مساعدة هل محرمي"الوالد" يحق له يجيب مرافقين معه (أمي واخواني) ؟

ما شاء الله عليك يا Masuda
وبالمناسبة: عيدك مبارك وكل عام وأنت بخير!

اهلاً اهلاً اخ Yang Zhu
وانت بخير وصحه وسلامه وينعاد علينا وعليك بكل خير ومسرات يارب العالمين

اهي تبغى تجيب امه

صك الاعالة بسيط

فكرة ممتازة
لكن حسب مافهمنا من كلامها هي تريد إضافة والدتها و أخت صغيرة في الابتدائي ..
أعتقد أن المشكلة في هذه النقطة ..

المقصود يا ولد الديرة؟

هذي ليست مشكلة فإذا كان هنالك محرمين لها ولاختها وكلهم يمشيلهم مكافات ..
فبالتالي راح تكفيهم ان شاء الله اذا كانوا في مدينه معيشتها متوسطه ..
خصوصاً ان فيه مدارس ابتدائيه للاطفال حكومية يعني دراستهم ببلاش !
حطي عليها راتب التقاعد الخاص بالاب ! .. او اي مصدر دخل يجيهم لما كانوا بالسعودية ..
يعني هذي على هذي .. امورهم ان شاء الله تكون ميسوره ويعيشون بسلام

الحقيقة موضوع هذه الفتاة مهم جدا فهو سؤال يتكرر لدى كثير من المتقدمين
أتمنى توضح لنا من خبرتك هل تحتاج أن تستخرج صك إعالة حتى يتم صرف تذاكر للأم والاخوات وتأمين دون مكافأة
وهل صك الاعاله سهل الاستخراج ؟ مثلا في حالة طالبة مرافقها والدها وتريد إضافة والدتها ويوجد لها أخ راشد غير مبتعث وموجود مع الام هل يمكن اضافة الام بهكذا حالة ام ان المحكمة سترفض بسبب وجود ابن راشد ..
وجزاك الله خير نستفيد من خبرتك كثيرا

هو انا وضحت فكرة بحسب وضعها اللي شرحته هي في موضوعها وانها لازالت تدرس في امريكا ...
لأن مسألة صك الإعاله يحتاج الى الرجوع للسعودية .. على انه بسيط وأي شخص يقدر يستخرجه فقط يأتي بشاهدين ومزكيين ويشهدون على انها تعولهم وينتهي الموضوع .. سواء كان فيه شخص يعولهم او لا .. !
لكن الموضوع مو هنا .. الموضوع ان فيها شهود وهذي المسألة ممكن يدخل فيها شهادة زور بدون قصد !
السبب ان البنت تدرس ولا هي موظفه علشان يقولون انها تعول اهلها لان القاضي اكيد بيسأل اذا هي تعولهم او لا ! وهذا سؤال بديهي ومنطقي ..
فلو قالوا الشهود للقاضي (لا ياقاضي هي الان تدرس بالخارج وراح تتكفل فيهم ).. هنا راح تبتدي الاسئلة تزيد من القاضي بكيف ووشلون !
فبالتالي هم بيكون في بالهم انهم بس يبون يخلصون الموضوع من باب المساعدة والنيه الطيبه .. وراح يضطرون انهم يقولون امور ماهي صحيحة ..
وهنا ندخل في امور هم في غنى عنها ..
فمسألة صك الإعالة على انها بسيطة في الاستخراج .. إلا انها مسؤولية لان كل امر نفعله في هالدنيا .. مردنا راح نُحاسب عليه يوم القيامه ..
فلابد الإنسان أن يفكر الف مره قبل أن يقدم على شيء في هالدنيا ويتذكر أنه هنالك يوم حساب راح يتحاسب فيه .. فأمور الدنيا إما تسره أو تغره !
واسأل الله ان يبعدنا عما يغضبه , ويقرب إلينا ما يحبه ويرضاه , ويغنينا من خيره وفضله يارب العالمين ..

اعتذر اذا شطحت شوي بالموضوع .. ولكن هذا رأيي الشخصي .. وانا حبيت اشارك بما في خاطري لكثرة ماشفت في هذا الخصوص !

هلا بالمهلي ما يولي من يوم وصلت امريكيا عقب الإجازة ومنقطعة اخبارك