استفسار ياللي قد طلع فيزا بعد التاجيل افدنا الله يعطيك العافيه

ياجماعة الخير لي يومين ولا احد رد علي افيدونا الله يعطيكم العافيه يارب

أهلين،

إذا متأكد فيزتك انلغت، طلع فيزا بالآي تونتي الجديد.

أنا سألت سؤال مشابه واللي فالمنتدى قالوا لازم اجدد الفيزا، مع انه ما جاني خطاب إلغاء الفيزا من الجامعه.


( تمت المشاركة باستخدام تطبيق مبتعث )

ايه انا متآكد انه انلغيت الفيزا بس ابعرف من اللي قد طلعوا فيزا مره ثانيه كيف كانت هل كانت تساهيل ولا رفضوهم ؟

وعليكم السلام ورحمة الله وبركاته....
ايوه اخوي تقدر تطلع 10 بعد التاجيل مب وحده هذاني مطلع قبل اسبوع مستلمها واجراءتها سهله ونفس الاولى وبالكثير اسبوع تستلمها ...

السلام عليكم ،

أخي أنا صارلي نفس حالتك .. النظام إذا جلست في السعوديه آكثر من 5 شهور تنلغي الفيزا مع أن الفيزا تنتهي عام 2016 ، المهم كلمت الكليه اللي اخترتها وراسلتهم عن طريق الإيميل وطلبت منهم ورقة القبول + الأي توني بأسرع وقت أخذو رسوم حقت الإرساليه وارسلولياها عن طريق فيديكس وبعدين رحت استلمتها وبعدها سددت رسوم السيفس + حجز موعد في السفاره ... وأخترت موعد المقابله وحجزت وقدمت على فيزه جديده المهم يوم خلصت المقابله في السفاره الأمريكيه بالرياض عطوني ورقه صفرا مكتوب فيها " طلبك تحت الإجراآت الإداريه وسوف ياخذ طلبك من اسبوعين إلا اربعه " ومن بعدها قعدت استنى 4 شهور وانا على اعصابي وما وصلت إلا بعد 5 شهور لكن أخوياي كلهم من ثالث يوم من المقابله وصلت فيزهم " قدر الله وما شاء " والله يوفقك يا أخي

قل امين الله يسعدك طمنتني وجزاك الله خير ...... بس هل اسالوك ليش رجعت للسعوديه وش السبب واسئله مثل كذا؟

الله يعطيك العافيه اخوي علئ الرد المفيد واسال الله ان ييسر لك امرك >>>> وبالتوفيق ان شاء الله