للاهميه .. مستقبل اسرتي بين يديكم .. أحتاج ولاية رخيصة !

يا اخوان تضاربت الاراء

ابي مكان السكن فيه رخيص و المعيشه العاديه رخيصه

حددوا لي بالله اذا ممكن تكفون

أخوي عمر ,,
طبيعي جدآ تتضآرب آلأرآء إنت تتكلم عن قآرة كآملة بحجم أمريكآ .. وَ آلأرآء تعتمد على إجتهآدآت شخصية ..
تعتمد على آلشخص نفسه ..
يعني شخص يمكن يروح لنيويوركـ يشوفهآ جدآ رخيصه لأنه آلله منعم عليه أمآ آلآخر لو يروح لولآية آلآبآمآ يشوفهآ نآر بآلأسعآر ..
لجل كذآ مُستحيل تلقى إجآبه أكيدهـ ..

عمومآ ..
آلولآيآت آلغربية مثل وآشنطن كآلفورنيآ .. لآ تفكر فيهآ لأنهآ غآليه, وَ اوريقون فيهآ نسبة غلآء معيشي حتى لو مآكآن فيهآ ضرآئب شرآئية !
أرخص ولآية يعني أفقر ولآيه حط هآلشي ببآلكـ ..
آلولآية آلرخيصة يعني آلخدمآت مُقآرنه ببآقي آلولآيآت .. أقل بكثير وَ أكبر دليل ولآية آلآبآمآ وَ لويزيآنآ تقريبآ من آلولآيآت مو بس آلرخيصة إلآ آلفقيرة ..
وَ هذآ محسوب على آلبنية آلتحتيه للولآيه أجمع ..
لدرجة مرهـ شفت تقرير عن ولآية آلآبآمآ .. وَ آلله للآن مو مصدق إن آلمدينة أللي شفتهآ بأمريكآ !!!!!
وَ تذكر شي نسبة آلسود بآلشرق أكثر من آلغرب .. لأن آلثورة للزنوج بدأت من آلشرق بفلآديلفيآ ..
علآوة على ذلكـ, آلشرق يميل عليه آلشكل آلكلآسيكي آلبريطآني وَ آلدليل أغلب آلدن بأسآمي بريطآنية .. للإستعمآر وَ آلسيطرة لبريطآنيآ آلعظمى ..

ولآيآت آلشرق تقريبآ منآسبة ..
مثل ولآية أوهآيو تعتبر مُنآسبه وَ لآيه مثل تيكسآس تعتبر معقوله في أغلب مدنهآ .. وَ هنآ نقيطه ثآنية .. مدن آلولآية تختلف في درجآت آلغلآء وَ آلتكلفه ..
بتقول طيب كيف أعرف ؟
بقولكـ .. إبحث بنفسكـ وَ ضع قآئمة خآصة فيكـ وَ قآرن لأن هذآ مُستقبل وَ مو أي مستقبل إنت رجل متأهل وَ أللي معكـ أمآنه برقبتكـ ..

ولآية أريزونآ مدينة تيمبي جآمعتهآ قويه وَ آلمدينة معقولة آلتكلفه ..
ولآية ميشقن فيهآ مٌدن بسيطة آلتكلفه مُقآرنه بولآيآت أخرى ..

أمر آخر ..
إنت دآرس على حسآبكـ آلخآص ,, لو فيه إمكآنيه تروح آلأشهر آلأولى بدون زوجتكـ وَ آلطفل لين تقدر تنضم ..
وَ تضحي شوي بآلقرب منهم لفترة مُعينه من عمركـ لجل ترتآح بآقي آلعمر بعد آلإنضمآم ..
لأن أعرف كثير كذآ يروح هو أولـ ينضم وَ يجيب أهله أمآ متأهل وَ تدرس على حسآبـكـ آلخآص وَ معكـ طفل ,, لآزم تعيد آلنظر شوي ..
إن شآء الله مآتفهمني خطأ مثل مآفهمتني قبل كم يوم وحدهـ آلله يهديهآ تقول إنت أصلآ مآتعرفني وَ تبيني أشيل آلفكرة من بآلي وَ من هآلكلآم ..
أنآ أقول هآلشي لأني شآيف آلوضع بأمريكآ لآزم تختآر مكآن معقول وَ أللي أعرفه إنه عندكـ قبول وَ أموركـ جآهزة لجل تدرس ..

لجل كذآ ..
دآئمآ أصعب آلأسئلة ..
إحتآج ولآية رخيصه وَ آمنه !!! وَ مستحيل تلآقي إجآبآت متوآفقه وَ دآئمآ بصرآحه أضطر لدمج جميع آلموآضيع أللي تتشآبه مع سؤآلكـ في موضوع وآحد ..
لكن إن شآء الله هذآ آلموضوع بيكون أيضآ مرجع للي بيجي من بعدنآ ..
فـ نصيحه أول مآتسمع بإسم ولآية من شخص روح إبحث عنهآ لأنكـ صعب تلآقي إجآبه جآهزهـ وَ مثل عآرف وَ كم موضوع إنطرح وَ إحتآج مجهود من صآحبه ..

أنآ أكثرت آلكلآم وَ لكن لجل توضح آلصورة وَ لجل أفيدكـ وَ أفيد غيركـ ..
وَ مثل مآقلت لكـ لآ تستغرب يمكن أدخل بعد إسبوع أضيف كم مدينه .. !

