قرار تحديد مستقبلي

والله وانا اخوك اذا انت تبي تاخذ رايي ..
فانا اشوف ان السلبيات اللي وضعتها ماهي الا نظرتك الشخصية لنفسك !
او خلينا نقول أنك تهتم كثيراً لنظرة المجتمع .. وهذا اصابك بإحباط ..
لان لو ان وظيفتك مامنها فايده كان ما اعطتك سابك دورة ثلاث شهور في بريطانيا !
مع العلم انك توك صغير واعتقد انك مكمل ثلاث سنوات في وظيفتك !
يعني ما اشتغلت شي حتى الان ..

واشوف ان وضعك المادي لله الحمد والمنه افضل من كثير اعرفهم معهم بكالريوس وشغالين في شركات ثانيه !

انا انصحك انك تراجع حساباتك .. وتحاول تلعب على المضمون .. لاتخاطر بكل شي عندك ..

شوف انظمة سابك عندكم .. وطالما سمعتك ممتازه عندهم .. كلم المسؤول واشرح له وضعك ..
وبين له ان انك تبي تحسن اوضاعك .. وان شاء الله يتساعدون معك وتطلع لك بعثة على حساب سابك تكمل فيها البكالريوس وترجع وتكمل شغل معهم على وظيفه جديدة !

بالنسبه لي أشوف انو طالما انك انسان عندك العزيمة والرغبة القوية للتعلم وامورك ان شاء الله المادية كويسة نظرا لوجود شي ممكن لا سمح الله لو انزنقت يساعدك بمدخوله انا اقول لك وانصحك نصيحة أخت انك تكمل
لأنه مهما نجح الانسان وهو مو راضي عن النتيجة عمره ما راح يرتاح ولا ينبسط الا لو حقق اللي يبيه عاجلا أم آجلا لذلك ابدأ في التخطيط لاكمال دراستك وكن متأكد انك راح تتعب شوي يعني ما في شي يجي بسهوله وهذه طبيعة الحياة
أما بالنسبه لموضوع انك متزوج وهالشي صعب ممكن يكون صعب لو معك أطفال كبار يدرسون لأنك لازم تراعي مستوى المدارس اللي بتدخلهم فيها أما غير كذا ما اشوف هالشي مشكلة ابدا
ثم أكيد انت لما تروح هناك راح تلتحق بالابتعاث ولو بعد حين صح ؟ معناته وين المشكله ؟

احسبها صح واستخير ثم اعقلها وتوكل وان شاء الله ربي يوفقك وتذكر " من سلك طريقا يلتمس فيه علما ، سهل الله له به طريقا إلى الجنة "

الله يوفقك لما فيه خير وصلاح لك ولعائلتك

شوف سا اخي سالفة اطلع ع حساب سابك هذا من سابع المستحيلات لانه لازم استقيل اذا ابي .

الشي الثاني انا عندي طموح وابي ادرس ابي شهادات اعلى

وشلون راح تطلع على حساب سابك اذا استقلت من الشركة ؟

ياغالي, انصحك بإنك تراجع إدارتك وتشوف الفرص المتاحة لك ..
وبعدها قرر ..

ولا تنسى .. فيه احتمالية طموحك هذا راح يكون مجرد كلام على اوراق ولا راح تستفيد منها بشي !
انا اتكلم كواقع نعيشه .. الفرصه ماتجي مرتين !
وانا اقولك هالكلام لاجل تحط جميع الاحتمالات امامك .. حتى لو اتخذت اي قرار في مصلحة نفسك إلا تكون مقتنع بقرارك وحاط ببالك حلول بديله لكل أمر قد يواجهك !

الشخص العاقل ياخذ وقته في المسائل اللي مثل هذي ولا يتخذ قراره في يوم وليله ..

