الماستر برنامج خادم الحرمين الشريفين .. للمرافق

لا دا انتي ابيض يا ورد قال 1500 ريال اقلك دا ان كانت زي ما تقولي كنا قلنا شحاتين هنا ههههه
- اولا 1500 دولار وان شديتي حيلك ودخلتي الجامعه تصير 1845 دولار

- ثانيا هي مجاني في حالة ان كنتي قريبة اوباما ( الرئيس الامريكي في حال ان ما عرفتيه ) يعني بختصار مافي شي مجاني دي اغلى شي عندهم المدارس

- ثالثا نورتلاند هذه ما اعرفها , انا اعرف مدينه اسها بورتلاند (Portland) التابعه لولاية اسمها Oregon طبعا هذه انا جلست فيها سنه و8 اشهر مدينه رائعه المواصلات ممتازه وفيها معهد لغه ممتاز برضو وما فيها ضرايب والاسعار فيها متوسطه بس على خبري انو قفلو المعاهد فيها بس ما اعرف احتمال يكونو فتحوها اتاكدو قبل ما تروحو وان في بالك معهد معين قولولي عليه لاني درست في 3 معاهد هناك واعرف الكويس والى مو كويس لا تروحو تتورظو زي كثيرين

- شوفي ان رحتي على عماكي رايح يضيق صدرك اكتر واكتر بس هناك في النادي السعودي وفي بنات زي اللوز حيساعدوكي مره كتير هذه في حال كانت نفس المدينه الى انا بقلك هي. وان كانتي حتروحي مدينه تانيه برضو نقول ان شاء الله سهاله نشوفلك صرفه تتسهل

- واخيرا نصيحه لا تستحي ابدا اسالي واعرفي وظبطي كل شي قبل ما توصلي هناك ولا تخلي احد يوترك تره الامور سهله طول ما انتو بتخططو كويس. عموما ياريت تكتبيلي اسم المدينه والولايه والمعهد الى تبغو تروحولو ونشوف كيف نقدر نساعدكم .

شي هي بورتلاند .. لكن غلط مطبعي
وبسراحه انا ابحث هنا وهناك
واكيد مابستغني عن خبراتكم ياعسل
لكن بجد الي لغته ركيكه .. كيف بيسوي هناك معقول في احد راح وهو ميح ومن معاهدهم صارت لغته ممتازه

( تمت المشاركة باستخدام تطبيق مبتعث )

- اوكيه بورتلاد الى في ولاية اوريقون ؟!!

- كويس انك انتي تبحثي بس السؤال هو انتي تبغي معهد حق جامعه لمن تخلصيه تخشي الجامعه على طول ولا تبغي معهد قوي ولا تبغي معهد زي ELS الى في عدد مو بسيط من الجامعات تعترف فيه وممكن تقبل من دون امتحان اللغه زي IELTS او TOEFL.

- سؤالي هو انتو لقيتو معهد الملحقية فاتحينها وان كان الجواب ايوه ايش هي المعاهد هذه ؟

- اما من ناحية اللغه وهل في احد يمشي هناك فالجواب ( ايوه ) واكبر دليل هو العبد الفقير الى الله ( أنا ) والحمد لله دحين بدرس في الجامعه ماسجتير والامور كويسه.

- الوضع في الاول حيطون غريب عليكي بس ان يسرها الله لكم وجيتو بورتلاند تره الناس هناك كتير رائعين الكل يقدر لغتك الضعيفه وما يحسسوكي انو في شي غلط بالعكس الناس هناك تتكلم مع اي احد وهذا لوحدو عاكل يخلي لغتك تتحسن بسرعه

- صحيح من ناحية اللغه من دخين بقلك االعتماد على المعهد لوحدو ما حيخلي لغتك تتطور زي ما انتي تبغي بختصار المعهد بيعطيكي من 40 الى 45 في الميه والباقي بعد الله على جهدك. وانا عارف حتظبط الاموري معاكي ان شاء الله باين عليكي دافوره ما شاء الله

- عموما جاوبي على اسالتي على شان احرف اخططلكم كويس

انا الا الان تايهه مابين ابدأ خطوة حجز المعاهد والسؤال بجديه عن الجامعات
في شي يردني التفكير في اللغه الضعيفه
وهل بأجتاز مرحلة المعاهد
والثاني
اولادي مره خايفه عليهم كيف بيتعايشوا مع عالمهم الجديد

لكن اعطيتني امل بان لغتي تحسن شوي
اما بالنسبه لسؤالك انا ابغى ايش من المعاهد
طبعا ابغاها تكون قويه عشان التحق بالجامعه
واتمنى لو الاقي تخصصات امتداد لتخصصي الجميل
لو الاقي ماستر علم اجتماع الانحراف والجريمه
او علم اجتماع اكلنيكي او طبي
او علم نفس اجتماعي
زي كذا
يلا شد حيلك واتحفني بخبراتك

( تمت المشاركة باستخدام تطبيق مبتعث )

- ما نيفع تقولي ما اقدر تره في ناس بعرفهم شخصيا كانو يا دوب YES و NO دحين صار لمن ينام احلامو انجليزي عنجد لا تخافيز

- من ناحية اولادك, تره الطفل بناء على علم النفس برضو بيتاقلك اسرع مني ومنك مو بس كده ورايح يلقط اللغه قبل وفي الاخير ان اندمج كويس رايح يصير افضل مني ومنك. وتره زي ما قلتلك الناس هنا كويسه وبيهتمو في الاطفال كتير.