موفق ,,

السلام عليكم

اخواني انا بعد 3 ايام ماشي لهلمدينه

اختارها لي مكتب و ان شاء الله تكون كويسه

في احد منكم زيي حاب نتخاوى هناك ولا لا

ترا الانقلش عندي جيد جدا دارس و متعلم من اول

ملاحظه : عمري فوق ال، 30


بالتوفيق للجميع

السلام عليكم
انا ابحث عن قبول معهد وجامعه في احد المدن التاليه ( بوسطن – لوس انجلوس – سان دييغو – سان فرانسيسكو – شيغاغو – اوريغون – بنسلفانيا – تكساس ) او أي مدينه بس تكون امنه وحلوه ما اروح واطفش
بشرط يكون المعهد والسكن مع عائله رخيصه بحدود 1700 دولار بالشهر او اقل وتكون مدينه امنه ومتوفره المواصلات والافضل السكن يكون قريب من المعهد والمحلات عشان ما احتاج للمواصلات كثير ..
وابي نصايحكم بافضل المدن للدراسه على حسابي الخاص الين الانضمام .. اعتذر اذا الموضوع بمكان خطأ ..... رجاء ابي تفاعلكم متوهق

بوسطن = للكاشات صراحة لانها غالية .. ولا هي حلوة وجامعتها حلوه وكلش حلو فيها

لوس انجلوس = كبيرة وفيه مناطق حلوه ومناطق خطرة ووو الزبدة لاقلت لوس انجلوس حدد وين بلوس انجلوس لانها بحر صراحة في بعض الاماكن رخيصه شوي .. بس لوس انجلوس تعتبر غالية ولازم لك سيارة

سان دييغو = حلوه واسعارها نص ونص معقولة .. المواصلات فيها يعني مش حالك يبي لك سيارة او سيكل

سان فرانسيسكو = غالية ابعد عنها .. تصلح سياحة بس

شيكاغو = حلوه واسعارها متوسطة والمواصلات فيها ممتازه وفيه مناطق امنه وفيه غير امنه بعد يعني مدينة للكل حلوه

اوريغون = موقفة من الملحقية بسبب التكدس .. بس حلوه ورخيصه بالحيل

بنسلفانيا = ماعرف عنها الا انها ديرة الامريكان قبل بيوتهم قديمه زي نيويورك .. والامان لك عليه

تكساس = حليوه اذا تحب جو الحار شويتين .. بس ترا شعبها يابسين خلك يابس زيهم ولا هي حلوه وزينه واسعارها معقولة

واذا كان تبي رأيي اختار لك سان دييغو ولا شيكاغو لانها كلها حلوات .. طبعا الفرق شاسع بينهم سان دييغو دفا وجو جميل .. شيكاغو بااااااااااااااارده

ومن ناحية المعهد والسكن مع عائلة بكل ولاية لها اسعار لو تبحث بنفسك افضل ..

موفق

وَ عليكم آلسلآم وَ رحمة آلله وَ بركآتة ..
أخوي ..
نعم للأسف أغلب موآضيعكـ مُكررهـ !
( رآجع شروط آلمنتدى ) ..


بآلنسبة لسؤآلكـ ..
إنت جآمع مآبين ولآيآت وَ مدن ! حدد فقط مٌدن وَ ليس ولآيآت !!

عمومآ ..
تم دمج موضوعكـ هنآ ..
موفق ,,

انت ما عندك الا حذف مواضيع ...... اغلب المواضيع تواريخها قديمه

ههههههههههههه
هذآ آلموضوع مو قديم .. قبل كم يوم بس !
وَ آلموآضيع آلقديمه صدقني مآمر عليهآ أكثر من خمس سنوآت هذآ أقصى حد لهآ ..
حتى آلتغيير أللي بيصير بآلمدينة بيكون طفيف جدآ ..

بعلمكـ طريقة جربهآ خلآل هذآ آلإسبوع ..
إمسكـ ورقة وَ قلم .. وَ أكتب بكل صفحة إسم آلمدينة .. وَ تحت آلمدينة أكتب موقع آلمدينة ( غربيه - شرقيه - في آلوسط . . . ) !!
مميزآت آلمدينة - عيوب آلمدينة ..
تكلفة آلمعيشة ( سكن مع عآئلة - شقة - موآصلآت - قيمة آلضريبة آلشرآئية ) ..
أقرب آلمدن ..
أسعآر آلمعآهد ( تجآري - يتبع لجآمعة - يُعطي قبول مشروط ) ..
نسبة آلسعوديين - آلعرب - آلبشرة آلسمرآء وَ آلأمريكآن ..

وَ خذ هذآ آلرآبط ..
شبكة مبتعث - Google Search - بحث بستخدام جوجل

أكتب إسم آلمدينة فيه ..
بتظهر لكـ موآضيع ,, وَ إبدأ إبحث فيه ..

قآبلني بعد إسبوع أو إسبوعين وَ علمني بآلنتآئج ..
وَ أنآ بسآعدكـ إن شـــآء آلله ..

وش رآيكـ ؟
تجرب أللي قلت لكـ ؟

السلام عليكم

يسعد مساكم

اخوي (حروف متناثره ) يعطيك العافيه على جهودك قريت كثير في رسايلك واستفدت الله يعطيك العافيه

بس انا متعثر في شي واتمنى القى اجابة

انا متزوج اجنبية هل اذا رحت امريكا على حسابي الخاص ينقلوني ع البعثه ولا ماينفع لاني متزوج اجنبيه ؟!

وفي حالة اذا الاجابة ايه اقدر انضم للبعثه
هل تكفي المكافاه لي انا وزوجتي بدون اطفال بحكم انها مكافاه وحده لانه اكيد الزوجه الاجنبية ماينصرف لها مكافاه

يعني باكثر وضوح المكافاه ال 1800 دولار تكفينا اثنين حنى لو ولاية رخيصة

والله يعطيك العافيه على جهودك مرة ثانية

انا في كولمبوس بأوهايو, المدينة رخيصة وجميلة في نفس الوقت ..
أعتقد تقدر توفر 500 دولار اذا أحسنت الصرف ..