امريكا والقبولات الجامعية

July 10th, 2014, 03:41 PM

السلام عليكم مساكم / صبحكم الله بكل خير

حاولت اجيب قبول مشروط من جامعتين في امريكا وعن طريق شخصين يدرسون هناك
وللحين لي حوالي ثلاث شهور ولا وصلني شي

الجامعة الاولى ضل خويي شهر كل مرة يراسلهم ويتصل عليهم ويقولون له بنرد عليك ويسفطونه
ليمن طفشت انا منهم وتركتهم ومع كذا للحين ولا حت اتصلو علينا او ارسلو اي شي ( يعني فك عن وجيهنا محنابفاضين لكم)

والثانية قدمت اون لاين وارسلت لهم كل طلباتهم وفوقها زيادة بالفيدكس حسب رغبتهم لانهم يبون اوراق اصلية او مصدقة ومع كذا لهم شهر ولا صار شي
كل مرة اتصل عليهم اسألهم يقولون باقي لنا يومين عمل واليومين صار لها اكثر من عشر ايام ولازالت تو ديز ورك !!


الظاهر بالنسبة لامريكا مافي فكة من التعامل مع مكاتب القبولات والصبر على غثاهم ونصبهم ومشاكلهم والمشي مكرها على اختياراتهم لك
لان اذا بتتواصل مع الجامعات في امريكا الله العالم ماوراها الاالتعب وضياع الوقت بلافايدة
او ان شغل بو شهر بياخذ له شهور

توقعت ان الاهمال وتضييع وقت الناس امور منتشرة عندنا وفي البلدان العربية عموما وباقي الدول المتخلفة
وان امريكا وماشبه من دول متقدمة انهم بعيدين كل البعد عن مثل هذي االصفات
لكن اتضح ان امريكا عندهم خييير في هذي السوالف


المشكلة ان التعطيل ماله علاقة بأمور اكادمية مثل المعدل الدراسي او طلبات اخرى لها علاقة بالدراسة نفسها
للاسف كلها شغلة اهمال وتكاسل وسفط للناس
بصراحة شي ماكان متوقع بتاتا ان في امريكا يحصل امور مثل كذا

• نشر عبر تويتر
• نشر عبر فيسبوك
• نشر عبر جوجل