مساعدة دراسة لغة في هذي الصيفيه وانا طالب ثانوي

January 1st, 2015, 10:09 PM

بسم الله الرحمن الرحيم

انا طالب بالصف الثاني ثانوي حاليا عمري 17 بالضبط
الوالد من زمان وهو يقول لي بخليك تسافر برى تدرس لغة وترجع
وامس قرر اني باذن الله بسافر هذي الصيفيه بس بشرط
اني اجيب نسبة ممتازة !!
انا ماني خايف من ناحية الدراسة لأني متفوق دراسيا ( ماشاء الله )

عندي اسئلة واستفسارات كثيرة ولا ادري هل هذا هو القسم المخصص او لا
طبعا واضح من العنوان السؤال الاساسي
وش افضل المدن في امريكا اللي تكون الدراسة فيها ممتازة وتكون في نفس
الوقت سياحية وفيها فلة وكذا وفي نفس الوقت تكون رخيصة
لأني بصراحة ماودي اكلف على الوالد
خصوصا اننا في نفس الوقت نبني عمارة

وش افضل تاريخ للسفر من والى
وهل مدة شهر او شهر ونص تكفي ان اكون تعلمت لغة نص ونص
المشكلة ان الاختبارات تنتهي في وسط شهر 8 يعني مايبقى شيء
الا ودخلنا رمضان وصعب اني اسافر في رمضان

وش الافضل اكون عند عمي هو في ولاية تكساس
ويقول ما انصحك تجي عندي لأني ساكن في شبه قرية
ومافيها حياة واذا بتيجي حياك
علما انه بعياله وزوجته فاكيد فيه احراج

أو أكون عند عائلة كيف يكون الروتين اليومي بـ ( اختصار )

طبعا ما بدلع نفسي كثير يعني افلها يومين بالاسبوع او يوم

اخر سؤال تقريبا كم تكون التكلفة الاجمالية لشهر او شهر ونص
طبعا مع التذاكر + السكن عند عائلة أو عند عمي + المعهد + الاكل والشرب والنترنت
واذا فيه مصاريف ثانيه ذكروني

وانا اسف مره ثانيه لأني كثرت اسئلة عليكم وشكرا ...

• نشر عبر تويتر
• نشر عبر فيسبوك
• نشر عبر جوجل