هل صحيح ان هناك خريجين من امريكا و كندا واستراليا وانجليزيتهم ضعيفه ؟

على حسب الجامعة الي تخرج منها

عزيزي لو واحد يدرس في هارفارد ولا كامبردج وهو ماهو مهتم بمايدرسه ولاعنده رغبة لتطوير نفسه
بيكون مستواه العلمي ضعيف وكذلك مستوى لغته

للاسف كثير شفنا ناس متخرجين من جامعات تقييمها عالي لكنهم مايدرون وين الله قاطهم في

خذ مثال عملي
احيانا تشوف لك طبيب متخرج من جامعة عربية او اسيوية مستواها في الطب متواضع لكنه فاهم عمله ومشهود له بالمهارة
وهناك طبيب متخرج من كندا او اوربا لكن مستواه تعبان

واللغة مثل ماقالو الاخوان لازم الواحد بنفسه يتعلم اضافة الى التعلم في المعاهد


مشكلة بعض الناس انه ياخذ موضوع اللغة بشكل فشخرة اكثر مماهو تعلم حقيقي للغة ،، تشوفه اهم شي عنده يوري
الناس انه يعرف اسامي بعض انواع الحلويات الامريكية او البلد الي هو دارس فيها ويقط له بين كل كلمتين عربي كلمة انجليزي
وهو لو تقوله يافلان تعال اقرا لي هذي هالعقد او الاتفاقية تنح مكانه ويمكن يكون كاتبها واحد ماعمره راح بلد لغته نجليزيه

للاسف هذا صحيح
كثير خلصوا جامعة ولغتهم متوسطة
بل المصيبة بعضهم خريج بكالوريوس وماجستير من امريكا

اللغة تعتمد على الشخص نفسة
البعض جاي هدفة يأخذ شهادة ويرجع ويكتفي باللغة اللي تمشي اموره في الدراسة وحياته
والبعض ماشاء الله لغته ممتازة وهو لسى ماخلص ثانية سنة في الجامعة

لو تقول دراسة في معهد لغة انجليزية أقول لك نعم ممكن
لكن صعب اصدق واحد تخرج من بكالوريوس و لغته ( ضعيفة ) بكل ما تحمله كلمة ضعيف من معنى
فما ادري الناس كيف حكمت ان هؤلاء الخريجين ( ضعيفي ) اللغة ، بعض الناس يدقق في اللغة و لو شاف واحد كلّج ( لخبط )في جملة قال لك هذا ما عنده سالفة بينما هذاك تلقاه يسولف و يدبر عمره في الحياة اليومية بشكل طبيعي جدا و سلس
فكر فيها انت بنفسك ، كيف واحد درس اربع او خمس سنوات بكالوريوس ثم تخرج و قاعد يتفاعل مع زملائه و الدكاترة و المحاضرين و لا تنسى انه دبر عمره و تخرج و هو ( ضعيف ) في اللغة !
على الأقل النتيجة العملية النهائية و هي التخرج تٓجُبُّ كل عيب


( تمت المشاركة باستخدام تطبيق مبتعث )

يببب

انا جلست مع كبار في الشركات يقولون يجينا الادمي ما يعرف وين هو فيه ! ولا يركب كلمتين على بعضها

طبعا هذولا دائما مع شباب سعوديين وبينهم واحد معه لغه يضبطهم لين يتخرجون ويجي هو مدررربي راسه يبي وظيفه !!

وللأسف كثير فاهم إكتساب اللغه غلللطططط ..
محسب انه خلاص بأمريكا وبكلاس يتكلمون إنجلش معناها أموره تمام ومكتسبها ..
تخلص سنة اللغه عدها بقدرة قادر أحد , دخل أكاديمي وتلاقي نازل له إنذار عند مشرفه الأكاديمي إنه مايقدر يمشي بالتخصص لأنه ماعنده لغه
الواحد لازم يكون عنده عزيمه واراده عشان يتعلم اللغه ..
والله يوفقنا جميعاً ..

نعم يوجد من هو كما وصفت.

اعتقد الاخوان اخذوا النقاط من جميع الزاويا .. والكل محق فيما قال ..

ولكن كرأي وقناعه شخصية .. اللغة هي سلاح للإنسان ليفهم مايريد فهمه في حياته اليومية ..
فلن يكون لها اهمية إذا اصبح الشخص في بيئة لا تتكلم الا لغته الام وجميع تعاملاته داخل العمل بلغته الام !
وعلى الرغم من ذلك , أرى انه من الصعب الحكم على الاشخاص المتخرجين بهذه السرعة على لغتهم حتى وان كان الشخص تخرج بمعرفة وخبرة غيره !
لان كل شخص لديه نقاط قوه وضعف في لغته .. فلربما الشخص لايملك مهارة التحدث ولكن بالمقابل تجده يملك مهارة الكتابه والفهم السريع لإعتياده على هذا الامر ..
كذلك تجد شخص اخر يملك مهارة التحدث .. ولكن تجده لايعرف ان يكتب قطعة من سطرين بدون اخطاء !
لذا أجد ان الامر في كل الحالتين متوازن فليس هنالك احد كامل , وليس الكل سيحتاج الى تحويل لغته الام الى اللغة الانجليزية !
فأولاً واخيراً , سيعود الى وطنه وسيعمل بين بني جنسه ويتحدثون بلسان واحد !