- تره التخصصات الى انتي كاتبتها موجوده مو صعب انك تلاقي فيها فهذه برضو سهاله ان شاء الله.

- انتي تقولي ما بداتي تدوري بجديه وهذا رايح يخليني اسالك كم سؤال :

1- انتي اخترتي بورتلاند على اية اساس.

2- انتي حقت دراسه ولا لا بصراحه وبلاش حركات الحماس .

3- هو انتو متى المفروض تكونو هنا ؟

- انا حساعدك ان شاء الله بس عندي شرط واحد ما ابغا اسمع كلمة ما اقدر او متردده او خايفه. لانو هذه الكلمات الثلاثه تحبطني

حلوه حقت دراسه ههههههههه
طبعا طموحي مو بس ماستر الا دكتوراه
لكن انتضر بعض الامور تزبط معايا عشان
وكمان اختي بتتخرج من الثانوي وتروح معايا


( تمت المشاركة باستخدام تطبيق مبتعث )

- اهنيكي على طموحك هذا وكل الى اقدر اقولو انو لا توقفي وخلي حرف " د " هو الوقود الى يدفعك كل ما تلاقيها صعبت عليك.

- بس انا سالت السؤال هذا لاني شفت كتير بنات هنا اول ما جوه كانو متحمسين وف يالاخير البعثه راحت منهم انا ما بقلك كده على شان اخوفك بس على شان ما تورطي زيهم.

- الى صار معاهم انو جوه معاهد صعبه وفي نص السنه طفو طبعا ومستواهم صار ما بيطلع والى خلى درجة اللغه حقتهم ما توصل لي 6 انتهت اللغه وما لقو جامعات ووقتها قالو ياريتنا رجنا جامعات تقبل معاهدها.

- زي ما انتي شايفه حماسهم نساهم قدراتهم. في المقابل في بنات ما شاء الله عليهم استفادو من المعاهد القويه واجتهدو وجابو فوق 6.5 مو بس كده ودرجات كويسه في GREاو GMAT.

- دحين لازم نعرف انتي متى ناويه تجي هنا اول شي, وثاني شي تختاري ما بين 3 :

1- معهد جامعه قوي + انو تجيبي درجه كويسه في اللغه . الحلو هنا انو ان جبتي من 6 وانتي طالعه حيكون قدامك خيارات كتير للجامعات. بس ان جبتي 5.5 حتعاني وخياراتك مره قليل وفي احتمال ما تلاقي جامعه وتخشي في دوامه وزي ما قلتلك يعتمد بعد الله على حماسك وقدرتك على الكرف والدراسه.

2- الجامعه تقبل معهدها اخاص وما يحتاج تجيبي درجة لغه في هذه الحاله, بس طبعا هنا انتي حتكوني محكوره في الجامعه هذه وما عندك خيارات. والمشكله انو لو بداتي تدرسي وبعد 6 شهور المدينه ما تعجبك او الجامعه ما تعجبك وقتها تكوني خلاص ما ليك حل الا انك تخشي امتحانات اللغه وتجيبي درجه على شان تشوفيلك جامعات تانيه.

3- تخشي معهد ELS اعلب فروعو في امريكا الطلاب يشتكو منها تعبانه بختصار بس حلاوتو انو في عدد مو بطال من الجامعات تقبل شهادتو بس تره عدد ساعاتو مره كتير يعني يبدء من 8 الصبح لجد 4 العصر. ومع هل الكرف كلو المعهد مو قوي.

- ما قلتيلي ليش اخترتي بورتلاند ؟

عن جيتي ما اعرف بالتحديد
لكن اقول ان شاء الله ما اتأخر اكثر من اربع شهور
لكن انا هنا لما استفسرت كنت باتطمن على نفسي واشوف هل في بصيص من الامل عشان اتمسك فيه واكمل
ومن ناحيه بورتلاد
قريت عن عن انسب المدن ماديا لاغلب السعوديين
وطلعت معاي كم مدينه
ولما بحثت اكثر لقيت هذي المدينه
الافضل من ناحيه الهدوء ووجود المساجد والبقالات العربيه
والاهم ناسها طيبين


الا انت فين الحين وايش تخصصك

( تمت المشاركة باستخدام تطبيق مبتعث )

وشكرا لك من الاعماق على المعلومات القيمه

( تمت المشاركة باستخدام تطبيق مبتعث )

- كويس اربعه شهور كويسه ان شاء الله توصلي بالسلامه وتكون امورك كلها مرتبه من سكن ومعهد وكل شي.

- هي كويسه بس للمعلوميه في حال كان فيها معاهد بس تره مليانا سعودين وخليجين يعني على علمي انو عدد السعودين لوحدهم 600 وفي شارع هناك كانو التحليه في جده

- طبعا الطقس فيها ممطر اغلب اوقات السنه بس مع الوقت حتتعودي عليه

- انا حاليا في هاواي بدرس ماستر تخصص نظم معلومات كلية تقنية المعلومات.

- عموما ان حابه ابدء ادورلك حبدء ادورلك على المعاهد بس لازم نحط استراتيجية على شان ما يضيع الوقت ونلاقي شي كويس.

- صحيح انا فهمت انك انتي مرافقه طيب المبتعث ايش وضعو ما تفرق معايه اي محل انتي توافقي عليه , هل هو لقى مغاهد جامعه قوليلي ايش وضعو ؟!

- بالمناسبه انتي حابه يكون التواصل عن طريق الموقع

- في الاخير اتمنى المعلومات البسيطه الى زودتك فيها تكون فادتك وريحتلك قلبك اكتر

-