شيروا علي اكمل بالوظيفة ولا اقدم عالابتعاث

بختصار ؛ انت في مقتبل العمر...
ومواصلة الدراسة بعد توفيق الله ستفتح لك آفاق كثيرة وتزيد لشخصيتك ايجابيات كثيرة هذا كله بعد توفيق الله اولا واخيرا، فتوكل على الله .


( تمت المشاركة باستخدام تطبيق مبتعث )

ترى غالبية وليس الكل طبعا .. طلعوا ابتعاث اما لانه مالقي وظيفة .. او انه لقي وظيفة لكن الراتب مو ذاك الزود ..
انت ماشاء الله تبارك الله .. الوظايف جات لحدك من فضل الله .. ورافس النعمه !

ورب الكعبة الدراسة في الخارج ضغط نفسي .. ومتعبه للشخص المجتهد واللي هدفه معدل طيب من جامعة قوية ..
اما اللي يدرس بجامعة ضعيفة وماخذ الامور تمشية حال .. تراهم هم اللي يتباكون هالفترة مالقيو وظايف ..
لانهم في اعتقادهم لمجرد دراستهم بالخارج وبدولة متطورة .. راح يرجع ويلقى الوظيفة .وبراتب فوق العشره بعد .!

بهالوقت اللي يطلع ابتعاث .. ومايدرس بتخصص يطلبه سوق العمل .. وبأحد افضل 100 جامعة .. تراه بيضيع وقته ..
وسلامتكم ..

اخوي اذا مشكلتك فقط اللغه الانجليزيه تقدر تدرس وتتعلم انجليزي وتوصل للاحتراف وانت في بلدك ومايحتاج تسافر برا

اذا كانت المسألة على اللغة ’, بإمكانك تطويرها اما عن طريق المعاهد الموجودة داخل السعودية او تاخذ كتب او سيديات تعليم اللغة وتتعلم بنفسك !

اما انك تفصل وتروح تدرس على أمل انك ترجع بلغة وتلاقي وظيفة ! فهذا فيه احتماليه كبيره انك تضيع وقتك على الفاضي .. الا اذا كنت ضامن الوظيفه عقبها فهذا امر ثاني !

الا كمل عندك وادرس اللغه عندك مادام الفرصه بيدك ..

عصفور باليد ولا عشره على الشجره

السلام عليكم

يعطيكم العافية يااخوان

يعني نلغي فكرة الابتعاث دام عندي وظيفة

طيب وش رايكم بالعسكرية
وعندي الاهل ضاغطين علي يبغوني ادخلها

القبول النهائي جاني بكلية الملك فهد الامنية دورة ٩ شهور

والله مخي حايس ولاني عارف وش اسوي

الابتعاث والدراسه بالخارج لاحق عليها طالما انك خريج حديث والاهم من هذا انك توظفت في منظومه عملاقه والمراعي والشركات الكبار تقدر موظفيها بالمزايا الماليه والمعنويه وممكن من خلالها تبتعث او تُرسل لدورات بالخارج لاحقاً
واللغه تقدر تكتسبها وتحسنت لغتك هنا سواءاً بالدراسه او الاحتكاك بالاجانب عندك في الشركة.


اما العسكريه فما انصحك بها ابداً ابداً اما اذا قصدك دورة الضباط الجامعيين فهي افضل من ناحية الراتب و اسوأ من ناحية تطوير الذات.



( تمت المشاركة باستخدام تطبيق مبتعث )

أؤيدك في كل كلمه، البعثات فرصه ذهبية وتضيف للشخص الكثير سواء شخصيا او مهنيا
الشهادة من برى راح تأثر كثير في المستقبل من ناحية الترقيات والرواتب غير اللغة القوية اللي طالب راح يكتسبها

اعتبره افضل قرار اتخذته في حياتي ولله الحمد


( تمت المشاركة باستخدام تطبيق مبتعث )

انا لو رجال وينفع ها لحل بقولك عطيني وظيفتك وأعطيك مكاني بالابتعاث!!


عندك راتب زين ووظيفة تطورك وتخليك قوي في اي مكان تكون فيه وتعطيك خبره وسالم أمن فمكانك وتفكر بالابتعاث!!


