ارجوكم اريد ان اريح قلبي

ينقل للقسم الصحيح ..

بالنسبة لرحلة ابنك ,
فالموضوع بسيط بإذن الله ..
والله من زمان عن مطار دالاس على ان غالب رحلاتي منه .. إلا اني ناسيه ههه ..

لكن اذا وصل إلى دالاس .. فقط يبحث عن شاشات الرحلات (بيلاقيها في كل زاوية بالمطار) ..
يشوف من خلال الشاشة رقم رحلته المتوجهه إلى برمنجهام .. ويتأكد من وقتها ورقم البوابة اللي راح تكون الطياره فيها !
بعدها يروح لاقرب سيكوريتي ويسأله عن رقم البوابة وين مكانها .. اذا مايعرف يتكلم فقط يعطيه البوردنج او يقول رقم البوابه والسيكيوريتي راح يفهم .. وبيوجهه لها !
فيه برضوه في المطار اجهزة قص بوردنج .. يقدر يجي عندها ويقص البوردنج منها وتكون محدثه برقم البوابه والوقت .. بس انا عادة ما اعتمد عليها كثر ما اعتمد على هذي الشاشات !
ومن وقت وصوله الى التريمنال الخاص بالرحلة الثانيه .. يقعد في الانتظار ليما تجي وقت رحلته ..

اما بالنسبة للتفتيش .. فنعم سيكون التفتيش في دالاس .. لكن التفتيش بيكون سريع على حسب ما اذكر من اخر مره جيت المطار !
كل اللي عليه انه يحط اغراضه في صندوق ويدفها بجهاز الكشف وبعدها بيقولون له يوقف في جهاز ويرفع يديه يسوي كشف شخصي عليه ..
بعد مايخلص يروح وياخذ اغراضه ويكمل للرحله الثانيه !

المسألة بسيطه ومايحتاج تخاف عليه ان شاء الله اموره سهله ..
واكيد راح يواجهه سعوديين او عرب بشكل عام معه بالرحلة !

اهم شي انه يكتب عنده ارقام الرحلات بإختصارات اسماء الطيران ..
مثال (رحلتي بطياران ديلتا رقمها 0001 .. بيكون اختصارها كذا DL 0001 )
وهي بتكون مكتوبه في معلومات الرحلة عندك وفي البوردنج بعد .. فلذلك لابد انه يكتبها عنده حتى تكون سهله عليه في البحث !

ايضاً يضيف في جواله اوقات المناطق اللي بتحط الطياره فيها !
واذا وصل لدالاس يعتمد على ساعة الجوال اللي معه بتوقيت دالاس .. لا يروح على توقيت السعودية !
لان الطياران يمشون على اوقات المناطق اللي بتقلع منها الطياره ..
فمثلاً يقولك الاقلاع الساعه 5 العصر من السعودية الى دالاس .. والساعه 4 العصر من دالاس الى برمنجهام .. فبالتالي 5 العصر بتوقيت السعودية الطيارة تقلع من السعودية الى دالاس .. والطيارة الثانيه تقلع الساعه 4 العصر بتوقيت دالاس من دالاس الى برمنجهام ! ..

شغله ثانيه .. بالنسبة للشنط .. انصحه فقط يجيب ملابس حقت شهر .. ويشتري الباقي من امريكا ارخص وافضل له ..
واخف له بالسفر ! .. يعني يجي معه شنطه صغيره يدخلها معه بالطياره فيه كم لبس له .. وعقب مايوصل باسبوع يروح للسوق ويتقضى !