه تاخذها من جديد حتى تعدل درجتك !

كلام سليم مشكور مشرفنا ع الافادة ..