متطلبات معادلة الشهادة لخريجي أمريكا

مشرفك الدراسي أو قسم معادلة الشهادات بالملحقية راح يعطونك الجواب الأكيد .. راسلهم وإشرح لهم وضعك وإن شاء الله يجيك الرد اللي يريحك

بالتوفيق ياأخوي

المعادلة الحين تسويها أون لاين، وهم يتواصلون مع الملحقية للتأكد من شهادتك لا أعتقد أنك راح تحتاج شهادة التخرج لأني أذكر سابقا عادلت شهادتي قبل حصولي على الوثيقة.

النازف

يعطيك العافيه ما قصرت بارك الله فيك .. ان شاء الله راح أتواصل معهم للإفاده


Linguistics Consultant

إضافه جميلة .. شرحت نفسي كثير .. إن شاء الله يكون هذا هو الحال الى الآن و ما غيروه .. و ان شاء الله الي تجيه معاملتي يمشيها .. لأن أحياناً يكون نفس الطلب لكن القرار المتخذ فيه يختلف عند كل مشرف و مشرف أو لجنه و لجنه أخرى بارك الله فيك على المشاركه والمرور

للفائده العامه ولمن يبحث عن المعلومه هذي مستقبلاً .. اضع في الأسف رد المشرف علي :

(عزيزي ******** لمعادله الشهاده يرفع طلب في البوابه ( طلب معادله الشهاده) ولابد ان تكون رسميه وموضح فيها تاريخ التخرج بالتحديد لا يتطلب ذلك جلوسك في امريكا لانه يمكنك اعطاء عنوانك في السعوديه للجامعه لكي ترسلها ليك بعد التخرج او الي احذ زملائك لانه يمكنك رفع الطلب من السعوديه واغلاق الملف من هناك ايضا اذا استطعت ان تحصل علي خطاب من مسجل الجامعه يفيد بتخرجك فهذا سيفيد في حال رفع طلبات مكافات وانهاء بعثه ولتاكد اكثر عليك مخاطبه قسم الاعتماد ومصادقه الشهادات في الملحقيه وشكرا)

مختصر كلامه .. أقدر آخذ ورقه من الجامعه تفيد بتخرجي منها .. و اقدم فيها على المكافآت والتذكره .. و ارجع السعوديه .. و من هناك لا جتني الشهاده أرفع طلب معادله و اقفل حساب الملحقيه وانا فالسعوديه

معليش بس سؤال: أنت في أمريكا أو بريطانيا؟

أنا أحكي لك تجربتي ومتى كانت وكيف كانت، ربما يكون الوضع تغير لكن الشكوى لله.

أنا تخرجت من فترة لكني ما عادلت شهادتي تركتها ولما كنت في الصيف كنت في السعودية وجت في راسي فكرة أني أعادل الشهادة، وقتها عندي بس صورة من السجل الأكاديمي وما عندي شهادة...

رحت للرابط حق معادلة الشهادات:
https://eqs.mohe.gov.sa

وطلبت معادلة شهادة ومشت العملية

بعد يمكن أسبوع شفت في حسابي على سفير طلب مرفوع تلقائيا مو أنا اللي رفعته، اسم الطلب تصديق شهادة وشفته راح كل شوي لشخص لين جاني قبول للطلب

بعدها بيمكن أسبوع أو أسبوعين ماني ئاكر بالضبط والله جاني إيميل يقول تمت معادلة الشهادة، وفعلا دخلت ولقيت الشهادة معادلة وما تزال نسخة المعادلة موجودة في حسابي على الرابط اللي عطيتك إياه.

تحياتي...

