ملخص تجارب الطلاب في معادلة الساعات للدبلوم التقني والإداري

وعليكم السلام ورحمة الله
شكرًا جزيلًا لكِ ولصديقتكِ على نقل التجربة وإثراء هذا الموضوع ليكون مرجعا يستند اليه اصحاب الدبلومات بشكل عام في اكمال دراستهم
مشاركة قيمة بصراحة وإللي عنده مشاركة عن تجربة له او لشخص يعرفه يذكرها لنا لتعم الفائدة
وبالتوفيق جميعا

وعليكم السلام ورحمة الله
اذا في ولاية تكساس عليك بجامعة THE UNIVERSITY OF TEXAS AT AUSTIN ممتازة في الهندسة الكيميائية بالاضافة الى جامعة RICE UNIVERSITY
فيه جامعات ثانية قوية وممتازة في الهندسة الكيميائية بس في ولايات اخرى غير تكساس واريزونا بس صراحة مادري هل الولايات الا فيها حارة او باردة كما طلبت لان ماعندي معلومات عن الولايات واجواءها بشكل دقيق بس انت قول لي وش الولاية اللي تفكر فيها وانا ارد عليك
بالتوفيق لك

وعليكم السلام ورحمة الله وبركاته
اهلا اخوي , بإمكانك مراجعة الصفحات السابقة في هذا الموضوع وقراءة الردود لأن مذكور فيها بتفصيل , بس بقولك باختصار الخطوات , معادلة WES +سجل اكاديمي رسمي ومختوم +وصف مواد مختوم +صورة من وصيقة التخرج مختومة+ كل هذي الاوراق تحطها في ظرف رسمي من الكلية ومختوم اكيد وترسله الى WES وبعد ماتنتهي من معادلة WES تطلب منهم نسخ لمراسلاتك للجامعات.
بالتوفيق لك

جزيل الشكر لك اخوي والله يرحم والديك ووالدينا جميعا ماقصرت في تنظيم الملتقى ومساعدة الاخرين
بالتوفيق لكم جميعا .

صباح الخير
يا شباااااب اسهل دولة بالنسبة لمعادلة الدبلوم هي بريطانيا
<< نصيحة واحد متمرمط لحد ما حصل هالمعلومة

السلام عليكم .. كيف حالك حالكم .. طيبين انشاء الله .. انا طال عمركم متخرج من الكلية التقنيه قسم تسويق .. واربغب بتكملت مشواري الدراسي في امريكا في مدينة ساندييقو .. وابغى اشوق وش الجامعة الي تعادلي اكثر عدد من الساعات .. وربي يوفقكم ويسهل دربكم . دمتم بخير

وعليكم السلام:

كل جامعه ولها طريقتها في معادلة المواد، و كل طالب تختلف معادلته على حسب درجاته و حسب تطابق المواد الي دارسها سابقا و مع التخصص الجديد..

الافضل مراسلة الجامعات بنفسك و تسألهم ، ولو طلبوا منك تسجل تسجيل كامل ، انصحك انك تسجل لانو المعادلة امر نسبي ..



بالتوفيق

حياكم الله .. طيب يا غالي ابيكم تزودوني بالجامعات الي في سادنيقوو تعادل دبلوم التسويق علشان اراسلهم .. وشكرا لكم ..

يا جماعة الخير ماحد رد علي

خلاص ما انتظر منكم اجابه انا طفشت وانا انتظر رد ..

صباح النور والسرور ,
ماشاء الله , معلومة حلوة
ممكن تفيدنا بتجربتك اخوي ؟

وعليكم السلام ورحمة الله ,
هلا بيك اخوي , الصراحة ماعندي خبرة في التخصصات الادارية لكن لكن الا اعرفه ان مناهج كلية الجبيل الصناعية في التخصصات الادارية هي تحت اشراف جامعة Troy university فكثير من طلاب دبلوم الجبيل يروحوا الى جامعة تروي علشان المعادلة ممتازة بالاضافة الى ان الجبيل مموقعة معاها شراكة تعليمية فيما يخص اكمال الماجستير .. فـ جرب قدم عليها ممكن تعادل لك عدد جيد من الساعات خصوصا انهم متعودين على استقبال دبلومات الجبيل ..فـ حتى لو انت من الكلية التقنية اشوف انه عادي مادام ان الجامعة سبق وان عادلت دبلومات لآخرين
بإمكانك تراجع الصفحة الاولى من الموضوع ممكن تلاقي معلومات اكثر تفيدك ,
معادلة الساعات مابتعرف كم مقدارها إلا اذا راسلت الجامعة قدمت عليها واغلبهم مايخبروك بمقدار المعادلة الا اذا دفعت رسوم التسجيل فيها اظن 30 دولار او حول هالمبلغ
أهلا وسهلا ,
ماشاء الله ماقصرتي اختي في التفاعل والرد وافادة الاخوة
أتفق مع الاخت semona في موضوع المعادلة .


اهلا وسهلا والله يحييك ويبقيك,
طول بالك اخوي ترى الجميع هنا في الملتقى منشغل وموبالضرورة يكون الرد بعد رسالتك علطول
المهم
مثل ماذكرت اخوي ماعندي خبرة في التخصصات الادارية , لكن جرب اتقدم على Troy university او ارجع للصفحة الاولى من الموضوع وشوف نتائج الطلاب اللي تخصصاتهم ادارية وموشرط يكون تسويق مثلك اهم شي في مجال الاداري لان في التخصصات الادارية اغلب المواد متشابهة ولكن يفرق في مواد اخر سنة ونصف

بالتوفيق للجميع

طيب يا اساذي انا ابغی جامعة في ساندييقو .. جامعة troy تقع في اي ولاية .. وشكرا

أهلا وسهلا بك
جامعة troy في ولاية ألاباما alabama
الصراحة ماعندي اي معلومة اصلا عن سانديقو لدرجة إني توني اعرف ان فيه مدينة بهالاسم هههههه
إمممم ,شوف اخوي إذا كنت مُصر على مدينة ساندييقو فقط الحل الافضل إنك تدخل ع موقع وزارة التعليم العالي قسم الجامعات الموصى بها وتختار مدينة سانديقو وبيطع لك جميع الجامعات المعترف بها في هذي المدينة وعاد الله يعينك تدخل موقع كل جامعة موجودة وتدخل على الخطة الدراسية تبع تخصص التسويق وتشوف وش اكثر جامعة موادها تطابق موادك وبعدين تبدأ بمراسلة تلك الجامعة والتقديم عليها وشوف وش النتيجة اللي بيعطونك في معادلة الساعات

بالتوفيق