مساعدة اغلب مواد التخصص اونلاين

ممكن اعرف ايش تخصصك طيب قبل, وكم درجة اللغه الى جبتيها؟ واصلا انتي تبغي ماستر ولا باكليريوس ؟ وكم معدلك من 4 ؟

اخوي الله يسلمك انا ماجستير في تخصص Educational Media and Educational Technology . معدلي في البكالوريوس بعد المعادله 3.30 . اما بخصوص اللغة انا معتمده على درجة المعهد اللي هو ELS

- طيب انتي خلصتي مستوي 112 ولا 109 في المعهد ؟

- ما امتحنتي ولا امتحان واحد للغه ؟

خلصت مستوى مستوى 112 و عندي 5 في IELTS

- ما شاء الله عليكي طيب هذه اخبار حلوه انو خلصتي مستوى 112.

- هو انتي حاليا مأجلة ولا ايش وضعك بالظبط على شان نعرف الوقت الى رايحين نتحرك فيه؟

- تفرق الولايه معاكي ولا لا ؟

اخوي الله يجزاك خير انا مؤجله وراح ينتهي تأجيلي بعد شهر او شهرين . المشكلة انو انا مرتبطه بمرافق فلازم قبولي وقبوله يكون مع بعض وقدمنا على كم جامعة لكن ما تتوافق قبولاتنا مع بعض غير دي الجامعة . وانا نفسي اذا فيه حل يكون في دي الجامعة اذا تقدر تفيدني الله يسعدك ويجزاك خير

انصحك بالبحث عن جامعة أخرى
الملحقية مشددة كثيراً على مواد الاونلاين

طيب يعني مافي امل مره في دي الجامعة ؟ مو الجامعات الامريكية ترفض دراسة الطلاب الاجانب لمواد الاون لاين . لانو سبق ورفضت عدة جامعات دراستي لبعض التخصصات بسبب دا الشي ودي الجامعة ادتني قبول . الصراحه انا ابغى اتمسك لو ب1% من الامل يمكن انا ماني فاهمة للجدول والمواد فالله يسعدكم اذا فيه احد يعرف للمواد والجدول يساعدني ويتأكد

واذا طلع اونلاين الله يعيني ادور جامعة جديده

- اول شي الجامعه الى انتي مقدمه فيها انسيها مره لسببين:

1- لانو زي ما افادوكي لاخوان الملحقية مره متشدده في موضوع الاون لاين هذا بالعافيه يعطوكي 3 كورسات لا والثالث ان كنتي ما حتتخرجي من دونو.

2- حتى في حال حنفترض انو مشولك هي اربعه مواد او خمسه على حتنصدمي فيه بعد التخرج انو وزارة التعليم حترفضلك انها تعادلك هي يعني انسي انك تشتغلي في قطاع حكومي وهذا من الاسباب الى بتخلي الملحقية بترفض برضو.

- هو انتي تاجيلك كان سته شعور ولا سنه ؟ يعني هل تقدري تمددني تاجيل ؟

- المرافق ايش يبغا يدرس ؟

- عموما الجامعات حتبدء تشتفل يوم الثلاثاء وفي هل يومين حبدء اشوف الجامعات الى تبدء تقبل شهادة الـ ELS وان شاء الله خير.