لا اخوي انا بامريكا .. و واضح هذا من عنوان الموضوع :/

صادق و انا اخوك .. بس انت ما تعرف الوضع عندنا o0 .. كل شوي طالعين بقرار شكل .. و أحيان نفس القرار و كلن يفسره على كيفه .. يعني خذلك مثلا .. قبل شهر تقريبا طلعت ميتنق على حساب الملحقيه .. طبعا هو مؤتمر بس اسمه ميتنق .. المهم مالك فالطويله .. اخوي تو رفضوا طلبه لحضور مؤتمر .. والسبب تافه .. يقولون له هذا مو مؤتمر هذا ملتقى (ميتنق) .. يعني شف العشوائيه باتخاذ القرارات من مشرف لمشرف .. راح لهم الملحقيه و كلم رئيس البرنامج و مشت اموره .. خلاصة الموضوع ان أحيانا القرارات تفسر على الكيف وليس على شي رسمي واضح .. فما بالك على مشكلتي هذي الي انت مسوي معاملتك فيها من فتره طويله نسبيا

و بعدين انا اشك في كلام المشرف .. لأن بشهر فبراير الي راح جايتنا رساله من الملحقيه وفيها رابط لمعادلة الشهاده .. و توني مشيك عليها قبل يومين .. يعني اظن معادلة الشهاده تتم من الرابط الي في الايميل مو من البوابه .. بس للحين ما شيكت البوابه اذا فيها معادله او لا .. بس مبدئيا تطمنت من كلامه اني اقدر اخذ ورقه تفيد بالتخرج واخذ فيها مستحقاتي

يعطيك العافيه اخوي و جزاك الله خير على متابعة الموضوع و افادتي بمعلوماتي و افادة اخواني جميعا هنا لمن بيمر بتجربتي

طيب اخوي بما انك في السلك الأكاديمي .. هل الترقيه من معيد الى محاضر تتطلب معادله للشهاده؟ .. لأني من ردك أعلاه أحس انك ما كنت مهتم بالمعادله .. وانك عادلتها فقط لنفسك مو لإجراء إجباري؟ لأني انا أبي أرقي لمحاضر و خايف إجراءات المعادله تطول و تأخرني .. خصوصا اني ابي اطلع الفول الجاي اكمل الدكتوراه اذا الله يسر

هلا بك أخوي
نعم شفت العنوان وهذا فهمي له في البداية بس لما شفت الاختلاف قلت ممكن أنك من بريطانيا وتبي تسأل عن الوضع في أمريكا.

بالنسبة لأمورك مع الملحقية كلها تقدر تخلصها بدون الشهادة ويكفي ورقة إفادة تخرج وهذا اللي أنا سويته وقتها.

بالنسبة للترقية فالصحيح أن الجامعات لا تطلب معادلة شهادتك أصلا لأن موافقة المجلس العلمي تعد بمثابة معادلة شهادتك (للأسف بعض الجامعات الناشئة ما تعرف عن هذا)، أنا حصلت على ماجستير من بريطانيا عام ٢٠١٠ وترقيت بعد مباشرتي بحوالي شهر ولا احتجت لا معادلة ولا هم يحزنون... ثم رجعت ودرست ماجستير أخرى في أمريكا ورقيت البعثة للدكتوراه بدون ما أعادل شهادتي ولا شيء.

لما عادلت الشهادة كانت مجرد تجربة شخصية وكنت غير محتاج لها أصلا ولا قدمتها لمرجعي ولا شي.

بالتوفيق...

يعطيك العافيه عزيزي .. كلام واضح جداً و مطمّن .. جزاك الله خير .. و ان شاء الله جامعتنا تمشي الأمور بدون تعقيد لأن الجامعه بعد مهي بعيده عن الملحقيه ههههه
أحييك على مثابرتك و حبك للدراسه وحصولك على درجتي ماستر و هذا قليل الي يرضى فيه و يسويه ..

العفو أخوي الكريم.
اليوم جربت أرفع طلب استفسار لمشرفتي في الملحقية وسألتها عن طريق تصديق الشهادة وهذا ردها:


نوع الطلب طلب أستفسار
تاريخ تقديم الطلب 16-10-2014
تاريخ آخر تحديث 16-10-2014
حالة الطلب تم الرد
ملاحظات
تقوم برفع طلب على موقع وزارة التعليم العالي لمعادلة الشهادة وهم يقومون برفع طلب مصادقة شهادة وتتم المصادقة الكترونياً