استفسار انا عضوه جديده بالمنتدى واتمنى من الجميع مساعدتي

وعليكم السلام ..

اختي من نصيحتي لك ..
اول شي تدخلين ع موقع التعليم العالي وتبحثين عن تخصصك وين موجود مثال : تخصصك متوفر في كاليفورينا ، تكساس ، الينوي

بعدين اقري عن الولايات الثلاث ايش تحبين من الجو بارد ، حار .. الي تناسبك الخ.. وبعدها اذا قررتي ع جامعه قدمي عليها

اتمنى وضحت الفكره

تحياتي ،،

يعطيك العافيه اخوي ، انا اتمنى ولايه رخيصه وجوها حار ؟ وياليت اذا تعرف متى تبداء برامج الماجستير في امريكا واكون لك شاكره

البرامج عموما تختلف من جامعة لجامعة وتخصص لتخصص. انت حددي اكثر من جامعة في ولاية او عدة ولايات وقدمي عليهم كلهم مو بس جامعة وحدة ..!!


اذا تبغي حار ورخيص تكساس ..


موفقة يارب

بارك الله فيك وجزاك الله خير

اخر سؤال مع اني كثرت اسئله ، تقريبا كم ياخذ وقت عشان احصل على قبول وشكرا

على حسب الجامعة،الجامعة اذا كانت ضمن top100 تاخذ عشر ايام اما اذا كانت لأ فحدها اسبوع،عموماً اذا طولا عن ثلاث ايام عمل اتصلي عليهم وشبي فيهم،انتي تبين قبول مشروط ولانهائي؟
عموماً بالنسبة للولاية اكيد تكساس رخيصة وحارة وأغلى شفة ممكن تلاقينها ماتوصل ١٠٠٠ دولار
انا في يناير بسافر دلاس تكساس اذا تبين مساعدة راسليني

الله يبارك فيك اخوي ، عموما انا ابغى قبول مشروط لاني ياختبر الايلتس بعد اسبوعين وان شاء الله اجيب الدرجه ، واكيد اذا عندي استفسار بسئلك يعطيك العافيه

شوفي أنا فاهم وضعك
إنتي تبين قبول مشروط مع انك بتختبرين بعد اسبوعين وفوقها اسبوعين للنتيجة يعني شهر على بال ماتطلع نتيجة الآيلتس،بالنسبة لولاية تكساس فيها خمسة جامعات ضمن TOP10 وهذا هو الموقع المعتمد لتصنيف ذلك وهو معتمد من الملحقية في واشنطن
http://www.usnews.com/rankings
والجامعات لاتعطي قبول مشروط للأسف لكنها ممتازة وفي مدن رخيصة وحارة مثل ماذكرت،يعني درجة الحرارة ماتنزل عن 5 ولاتزيد عن 35،المقصد انك تنتظرين شهر اذا طلعت نتيجة الإمتحان وتقدمين عليها يعني يبيلك دراسة قوية للآيلتس
الجامعات هي
rice university houston,tx
university of houston
university of texas at austin
A&M texas university
university of north texas
university of texas at dallas

الجامعات الي فوق كلها في ولاية تكساس وكلها ضمن TOP100 وموزعين بين عدة مدن

تسلم اخوي كفيت و وفيت ، هل تتوقع احصل قبول جامعي بدرجه ايلتس 6 وشكرا لك

في الجامعات الي ذكرتها أنا ماأتوقع لكن فيه جامعات ضمن TOP 100 تقبل 6.5 مثل DUKE وهي ترتييبها 20
عموماً أمك تدعي لك،لأنو في الدراسات العليا في الجامعات الأمريكية أقل شي 6 في الآيلتس مطلوب،يعني من الناحية هذي تطمني لكن مثل ماقلت لك المطلوب الآن تخلين النت وتروحين تذاكرين للآيلتس وخصوصاً جزئية القراءة لأن عليها كلام دسم في الإمتحان
معلومة إضافية
university of houston clare lake
وهي نفسها الي ذكرتها أنا من قبل هي في طرف هيوستن بعيدة عن الضوضاء وعند بحيرة يعني هادية،ومعروف انها تنفع للشباب المتزوجين لأنهم دايم شايلين هم وكذا
ولاية تكساس بوجه عام يبيلها سيارة لكني شخصياً لا أؤيد ذلك لأن سكن قريب من الجامعة يكفي والمواصلات كويسة بعكس مايقال
السيارات رخيصة هناك يعني ماتتعدى
7000$ وتكفي طوال مدة الدراسة
أنا تبدأ دراستي في يناير في دلاس إذا تبين أفدتك أكثر بس مو الحين لما أكون هناك
هذا رابط يبين لك الأجواء طوال العام،كل الي عليك اختاري حسب الشهر وقارني السنة كلها
http://www.accuweather.com/en/us/nor...eather/2622295

الكلام الي ذكرته لك في ردودي كله راح يفيدك انتي وزوجك لانكم ماشالله تخصصاتكم قوية لكن طالما فكرة القبول المشروط في راسك فهاشي بيخفض من سقف طموحاتك

ختاماً
الكلام الي فوق سجليه بملاحظة في جوالك وخليه على جنب،كل المطلوب منك الحين إنك تشدين حيلك في الآيلتس ولاتفكرين بالمشروط لأن المشروط يخمل ويخلي الواحد يكسل بل شدي حياك وجيبي 7

والله ولي التوفيق
ونسأل الله لما ولكِ التوفيق والسداد ولجميع المبتعثين