الابتعاث ماراح اقولك ان غربة وإرهاق معنوي وجسدي بس الا اكثر من كذا بكثير الابتعاث يعني تحط نفسك في وضع يحتاج الصبر من كل النواحي احنا ندرس فمكاننا وبين أهلنا ومع هذا تمر علينا لحظات صعبة كيف لو مرت فينا هاللحظات وقت الغربة..


انت في نعمة احمد ربك عليها وفعلا مثل ما قالولك الي طلع الابتعاث يا اما موظف مبتعث من جهة عمله او عاطل او راتبه ضعيف يبغى يحسن مستواه الا ماندر.. واذا ع اللغة تعلمها هنا ومارسها في سفراتك للخارج بتتقوى كثير عن تجربة بالعكس يمكن تشوف طلاب يجون من برا ماتجاوزوا الايلتس والتوفل انت تجاوزتهم وتفوقت عليهم من مكانك.


وبالنسبة للعسكرية انا احبذها ومااحبذها من واقع تجربة كثير أشخاص حولي في المجال...ان العسكرية رواتبها زينة الى حد كبير بحسب القطاع الي انت فيه والرتبة أيضاً (قطاع مكافحة المخدرات والاستخبارات وكم قطاع اخر أيضاً جيدين جداً من النواحي) وفيها بدلات ومميزات كثير يكفي احتكاكك ساعات راح يكون بكبار الشخصيات ومن كافة المجالات وهذا الشي يخللي أمورك فأي مكان تسلك مطار جوازات جامعات يعني بالمختصر وظيفة تخليك تكون علاقات مفيده تمشي امورك وين ماكنت، الواسطة لو انت ذكي لين عندك تجيك في هاالوظيفة مو انت تروح لها وفوق هذا يكفي انها عمل حكومي ...لكن عيب هاالوظيفة انك لو انت ماشتغلت على تطوير نفسك ماراح تلاقي احد يطورك هذا غير العمل المتعب احيان والإجازات الي وين ووين.





( تمت المشاركة باستخدام تطبيق مبتعث )

انا لو رجال وينفع ها لحل بقولك عطيني وظيفتك وأعطيك مكاني بالابتعاث!!


عندك راتب زين ووظيفة تطورك وتخليك قوي في اي مكان تكون فيه وتعطيك خبره وسالم أمن فمكانك وتفكر بالابتعاث!!


الابتعاث ماراح اقولك ان غربة وإرهاق معنوي وجسدي بس الا اكثر من كذا بكثير الابتعاث يعني تحط نفسك في وضع يحتاج الصبر من كل النواحي احنا ندرس فمكاننا وبين أهلنا ومع هذا تمر علينا لحظات صعبة كيف لو مرت فينا هاللحظات وقت الغربة..


انت في نعمة احمد ربك عليها وفعلا مثل ما قالولك الي طلع الابتعاث يا اما موظف مبتعث من جهة عمله او عاطل او راتبه ضعيف يبغى يحسن مستواه الا ماندر.. واذا ع اللغة تعلمها هنا ومارسها في سفراتك للخارج بتتقوى كثير عن تجربة بالعكس يمكن تشوف طلاب يجون من برا ماتجاوزوا الايلتس والتوفل انت تجاوزتهم وتفوقت عليهم من مكانك.


وبالنسبة للعسكرية انا احبذها ومااحبذها من واقع تجربة كثير أشخاص حولي في المجال...ان العسكرية رواتبها زينة الى حد كبير بحسب القطاع الي انت فيه والرتبة أيضاً (قطاع مكافحة المخدرات والاستخبارات وكم قطاع اخر أيضاً جيدين جداً من النواحي) وفيها بدلات ومميزات كثير يكفي احتكاكك ساعات راح يكون بكبار الشخصيات ومن كافة المجالات وهذا الشي يخللي أمورك فأي مكان تسلك مطار جوازات جامعات يعني بالمختصر وظيفة تخليك تكون علاقات مفيده تمشي امورك وين ماكنت، الواسطة لو انت ذكي لين عندك تجيك في هاالوظيفة مو انت تروح لها وفوق هذا يكفي انها عمل حكومي ...لكن عيب هاالوظيفة انك لو انت ماشتغلت على تطوير نفسك ماراح تلاقي احد يطورك هذا غير العمل المتعب احيان والإجازات الي وين ووين.





( تمت المشاركة باستخدام تطبيق مبتعث )