اخوي محمد فهد انا ما اتخذت قراري بين يوم وليلة انا استشرت اكثر من 15 شخص من دكاترة في الهندسة واشخاص معهم ماجستير وكثير اشخاص. وانا لي اكثر من سنة افكر بالموضوع لاكن مارسيت على بر

طيب وانا اخوك انت وش بتخسر لو رجعت لإدارتك بالشركة وسألتهم عن الفرص المتاحة لك لإكمال تعليمك ..
لو ما اتخذت هذي الخطوة .. انصحك بأنك تعملها .. لانك ماتدري ممكن تكون لك فرصه بإكمال تعليمك استناداً على ما ذكرت بأن سمعتك ممتازة بالشركة ..

اخوي ماراح اجاملك وبعطيك الكلام الي ان شاء الله انه الكلام الصحيح والي ماينفعك غيره..

اولاً اترك عنك الي يقولك الوظيفة اهم ومدري ايش طيب لو الوظيفة اهم كان الناس كلهم تخرجو من الثانوية واشتغلو باي مكان مو يدرسون بجامعة مكافئتها 900 ريال .. وايضا ماعليك من الي يقولك انت متزوج بالعكس ترا الزواج يعطيك راحة نفسية باشياء كثيرة منها انكم تتساعدون على الدراسة والنجاح في الغربة وانا اقولها لك بسبب اني غير متزوج

ثانياً راتبك كويس الان لكن على المدى البعيد ماراح تصير جنب راتب المهندس في نفس الشركة الي انت فيها، اي راح توصل شي اسمه "cap" او سقف الرواتب لمؤهلك وهالكلام جاني من واحد نفس ظروفك بل انه اكثر خبرة منك، عمره ٢٨ سنة والان مبتعث يدرس بكالوريوس المالية بسبب انه كان يشتغل ببنك وراتبة كويس وكل شي لكن وصل اعلى حد معين ماقدر يتخطاه!

بالاضافة انك ماراح تقدر تنافس باقي المهندسين في المشاريع المناصب الي تعطى لهم، لان كل المناصب غالباً تحتاج شيء اسمه "qualifications" أي المؤهلات لشغل وظيفة معينة، ومؤهل الدبلوم العالي يتدرج بالوظائف الى حد ماتقدر تتخطاه الا بمؤهل أعلى او بواسطة قوية!

توكل على الله وكمل دراستك انت وزوجتك خصوصا زي ماتفضلت مامعك اولاد، بالنسبة للوظيفة لا تشيل هم يعني مثلا اذا كملت هندسة ميكانيكية ترا الوظايف بالهبل من عشرات السنين وستظل بالهبل للسنوات القادمة ايضاً لان التخصص هذا تطبيقي اساسي تحتاجه كل الشركات مثل باقي التخصصات من الهندسة الكهربائية والمدنية وغيرها،، بالعربي لا تشيل هم الوظيفة

اخيراً البعثة تعطيك الفرصة مو بس انك تكمل البكالوريوس بل ايضاً انك تكمل الماجستير والدكتوراه، غير انك تكتسب لغة وثقافة وتجارب قليل الي يكتسبها، والحكومة تدفعلك مكافئة تعيش فيها وتدفع تكاليف دراستك وش تبي احسن من كذا بعد؟ ولله اني اشوف ناس من دول عربية هم الي يدفعون كل تكاليف دراستهم على حسابهم والحمدلله انت تروح محفول مكفول وترجع باعلى الشهادات

هذي نصيحتي اذا قدرت تروح ببعثة من الشركة الي انت فيها كويس، ماقدرت عادي تقدر تروح على حسابك 4 شهور لمعهد لغة وتنضم للبعثة، او اذا لغتك كويسة تقدر تروح للجامعة مباشرة وتسوي طلب انضمام للبعثة يضمونك على طول بدون سالفة ال4 شهور.

وبرأيي ان الواحد يرضي طموحة اهم من اي شيء اخر
هذي نصيحة اخ، والله يوفقك يارب

وَ عليكم آلسلآم وَ رحمـــة آلله وَ بركآتة ..

كٌل آلآرآء .. تعتبـــر عقلآنية ..
وَ لكن ..
إنت إستشرت .. هل إستخرت ؟

موفق ,,

كلامكم كله على عيني وراسي . واشكرك اخي على كلامك الرائع صدقت لايمكن انافس المهندسين لان بوصل لحد معين واوقف وانا عندي طمووووح اشكركم .